4 Sombi mwaaka wasanu ayobilo ngwakookesha kwa cishi, mwaaka wakabikwa palubasu ayi ngwa Mwaami Lesa. Tamweelete kushanga mumyuunda yanu nabi kutimbula misampi yamweela kushisamu sha minyansa.
Lyalo ico ncaakaamba Mwaami Lesa kwiinda mumulaluki Jelemiya cakacitika cancinencine. Jelemiya wakaamba ayi, “Cishi cilaakucaala mumatongo kwamyaaka makumi osanwe aobilo kwaamba ayi myaaka yasanu ayobilo yakookesha iyo njebatakwe kookesha ikwanine.”
Sombi cakutaanguna, nkukusha bantu bali mucishi ico kwaamba ayi cookeshe cakumaninina, alimwi ayi balipile mulandu wabo woonse wakukaka milawo alimwi amilasho yangu.
Tamweelete kutebula nabi shishango shakalimenena, nabibo kuyapa shisepo sha minyansa kushisamu shitana kutimboolwa misampi yamweela, ceebo mwaaka uyu ngwakookesha kwa cishi.
