Bene Lefi 20:26 - Baibo Busansulushi Bwa Libuku Ili

²⁶ Mwebo mulyeelete kuba bantu basalalite akubabo baangu neenka, ceebo ndime Mwaami Lesa alimwi ndisalalite. Ndakamupatula kuswa pakati ka mishobo imwi yoonse kwaamba ayi mubebo baangu neenka.

Bene Lefi 20:26 교차 참조

Bene Lefi 20:7

“Amube bantu basalalite mukwiinga nebo ndime Mwaami Lesa, Lesa wanu.

Bene Lefi 20:24

Sombi mwebo ndamulasha kumupa cishi ico muli bubile abulongo bubotu. Ncakwiila nebo ndaakumupa cishi ici. Nebo ndime Mwaami Lesa, Lesa wanu uyo wakamupatula kuswa pakati ka mishobo yoonse.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Bene Lefi 19:2

“Lwiita bene Isilaeli boonse ayi babe bantu basalalite, ceebo nebo neMwaami Lesa wanu ndisalalite.

Dutolonomi 7:6

Mukacite boobo ceebo muli bantu ba Mwaami Lesa, Lesa wanu, alimwi mulisalalite. Mwaami Lesa wakamusala ayi mube bantu bakwe kuswa pakati ka mishobo imwi yoonse ili pacishi ca panshi ipusenepusene.

Dutolonomi 14:2

Mwebo muli bantu ba Mwaami Lesa, Lesa wanu. Wakamusala ayi mube bantu bakwe mwiine kuswa pamishobo yoonse ya mucishi ca panshi.

Isaya 6:3

Bakalinga koolobeshana ayi, “Ulisalalite, Ulisalalite, Ulisalalite Mwaami Lesa Shinkusu shoonse! Cishi coonse ca panshi ciliswitebo bulemu bwakwe.”

Ciyubululo 4:8

Cilengwa cuumi coonse cakalinga kucite mapapaminwa ali osanwe alyomwi ayo akalinga kuswitebo meenso, mukati apansengwe. Malumwi amashiku teshakalinga kucileka kwiimba ayi, “Ulisalalite, Ulisalalite, Ulisalalite, Mwaami Lesa Shinkusu shoonse, wakalingaawo, uliiwo alimwi weshi akanooliiwo!”

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.

Kulumbaisha 99:9

Aalumbaishikwe Mwaami Lesa, Lesa wesu, atumulambile pakalundu kakwe kasalalite! Mwaami Lesa, Lesa wesu ulisalalite!

Kulumbaisha 99:5

Aalumbaishikwe Mwaami Lesa, Lesa wesu, amumulambile kunembo lya cuuna cakwe ca bwaami! Lakwe ulisalalite!

Isaya 30:11

Amuswe munshila, mutashinkilishi muyeeyo wesu. Tatusuni kunyumfwa shaWooyo Usalalite wa bene Isilaeli.”

Kulonga 33:16

Ino bantu bamwi inga beshiba buyani ayi mulikondetwe mubantu banu alimwi anebo na mukabule kuya aswebo? Mukwiinga na mukaye aswebo, bantu boonse mucishi ca panshi balaakwishiba ayi tulipusene ambabo.”

Joshuwa 24:19

Mpomunyaawo Joshuwa wakaambila bantu ayi, “Mpashi kusebensela Mwaami Lesa cikamuyumine. Mukwiinga lakwe nguLesa usalalite, ucite busuba, aboobo teshi akalekelele bwaashu bwanu alimwi ashibiibi shanu.

Bene Lefi 11:44

Nebo ndime Mwaami Lesa, Lesa wanu, aboobo mulyeelete kunoosalalite, mukwiinga nebo ndisalalite.

Bene Lefi 20:8

Kamukonkela milawo yangu ceebo nebo ndime Mwaami Lesa neemusalasha.

Neyemiya 10:29

twasuminishanya abamakwabesu bamatanjilili besu. Twashomesha cakulumbila kukonkela Milawo yakwe Lesa iyi njaakatupa kwiinda muli Mose musebenshi wakwe akunyumfwila. Tulaakukonkela milawo amilasho yoonse ya Mwaami Lesa, Lesa wesu. Na tukabule kucita boobo, mashingo aakese pamitwi yesu.