Bene Lefi 1:4 - Baibo Busansulushi Bwa Libuku Ili

⁴ Ulyeelete kubika lyaansa pamutwi wakwe, lyalo ulaakutambulwa ayi ngumulambu wakukusha shibiibi shakwe.

Bene Lefi 1:4 교차 참조

Bene Lefi 4:26

Mpomunyaawo mafuta oonse ulaakwaatentela pacipaililo, bweenka mbwaatenta mafuta a banyama bacaikwa ayi njimilambu ya bwanabwankashi. Munshila iyi, mupailishi ulaakubenga mulambu wa cibiibi ca mutanjilili, aboobo ulaakulekelelwa.

Bene Lefi 4:20

Kumucende mwaana uyo, ulaakucita mbomunya mbwaacita kumucende wa mulambu wakulekelelwa shibiibi. Aboobo munshila iyi, ulaakubenga mulambu wa shibiibi sha bantu, lyalo balaakulekelelwa.

Bene Lefi 3:8

ulyeelete kubika lyaansa lyakwe pamutwi wa njiyo, akwiicaya kunembo lya Tente ya Cipangano. Mpeeke bana bakwe Aloni bapailishi balaakusanseela bulowa bwa njiyo mumbasu shoonse shone sha cipaililo.

Bene Lefi 3:2

Muntu uyo ulaakubika maansaakwe pamutwi wa munyama akumucaila pamulyango wa Tente ya Cipangano. Kuswawaawo bana bakwe Aloni bapailishi balaakusanseela bulowa mumbasu shoonse shone sha cipaililo.

Kulonga 29:15

“Mpeeke ukabwese mbelele yomwi isankwa, akulwiita aloni alimwi abana bakwe basankwa ayi babike maansaabo pamutwi wa njiyo.

Kulonga 29:10

“Lyalo ukalete mucende kunembo lya Tente ya Cipangano akulwiita Aloni alimwi abana bakwe basankwa ayi babike maansaabo pamutwi wa nguwo.

1 Joni 2:2

Lakwe ngomulambu Lesa mwaalekelelela shibiibi shesu alimwi teshibo sheesu sheenka, sombi ashibiibi sha bantu boonse.

Bene Loma 12:1

Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

Bene Lefi 4:31

Lyalo ulaakukusha mafuta a munyama uyu oonse, bweenka mbwaakusha mafuta a banyama bacaikwa ayi njimilambu ya bwanabwankashi. Mpeeke ulaakwaatentela pacipaililo kwaamba ayi bweema bukansangalashe neMwaami Lesa. Munshila iyi, mupailishi ulaakubenga mulambu wakukusha cibiibi ca muntu uyo, aboobo ulaakulekelelwa.

Kulonga 29:19

“Lyalo ukabwese mbelele imwi isankwa iyo isebenseshekwa pakubenga, akulwiita Aloni alimwi abana bakwe basankwa ayi babike maansaabo pamutwi wa njiyo.

Bene Filipi 4:18

Ndakatambula shoonse nshimwakantumina, kwalo kwiine shafula. Ndicite shoonse shiyandika mukwiinga ndatambula kuswa kuli Epafuloditasi shoonse nshimwakantumina. Ishi shilibo anga ncipo cinunkila kabotu capekwa kuli Lesa, mulambu uyo utambulwa kuli nguwe alimwi ukondelesha.

Isaya 56:7

Mwaami Lesa waamba ayi, “Ndaakumuleta kuSiyoni, pakalundu kangu kasalalite. Lyalo ndaakumulengesha kusangalala muŊanda yangu ya mipailo akutambula milambu yanu njeshi mukanoobenga pacipaililo cangu. Ceebo Ŋanda yangu ilaakunookwiitwa ayi ŋanda ya kupaililaamo ya mishobo yoonse.”

Shakubelenga 15:25

Mpeeke mupailishi ulaakucita kweelana amulawo wakusalasha bene Isilaeli, abalo balaakulekelelwa mukwiinga tabakwe kubisha kashanga, alimwi bakaleta amulambu wakulekelelwa shibiibi shabo ayi ncipo ca cakulya kuli ndime neMwaami Lesa.

Bene Lefi 16:24

Ulyeelete kusambila mumusena usalalite akufwala shakufwala shinekwe. Na akamanishe, ulaakuswa akuya mukubenga mulambu wakutenta ayi akushe shibiibi shakwe mwiine alimwi awakukusha shibiibi sha bene Isilaeli.

Bene Lefi 16:21

Ulaakubika maansaakwe oonse obilo pamutwi wa njiyo akwaamba bubi boonse, shibiibi, alimwi akwaaloka kwa bene Isilaeli koonse pali njiyo. Pakucita boobo ulaakushituntulwita pamutwi wa mpongo iyo. Lyalo palaakusalwa musankwa weshi akeetole muluyanga.

Bene Lefi 9:7

Kuswawaawo wakaambila Aloni ayi, “Koya kucipaililo ukabenge mulambu wakulekelelwa shibiibi alimwi amulambu wakutenta ayi milambu iyo ikushe shibiibi shako ashibiibi sha bantu boonse. Benga mulambu uyu ayi shibiibi sha bantu shikushikwe, bweenka bwakaamba Mwaami Lesa.”

