Bene Lefi 10:17 - Baibo Busansulushi Bwa Libuku Ili

¹⁷ “Tamukwe kulitaanshi mulambu wakulekelelwa shibiibi mumusena usalalite? Mulambu uyu ulisalalite abuumbi, alimwi Mwaami Lesa wamupa ayi shibiibi sha bene Isilaeli boonse shilekelelwe.

Bene Lefi 10:17 교차 참조

Shakubelenga 18:1

Mpeeke Mwaami Lesa wakaambila Aloni ayi, “Webo, bana bako basankwa alimwi abene Lefi bamwi mulyeelete kunoolanga pamilandu ikumite kuTente ya Cipangano. Ono webo alimwi abana bako basankwa, nweenkabo, mulyeelete kunoolanga pamilandu ikumite kubupailishi.

Kulonga 28:38

Aloni ulyeelete kunookafwala pankumo, kwaamba ayi nebo neMwaami Lesa nkanootambula shipo shoonse bene Isilaeli nsheenga babenga kuli ndime, nabi bantu babisha pakupa shipo isho.

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Joni 1:29

Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!

Bene Lefi 22:16

kwiinda mukusuminisha muntu uli woonse uteelete kulya ayi alyeeko. Camushobo wooyo inga caleta mulandu weelete kulipilwa pamuntu uyo. Nebo ndime Mwaami Lesa uyo usalasha milambu iyo.’ ”

Bene Lefi 16:22

Mpongo iyo ilaakutola shibiibi shabo shoonse mumusena umwi mutekaali bantu.

Kulonga 28:43

Anu Aloni alimwi abana bakwe basankwa balyeelete kunoofwala shakufwala ishi lyoonsebo na benjila muTente ya Cipangano, nabi kuya kucipaililo mukusebensa mulimo wa bupailishi muMusena Usalalite, kwaamba ayi bakabule kucaikwa ceebo cakuba mubilibo. Uyu ngumulawo weshi ukabule kumana kuli Aloni alimwi abamulunyungu lwakwe.

Bene Lefi 21:22

Musankwa wa mushobo wooyu inga walya cakulya ncendapekwa, nkokwaamba ayi inga walya mulambu usalalite wa cakulya alimwi amulambu usalalite abuumbi wa cakulya.