Bene Lefi 26:26 - Baibo Busansulushi Bwa Libuku Ili

²⁶ Ashalo shakulya shanu ndaakushiceesha cakwaamba ayi banakashi likumi balaakunoopangila shinkwa woonse ngobeelete mwakupangila momwi. Balaakwaabana shinkwa uyo, ono pakumanisha kuulya woonse, teshi mukakuteewo.

Bene Lefi 26:26 교차 참조

Mika 6:14

Mulaakulya, sombi teshi mukakute. Ncakwiila mafumo anu alaakunoolibo bwaashi. Mulaakubika kubutala, sombi teshi shikashikeeko mukwiinga shoonse ndaakushinyonyoola kunkondo.

Isaya 3:1

Amubone! Mwaami Lesa, Mwaami Lesa Shinkusu shoonse utooyanda kukusha lucafwo lwakwe lwa mushobo uli woonse muJelusalemu amucishi ca Juda. Utooyanda kucileka kubapa shakulya amaanshi.

Esekelo 5:16

Ndaakunyonyoola shishango shanu akumulengesha kufwa kunsala. Mulaakunyumfwa kucisa kwa nsala anga njimifwi ikolete iyo yakatumwa kwaamba ayi imucaaye.

Kulumbaisha 105:16

Mwaami Lesa wakaleta nsala mucishi cabo akunyonyoola shakulya shabo shoonse.

Agayi 1:6

Mwakalima shili anga ngamaila shiinji, sombi mwakatebulamobo shiniini. Mulicite shakulya, sombi tashikwani ayi mukute. Mulicite waini, sombi nyotwa taimaani. Mulicite shakufwala, sombi teshi shiinji cakumukasaasha. Muntu uyo usebensa taafoli amaali akwana kulyaamo.

Esekelo 14:13

“Webo omuntu, na cishi cabisha mukutashomeka kuli ndime, nebo ndaakutandabika lyaansa lyangu mukunyonyoola shakulya sha ncico. Ndaakutuma nsala pabantu ayi bafwe pantu pomwi ashifubwa shabo.

Esekelo 4:16

Kuswawaawo wakandwiita ayi, “Webo omuntu, ndaakuceesha shakulya muJelusalemu. Bantu balaakunoolya shakulya shakweeleka cakulisukama. Aalo maanshi balaakunoonwa akweeleka mukutyongola.

Isaya 9:20

Kululyo balacana shakulya, sombi tabakuti. Kucipiko balacana shakulya, sombi balafwa nsala. Ono batoolya abana babo bakushala beene!

Osiya 4:10

Mulaakunoolya shipansha shanu sha milambu, sombi teshi mukanookuta. Mulaakulambila balesa banshalo, sombi teshi mukanooshalaawo mukwiinga mwafutatila ndime neMwaami Lesa akukonkela balesa bamwi.”

Esekelo 4:10

Ukapime magilamu a shinkwa ali 230 ayo ngweshi unoolya bushiku abushiku paciindi cibambitwe.

Jelemiya 14:12

Nabi bakalikashe kulya, kulila kwabo teshi nkakunyumfweewo. Nabi bakabenge milambu yabo yakutenta akupa shipo sha fulaulo teshi nkashitambulewo, sobwe. Sombi ndaakubanyonyoola kunkondo, nsala alimwi akumwaalu.”

Bene Lefi 26:27

“Ono kwisule lya shintu shoonse ishi, na mukanoocikakitebo nshemulwiita akutanyumfwila,

2 Baami 6:25

Nsala yakakomena ceebo ca ndabala yakalinga kushingulukitwe. Paceebo ceeco mutwi wa mbongolo wakalinga kuulwa maali a silifa ali 80, aalo matyotyoolo a mpolobe kaaulwa maali a silifa ali osanwe

Isaya 5:10

Ceebo muunda wa minyansa ukwana maekele likumi ulaakukushabo malita osanwe aotatwe a waini. Pashangwa malita ali 180 a mbuto, pakutebula nkusushabo malita ali 18 a shili anga ngamaila.”

Esekelo 4:17

Cilaakuba boobo ceebo shakulya amaanshi shilaakushupa. Balaakupenshekwa abuumbi mumyoyo pakunoobonana ayalo mibili yabo ilaakunyombela ceebo ca shibiibi shabo.”

Isaya 9:19

Nceceeco bukali bwa Mwaami Lesa Shinkusu shoonse ncebwatentela cishi alimwi bantu baba nsheenkuni shitoobilimya mulilo uyo. Ono taaku nabi womwi weshi akafwite nkumbu mukwabo.