Bene Lefi 14:4 - Baibo Busansulushi Bwa Libuku Ili

⁴ mupailishi ulaakwaamba ayi kuletwe bayuni bobilo basalalite kweelana aMilawo, pantu pomwi akasamu ka sida, kasani kasalala alimwi afuute.

Bene Lefi 14:4 교차 참조

Shakubelenga 19:6

Mpeeke ulyeelete kubwesa kasamu ka sida, fuute alimwi akasani kasalala akushiwaala mumulilo mutoopya ŋombe iyo.

Bene Ebulu 9:19

Cakutaanguna, Mose wakalwiita bene Isilaeli shaMilawo yakwe Lesa yoonse. Lyalo wakabwesa bulowa bwa bacende alimwi ampongo, wabusenkanya amaanshi akusanseela palibuku lyakalinga kulembetwemo Milawo alimwi apabantu boonse. Pakusanseela wakasebensesha kasamu kwakalinga kwaangitwe booya busalala bwa mbelele.

Bene Lefi 14:6

Kuswawaawo ulaakubwesa muyuni umwi ulya akumusumpila pantu pomwi akasamu ka sida, kasani kasalala alimwi afuute mubulowa bwa muyuni wacaikwa.

Kulumbaisha 51:7

Amunkushe shibiibi kwaamba ayi mbe usalalite, ee, amunsaanshe lyalo ntootuba kwiinda mapepe a nkobokobo.

Kulonga 12:22

Mukabwese fuute akusumpa mumbale ifongomene mweshi mukanooli bulowa bwa mwanaambelele, mukananike pashisamu sha kumilyango alimwi asha peculu lya milyango ya maandaanu. Taaku muntu nabi womwi pakati kanu weelete kuswa muŋanda kushikila macuunsa.

Shakubelenga 19:18

Cakutaanguna muntu usalalite kweelana aMilawo ulyeelete kubwesa fuute akuusumpa mumaanshi ayo akusanseela kumusumba akushintu shiliimo shoonse alimwi akubantu bakalingaamo. Kuboolaawo umwi usalalite kweelana aMilawo ulyeelete kusanseela maanshi ayo pamuntu uyo wakakumya cifuwa ca muntu, mutuntu nabi cuumbwe.

Bene Lefi 12:8

“Ono na mwanakashi uyo waalilwa kucana mwanaambelele, ulyeelete kuleta mpolobe shobilo nabi nkulimba shobilo ayi yomwi ngumulambu wakutenta, alimwi imwi ngumulambu wakulekelelwa shibiibi. Alakwe mupailishi ulaakucita kweelana aMilawo ayi amusalashe, kuswawaawo ulaakunoosalalite.”

Bene Lefi 5:7

“Ono na muntu inga tacikoonshi kucana mbelele nabi mpongo, ulyeelete kuleta mpolobe shobilo nabi nkulimba shobilo kuMwaami Lesa ayi ngomalipilo akubisha kwakwe. Nkokwaamba ayi kayuni komwi ngumulambu wakulekelelwa shibiibi, kamwi ngumulambu wakutenta.

Bene Lefi 1:14

“Na muntu utoobenga muyuni ayi ngumulambu wakutenta, ulyeelete kuba mpolobe nabi nkulimba.

Bene Lefi 14:5

Lyalo mupailishi ulaakwaamba ayi muyuni umwi acailwe peculu lya mbale ifongomene ya bulongo umo muli maanshi abotu a mukantupu.