Bene Lefi 10:13 - Baibo Busansulushi Bwa Libuku Ili

¹³ Munoocilita mumusena usalalite mukwiinga ici ncecipansha canu abana banu basankwa kuswa kucipo ca shakulya. Anu Mwaami Lesa mbwaandwiita ubo.

Bene Lefi 10:13 교차 참조

Bene Lefi 6:16

Lyalo bapailishi balaakulya shoonse sheshi shikacaaleewo. Balaakupanga cimaande ico nceshi bakalite mumusena usalalite nkokwaamba ayi mulubansa lwa Tente ya Cipangano,

Bene Lefi 2:3

Shoonse shicaala kucipo ca fulaulo, nsha bapailishi. Cipansha ico cilisalalite abuumbi ceebo caswa pacipo ca shakulya capekwa kuli ndime neMwaami Lesa.

Shakubelenga 18:10

Mukanoolita mumusena usalalite alimwi basankwa beenkabo mbobeelete kulya. Mukanooshilanga ayi nshintu shisalalite.

Bene Lefi 10:12

Kuswawaawo Mose wakaambila Aloni abana bakwe basankwa bakacaalaawo beetwa ayi Elyasa alimwi aItama ayi, “Amubwese cipo ca fulaulo cakacaala kucipo ca shakulya, mupange cimaande alimwi akulita kulubasu lwa cipaililo ceebo cipo ici cilisalalite abuumbi.

Bene Lefi 10:14

Sombi mwebo abamumaandaanu inga mwalya ntiti yakatambeekwa amweendo wakatako wakabengwa kuMwaami Lesa ayi ngwa bapailishi. Ishi inga mwashilita mumusena usalalite kweelana aMilawo. Shakapekwa kuli ndimwe abana banu ayi ncecipansha canu kuswa pamilambu ya bwanabwankashi ya bene Isilaeli.

Shakubelenga 5:10

Nkokwaamba ayi shipo isho mupailishi womwi awomwi nshaatambula shilaakuba shaakwe.”

Esekelo 42:13

Mpomunyaawo muntu uyo wakandwiita ayi, “Maanda obilo oonse aya alisalalite. Bapailishi abo benjilaamo balalya milambu indaawo kusalala. Ceebo cakwaamba ayi shipinda isho shilisalalite, bapailishi balabikaamo milambu indaawo kusalala. Nkokwaamba ayi balabikaamo shipo sha fulaulo, milambu yakulekelelwa shibiibi alimwi amilambu yakumanisha milandu.