Bene Lefi 17:4 - Baibo Busansulushi Bwa Libuku Ili

⁴ mumusena wakubengela kumulyango wa Tente ya Cipangano ayi ngumulambu wabengwa kuli nebo neMwaami Lesa, wasotoka Milawo. Muntu uyo ingayi waba amulandu wakutila bulowa. Aboobo teshi akanoociyeeyelwa kuba mulikoto lya bantu bangu.

Bene Lefi 17:4 교차 참조

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Joni 10:9

Ndi mulyango alimwi uyo woonse unjila kwiinda muli ndime ulaakupulushikwa. Ulaakwinjila akuswa alimwi akucana cakulya.

Joni 10:7

Aboobo Jesu wakabaambila alimwi ayi, “Ntoomulwiita calushinisho ayi ndime mulyango wa mbelele.

Esekelo 20:40

Mucishi ico, pakalundu kangu kasalalite, ee, kalundu kalaamfu ka Isilaeli, mwebo nobene Isilaeli noonse mulaakunambila. Uko ndaakusangalala pali ndimwe alimwi uko mulaakunooyandika kuleta shipo shimwi, shipo shanu shipuseneeko alimwi amilambu yanu isalalite.

Isaya 66:3

Sombi bantu batola nshila shabo. Kuli mbabo tacipuseneewo kubenga mucende akubenga muntu ayi ngumulambu. Tacipuseneewo balo kubenga mwanaambelele akubenga kabwa ayi ngumulambu. Tacipuseneewo kupa cipo ca shili anga ngamaila akubenga bulowa bwa nkumba. Tacipuseneewo kupa cipo ca tununkila kabotu twaciibalusho alimwi akupaila kushibumbwabumbwa.

Matalikilo 17:14

Musankwa uli woonse utana kupalulwa teshi anoociyeeyelwa kuba mulikoto lya bantu bangu, ceebo taakwe kulama cipangano cangu.”

Bene Loma 5:20

Lesa wakapa bantu Milawo kwaamba ayi babone kufula kwa shibiibi shabo. Nakubi boobo shibiibi ndishakafula, luse lwakwe Lesa lwakeendaawo kufula.

Bene Loma 5:13

Bubi bwakalinga mucishi ca panshi Lesa kaatana kupa Milawo kubantu, sombi pataapu Milawo muntu taapekwi mulandu pashibiibi isho nshaacita.

Bene Loma 4:6

Ici nceceeci Defedi ncaakaambila ayi ulicite coolwe muntu uyo Lesa ngwaalulamika pameenso akwe, kuteshi ceebo ca milimo ibotu njaacita.

Kulumbaisha 32:2

Balicite coolwe abo Lesa mbwaateebalukili shibiibi shabo, alimwi ucite moyo mutaamu bubeshi napaceyi.

Bene Lefi 20:18

“Ono na musankwa wakumana amwanakashi wakubala, boonse bobilo balyeelete kutandwa pakati kanu ceebo basotoka milawo ya pakulisalasha kweelana aMilawo.

Bene Lefi 20:16

“Alakwe mwanakashi na weelesha kukumana amunyama, lakwe alimwi amunyama uyo balyeelete kucaikwa. Lufu lwabo ndwakuliletela.

Bene Lefi 20:3

Na umwi wabenga mwanaakwe umwi kuli Moleki akulengesha ayi Tente yangu isalalite ibule kunoosalalite alimwi akusebaanya liina lyangu lisalalite, ndaakumwaalukila alimwi teshi nkanoocimuyeeyela kuba mulikoto lya bantu bangu.

Bene Lefi 18:29

Mulyeelete kwishiba ayi uyo woonse weenga wacita shintu shilensha nsoni ishi, teshi anoociyeeyelwa kuba mulikoto lya bantu bangu.

Bene Lefi 17:14

Mukwiinga buumi bwa cintu cili coonse cuumi buli mubulowa, nceceeco nebo neMwaami Lesa ncendalwiitila bene Isilaeli boonse ayi tabeelete kulya nyama icite bulowa, alimwi ayi uyo woonse weenga weelya, teshi akanoociyeeyelwa kuba mulikoto lya bantu bangu.

Bene Lefi 17:10

“ ‘Na mwine Isilaeli nabi muswamashi umwi woonse ushiite mulikoto lyabo walya nyama icite bulowa, nebo neMwaami Lesa ndaakumufutatila alimwi teshi akanoociyeeyelwa kuba mulikoto lya bantu bangu.

Bene Lefi 7:18

Ceebo na imwi yalikwa pabushiku bwatatu, Lesa teshi akatambule mulambu wa muntu uyo. Mulambu uyo teshi ukatambulweewo, sombi ulaakuboneka ayi toosalalite, alimwi woonse eshi akoolye, ulaakupekwa mulandu weelete.

Bene Lefi 1:3

“Na utoobenga mulambu wakutenta kuswa mulitanga lya ŋombe shakwe, ulyeelete kuleta mucende utacite kampenda kali koonse. Ulyeelete kumuleta pamulyango wa Tente ya Cipangano kwaamba ayi nebo neMwaami Lesa nkootambule.

Kulonga 12:19

Panshiku shili shosanwe ashobilo, tamweelete kucanika cimena mumaandaanu. Uyo woonse weenga walya cicite cimena, nkokwaamba ayi ulaakukushikwa mubantu bangu bene Isilaeli, muswamashi nabi mwine Isilaeli.

Kulonga 12:15

Mwaami Lesa wakaamba ayi, “Munshiku shili shosanwe ashobilo, tamweelete kulya shinkwa, sombibo cimaande. Pabushiku butaanshi munshiku ishi, mulyeelete kukusha cimena coonse mumaandaanu mukwiinga uyo woonse weshi akalye shinkwa munshiku shosanwe ashobilo ishi, ulaakukushikwa mubantu bangu bene Isilaeli.

Bene Lefi 17:3

‘Mwine Isilaeli uli woonse ubengela ŋombe, mbelele nabi mpongo mumisumba nabi pansengwe,

Bene Lefi 17:5

Mulawo uyu utoosansulula ayi bene Isilaeli ono bananooletela ndime neMwaami Lesa milambu iyo njebakalinga kubenga muluundu. Bananooileta kumupailishi pamulyango wa Tente ya Cipangano, akwiibenga ayi njimilambu ya bwanabwankashi.

Bene Lefi 17:9

kumusena umwibo ayi ngwaangu neMwaami Lesa, kuteshi kumulyango wa Tente ya Cipangano, teshi akanoociyeeyelwa kuba mulikoto lya bantu bangu.

Kulonga 30:33

Uyo woonse ngweenga wapanga mafuta ali mbuli ngawo, nabi kunanika muntu umwi uteshi mupailishi, teshi akanoociyeyeelwa kuba mulikoto lya bantu bangu.’ ”

Kulonga 30:38

Na umwi muntu wapanga tununkila kabotu tuli mbuli ntuto ayi atusebenseshe mbuli mafuta anunkila kabotu, teshi akanoociyeyeelwa kuba mulikoto lya bantu bangu.”

Bene Lefi 3:2

Muntu uyo ulaakubika maansaakwe pamutwi wa munyama akumucaila pamulyango wa Tente ya Cipangano. Kuswawaawo bana bakwe Aloni bapailishi balaakusanseela bulowa mumbasu shoonse shone sha cipaililo.

Dutolonomi 21:8

NoBaami baLesa, amulekelele bantu banu bene Isilaeli abo mbomwakakusha mucishi ca Ijipiti. Amutulekelele alimwi mutatupi mulandu wakucaya muntu utakwe kubisha.’