Bene Lefi 10:6 - Baibo Busansulushi Bwa Libuku Ili

⁶ Kuswawaawo, Mose wakaambila Aloni alimwi abana bakwe basankwa beetwa ayi Elyasa alimwi aItama ayi, “Mutacileeki kusakula misusu yanu alimwi mutatoleleli kukwamoona shakufwala shanu kwaamba ayi muboneshe ayi mulicite cililo. Na mucite boobo, mutoofwa alimwi Mwaami Lesa inga wakalalila likoto lya bene Isilaeli lyoonse. Sombi bene Isilaelinyinaanu boonse balisuminishitwe kulila palufu lwa baabo Mwaami Lesa mbwaanyonyoola amulilo.

Bene Lefi 10:6 교차 참조

Joshuwa 22:18

Sa alimwi mutooyanda kufutatila Mwaami Lesa? Na mumwaashukile sunu, ciilo mabala ulaakunyonyoola bantu bakwe boonse bene Isilaeli.

Joshuwa 7:1

Nacibi boobo bene Isilaeli tabakwe kunyumfwila Mwaami Lesa ndyaakabaambila ayi tabeelete kubwesa cintu nabi comwi mundabala inene ya Jeliko ico ceelete kunyonyoolwa. Akani mwanaakwe Kami, mwishikulu wakwe Sabudi, mucipani cakwe Sela mumukowa wakwe Juda, wakabwesa shintu shimwi. Aboobo Mwaami Lesa wakakalalila bene Isilaeli.

Shakubelenga 16:22

Sombi Mose aAloni bakafukama cakushisha shiwa shabo panshi akwaamba ayi, “NobaLesa, ndimwe matalikilo abuumi boonse. Ono na muntu womwi wabisha, sa inga mwakalalila bantu boonse?”

Shakubelenga 1:53

Sombi bene Lefi balaakuyaka misumba yabo kushingulusha Tente ayi banooilama kukasha muntu uli woonse kusena pafwaafwi akulengesha ayi bukali bwangu bube pabene Isilaeli.”

2 Samwelo 24:1

Ono Mwaami Lesa wakakalalila bene Isilaeli. Mpeeke wakalengesha Defedi kubapensha ndyaakaamba ayi, “Kamuya mukabelenge bantu bene Isilaeli abene Juda.”

Joshuwa 22:20

Amwiibaluke cakacitika Akani mwanaakwe Sela ndyaakasotoka mulawo wakapekwa pashintu shakaambwa ayi shilyeelete kunyonyooka. Sa te Lesa wakakalalila likoto lyoonse lya bantu bakwe bene Isilaeli? Ncakwiila Akani teshi ngowakafwa eenka ceebo ca cibiibi cilya.’ ”

Bene Lefi 13:45

“Anu muntu ucite manata ulyeelete kufwala shakufwala sha masempele. Teelete kusakula alimwi ulyeelete kufweka camulomo akunokoolobesha ayi, ‘Nshisalalite! Nshisalalite!’

Shakubelenga 18:5

Webo alimwi abana bako nweenkabo ndimwe mweelete kunoolanga pamilimo ya muMusena Usalalite acipaililo, kwaamba ayi bukali bwangu butakabi pabene Isilaeli alimwi.

Mika 1:16

Nobene Juda, amukulule mitwi yanu mukulila ceebo ca bana banu abo mbomusunishi. Amulikulule minkunyu akuba anga ndikubi ceebo balaakumushiya akutolwa mubusha.

Jelemiya 7:29

“Amucese misusu yanu mwiisoowe. Amwiimbe lwiimbo lwakulila pakalundu katacitewo bwiisu ceebo nebo neMwaami Lesa ndakalala abuumbi akumukaka mwebo nobamulunyungu lwa bantu bangu.”

Joshuwa 7:11

Bene Isilaeli bakabisha. Bapwaya cipangano ncendakapanga ambabo akubalwiita ayi bacilaame. Bakabwesa shintu shimwi shakalinga kweelete kunyonyoolwa. Aboobo bakeepa, bakabeca, alimwi bakashisa shintu isho pashintu shabo.

Dutolonomi 33:9

Bakashomeka kuli ndimwe kwiinda kubamashali, bamakwababo nabi bana babo. Bakakonkela milawo yanu akulama cipangano canu.

Shakubelenga 14:6

Mpomunyaawo Joshuwa mwanaakwe Nani alimwi aKalebu mwanaakwe Jefune, bobilo pabaabo basenseshi bakakwamuna shakufwala shabo mubuumba,

Shakubelenga 5:18

Kuswawaawo ulaakwaangulula misusu ya mwanakashi akubika cipo ca fulaulo ca busuba capekwa kwaamba ayi lushinisho luyubuluke mumaansaakwe. Mupailishi lakwe kaacite nongo ya maanshi alula ayo aleta lishingo.

Kulonga 33:5

Ceebo Mwaami Lesa wakaambila Mose ayi, “Ulwiite bene Isilaeli maswi angu ayi, ‘Muli bantu beshicimpamya. Na ndayaanu kwaciindi ciniinibo, inga ndamunyonyoola cakumaninina. Ono amufuule shakulibotesha shanu, nebo ntooshiba cakucita pali ndimwe.’ ”

Kulonga 6:23

Aloni wakeeba mwanaakwe Aminadabu, Elisheba uyo wakalinga nankashi yakwe Naashoni. Wakashalilamo Nadabu, Abiyu, Eliyasa alimwi aItama.

Shakubelenga 20:25

Tola Aloni aEliyasa mwanaakwe kuKalundu ka Ole,

Esila 7:5

Buki wakashalwa kuli Abishuwa, Abishuwa wakashalwa kuli Fineyasi, Fineyasi wakashalwa kuli Eliyasa, Eliyasa wakashalwa kuli Aloni.