Bene Lefi 1:5 - Baibo Busansulushi Bwa Libuku Ili

⁵ Lyalo ulaakucaya mucende uyo apo kunembo lyangu neMwaami Lesa. Mpeeke bana bakwe Aloni bapailishi balaakusanseela bulowa mumbasu shoonse shone sha cipaililo cili pamulyango wa Tente.

Bene Lefi 1:5 교차 참조

Bene Lefi 3:8

ulyeelete kubika lyaansa lyakwe pamutwi wa njiyo, akwiicaya kunembo lya Tente ya Cipangano. Mpeeke bana bakwe Aloni bapailishi balaakusanseela bulowa bwa njiyo mumbasu shoonse shone sha cipaililo.

Bene Lefi 1:11

Ulyeelete kwiicaila kumatwa lya cipaililo kunembo lya Mwaami Lesa. Mpeeke bapailishi balaakusanseela bulowa bwa njiyo kumbasu shoonse shone sha cipaililo.

Bene Lefi 3:2

Muntu uyo ulaakubika maansaakwe pamutwi wa munyama akumucaila pamulyango wa Tente ya Cipangano. Kuswawaawo bana bakwe Aloni bapailishi balaakusanseela bulowa mumbasu shoonse shone sha cipaililo.

1 Pita 1:2

Mumiyeeyo yakwe Lesa Ishiwesu wakamusala. Mwakasalashikwa aMushimu Usalashi ayi munoonyumfwila Jesu Klistu akusanshikwa abulowa bwakwe. Luse aluumuno shikomene muli ndimwe lyoonse alyoonse.

Bene Ebulu 12:24

Mwebo mwesa kuli Jesu, uyo wakalengesha ayi cipangano cipya cibeeko alimwi abulowa bwakwe ubo bushomesha shibotu kwiinda bwakwe Abelo.

2 Makani 35:11

Ono ndibakamana kucaya bana ba mbelele atwana twa mpongo, bene Lefi bakashifunda abalo bapailishi bakasanseela bulowa pacipaililo.

Bene Lefi 3:13

ulyeelete kubika lyaansa lyakwe pamutwi wa njiyo, akwiicaya kunembo lya Tente ya Cipangano. Mpeeke bana bakwe Aloni bapailishi balaakusanseela bulowa bwa njiyo mumbasu shoonse shone sha cipaililo.

Kulonga 29:16

Ukeecaaye, akubwesa bulowa bwa njiyo alimwi akubusanseela mumbasu shoonse shone sha cipaililo.

Bene Ebulu 10:11

Mupailishi wa baJuda woonse wakalinga kwiimikana akucita mulimo wakwe wa bupailishi inshiku shoonse alimwi wakalinga kubenga milambu yomwi ayomwi mankanda aanji. Sombi milambu teyakalinga kucikonsha kukusha shibiibi sha bantu, sobwe.

Mika 6:6

Ino nebo nciinshi nceshi ntole kuMwaami Lesa, Lesa wakwiculu pakuya mukufukama akulambila kunembo lyakwe? Sa ntole milambu yakutenta ya boombe bacite mwaaka womwi?

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Isaya 52:15

Sombi bulya bantu baanji balaakucatabo pamilomo baakumubona. Bamaami balaakubula amaswi akwaambaawo ceebo cakukankamana. Ncakwiila balaakubona akunyumfwa cintu ncebatana kunyumfwaawo kale.”

Shakubelenga 18:17

Sombi boombe bakwiiya, mbelele alimwi ampongo tabeelete kunoolubulwa, ceebo balisalalite. Mulyeelete kusanseela bulowa bwabo pacipaililo akutenta mafuta abo ayi ngumulambu wa cakulya. Bweema bwa mulambu uyu bulansangalasha nebo neMwaami Lesa.

Bene Lefi 16:15

“Kuswawaawo ulaakucaya mpongo ya mulambu wakulekelelwa shibiibi sha bantu, kutola bulowa bwa njiyo muMusena Usalalite Wiindaawo akubusanseela pacifwekesho ca nkumbu alimwi akunembo lya Libokoshi lya Cipangano, bweenka mbwaacita pabulowa bwa mucende.

Bene Lefi 1:15

Mpeeke mupailishi ulaakwiileta kucipaililo, akeeshongonone nshingo akutenta mutwi wa njiyo pacipaililo. Bulowa bwa njiyo bukatililwe kulubasu lwa cipaililo.

Kulonga 29:11

Ukamucaile pameenso angu pamulyango wa Tente ya Cipangano.

Bene Lefi 4:29

Ulaakubika lyaansa lyakwe pamutwi wa njiyo akwiicaila kunembo lyangu neMwaami Lesa, uko nkobacaila milambu yakutenta.

Bene Lefi 4:33

Ulaakubika lyaansa lyakwe pamutwi wa njiyo akwiicaila kunembo lyangu neMwaami Lesa, uko nkobacaila milambu yakutenta.

Bene Lefi 17:11

Buumi bwa cintu cili coonse cuumi buli mubulowa. Anu nceceeco nebo neMwaami Lesa nceŋambila ayi bulowa boonse bunootilwa pacipaililo, kwaamba ayi shibiibi sha bantu shikushikwe. Nkokwaamba ayi bulowa ubo buli mbobuumi, bulakusha shibiibi.

1 Samwelo 1:25

Ndibakamana kucaya mucende uyo, bakatola mwaana uyo kuli Eli.

Esekelo 43:18

Mpomunyaawo Mwaami Lesa Shinkusu shoonse wakandwiita ayi, “Webo omuntu, milasho yakupetamo milambu yakutenta akusanseela bulowa pacipaililo caakuyakwa njeeyi:

Kulonga 40:6

Ono kunembo lya Tente, ukabikeko cipaililo cakutentelawo milambu.

Bene Lefi 4:7

Kuswawaawo, ulaakubika bulowa bumwi pameeca a mumakonko oonse a cipaililo ca tununkila kabotu cili kunembo lyangu neMwaami Lesa muTente. Lyalo bulowa boonse bweshi bukacaaleewo ulaakubutila panshi pacipaililo cakutentelawo milambu, ico cili pamulyango wa Tente.