Bene Lefi 26:20 - Baibo Busansulushi Bwa Libuku Ili

²⁰ Anu kusebensa kwanu kunene abuumbi teshi kukamucafweewo, ceebo mucishi canu teshi mukaswe shakulya ashalo shisamu teshi shikacate shisepo.

Bene Lefi 26:20 교차 참조

Isaya 49:4

Mpomunyaawo ndakaamba ayi, “Anu ndakalinga kulipenshabo kusebensa. Ee, ndakalinga kumanabo nkusu kwakubula mpindu. Sombi shintu shoonse sheelete ndime shili mumaansa a Mwaami Lesa. Ncakwiila cilambu cangu cilaswabo kuli Lesa wangu.

Kulumbaisha 127:1

Na Mwaami Lesa wabula kuyaka ŋanda, ngayi bayaki basebenselabo kapongo kafwite. Na Mwaami Lesa wabula kulindilila ndabala, ngayi beshikulindilila balipenshabo akutoona.

Dutolonomi 11:17

Na mukacite boobo, Mwaami Lesa ulaakumukalalila. Ulaakucata mfula, lyalo inshi ilaakuyuma cakutamena shishango. Mpeeke mulaakufwa cakufwambaana mweenka umo mucishi cibotu ncaatoomupa.

Abakuku 2:13

Mwaami Lesa Shinkusu shoonse washinisha kwaamba ayi kusebensa kwa bantu kuli anga ninkuni shakusonselesha mulilo, ncakwiila bantu ba mishobo yoonse balilemyabo cakubula mpindu.

Bene Lefi 26:4

ndaakumupa mfula paciindi ceelete kwaamba ayi mumyuunda mukaswe shakulya alimwi ashisamu shikacate shisepo.

Bene Galatiya 4:11

Ndalisukama pali ndimwe mukwiinga ntooyeeya ayi mpashi milimo njendakacita pali ndimwe taaku mbweebete.

1 Bene Kolinto 3:6

Nebo ndi anga ngumuntu wakashanga mbuto, alakwe Apolosi washitilila, sombi nguLesa ulengesha ayi shikule.

Agayi 2:16

na umwi waya kumulwi wa shili anga ngamaila kaayeeya kucanaako makilogilamu ali 200, wakalinga kucanaakobo makilogilamu ali 100. Na umwi waya mukutekula waini kaayeeya kucanaako malita ali 100, wakalinga kucanaakobo malita ali 40.

Isaya 17:11

nabi shikameene macuunsa eenkaayo ngomwashishangilaamo, taaku nceshi mukatebuleemo. Sombi kulaakubabo mapensho akucisa kutashilikiki.

Kulumbaisha 107:34

Cishi ca mboleshi cakaba cikula ceebo ca shibiibi sha bantu bakalingaamo.

Jobo 31:40

ingayi amumene myuumfwa kuteshi witi alimwi mumene nsaku kuteshi bale.” Maswi akwe Jobo mpwaaela apa.

Dutolonomi 28:42

Shisamu shanu alimwi ashishango shanu shoonse shilaakulikwa nsoshi.

Dutolonomi 28:18

“Mwaami Lesa ulaakumushingana kwiinda mukumupa baana baniini, kutebula shakulya shiniini alimwi amukumupa ŋombe ambelele shiniini.

Dutolonomi 32:22

Bukali bwangu bulaakunoonyaka anga ngumulilo kuya mukushika akumusena wa bafu. Ulaakunyonyoola cishi ca panshi ashisepo sha ncico, akukumika lwiimbi lwa tulundu.

Isaya 17:10

Nobene Isilaeli, ncakwiila mwaluba Lesa wanu uyo wakamufuna ee, mwaluba Mwaandami wanu umutabilila. Mulashanga amyuunda isalalite ayi munoolambililamo balesa banu. Paceebo ceeco nabi mukashange shishango shibotu buyani, ee, nabi mukashange minyansa yakuula kuswa kucishi cimwi,

Jelemiya 12:13

Balaakushanga witi, sombi balaakutebula myuumfwa. Balaakuyuwaana, sombi taaku anceshi bakacaneemo. Ono ceebo ca bukali bwangu buyoosha nebo neMwaami Lesa, shishango shabo shilaakufwa.”

Matalikilo 4:12

Na ukeeleshe kulima shishango, bulongo taaku nceshi bukakukusheewo. Ulaakunoolibo shikwiingooka utacite musena pacishi ca panshi.”

1 Baami 18:2

Mpomunyaawo Elija wakanyamuka. Paciindi ico nsala mucishi ca Samaliya yakalinga yakalala.

Osiya 2:11

Ndaakumanisha kusekelela kwabo koonse. Nkokwaamba ayi, kusekelela kwa pamwaaka, kusekelela kwa Myeenshi ipya, nshiku shakookesha sha Cibelu, ee, kusekelela kwabo koonse.