Bene Lefi 8:22

Kuboolaawo Mose wakaleta mbelele yabili isankwa ayi njapakubika bantu pabupailishi. Lyalo Aloni abana bakwe basankwa bakabika maansaabo pamutwi wa njiyo.

Bene Lefi 8:14

Mpeeke Mose wakaleta mucende mwaana ayi ngwa mulambu wakulekelelwa shibiibi. Lyalo Aloni alimwi abana bakwe basankwa bakabika maansaabo pamutwi wa mucende.

Bene Lefi 4:35

Kuswawaawo, ulaakukushamo mafuta oonse, bweenka mbwaakusha mafuta a mumbelele icaikwa ayi ngumulambu wa bwanabwankashi, akwaatentela pacipaililo pantu pomwi acipo ca shakulya cipekwa kuli ndime neMwaami Lesa. Munshila iyi, mupailishi ulaakubenga mulambu wakukusha cibiibi ca muntu uyo, aboobo ulaakulekelelwa.

Bene Lefi 4:29

Ulaakubika lyaansa lyakwe pamutwi wa njiyo akwiicaila kunembo lyangu neMwaami Lesa, uko nkobacaila milambu yakutenta.

Bene Lefi 4:24

Ulyeelete kubika lyaansa lyakwe pamutwi wa njiyo akwiicaila kunembo lyangu neMwaami Lesa, uko nkobacaila milambu yakutenta. Uyu ngumulambu wakulekelelwa shibiibi.

Bene Lefi 4:15

Mpomunyaawo batanjilili ba bene Isilaeli balaakubika maansaabo pamutwi wa mucende akumucaila peenka apo.

Bene Lefi 4:4

Ulaakuleta mucende uyo kumulyango wa Tente ya Cipangano, akumubika lyaansa lyakwe pamutwi wakwe alimwi akumucaya peenka apo kunembo lyangu neMwaami Lesa.

Bene Lefi 3:13

ulyeelete kubika lyaansa lyakwe pamutwi wa njiyo, akwiicaya kunembo lya Tente ya Cipangano. Mpeeke bana bakwe Aloni bapailishi balaakusanseela bulowa bwa njiyo mumbasu shoonse shone sha cipaililo.

Bene Ebulu 10:4

Mukwiinga bulowa bwa bacende alimwi abwa mpongo tabukushi shibiibi sha bantu.

Bene Loma 5:11

Sombi teshi ceeci ceenka, tulasangalala muli Lesa ceebo Mwaami wesu Jesu Klistu wakalengesha ayi alimwi tube beshicibusa bakwe Lesa.

Bene Loma 3:25

Lesa wakamwaaba ayi acaikwe kwaamba ayi lufu lwakwe lube nshila yakulekelelamo shibiibi sha bantu bashoma Jesu. Ici ncitondesho ca bululami bwakwe. Kale kale Lesa wakalinga kulangabo shibiibi sha bantu ceebo ca nkumbu shakwe shakulekelela.

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Shakubelenga 25:13

Fineyasi alimwi abamulunyungu lwakwe boonse bananoolibo bapailishi lyoonse, mukwiinga taakwe kusumina ayi bantu balambile balesa bamwi alimwi akulengesha ayi bene Isilaeli balekelelwe cibiibi cabo.”

Shakubelenga 15:28

Lyalo mupailishi ulaakucita kweelana amulawo wakusalasha pameenso angu nebo neMwaami Lesa, kwaamba ayi asalashe muntu kucibiibi cakwe, mpeeke ulaakulekelelwa.

Shakubelenga 8:12

“Bene Lefi balo balyeelete kubika maansaabo pamitwi ya bacende bobilo. Mucende umwi akabengwe kuli ndime neMwaami Lesa ayi ngumulambu wakulekelelwa shibiibi, alakwe umwi ayi ngumulambu wakutenta mukusalasha bene Lefi kweelana amulawo.

Bene Lefi 22:27

“Na moombe, mwanaambelele nabi mwanaampongo washalwa, ulyeelete kunooli anyina kwanshiku shosanwe ashobilo. Sombi kuswa pabushiku bwasanu ashotatwe, ulatambulwa ayi ngumulambu wa cakulya.

Bene Lefi 22:21

Na umwi wabenga mulambu wa bwanabwankashi kuli ndime neMwaami Lesa, nacibi kwaamba ayi mukucita kweelana ambwaakashomesha cakulumbila, nabi mulambu wakulyaaba, munyama teelete kuba akampenda nakaceyi kwaamba ayi utambulwe.

Bene Lefi 6:7

Mupailishi ulaakubenga mulambu wa cibiibi ca muntu uyo, aboobo ulaakulekelelwa.”

Bene Lefi 5:6

Ono mulandu wakubisha kwakwe, ulyeelete kuleta mbelele yanakashi nabi mpongo kuli ndime neMwaami Lesa ayi ngumulambu. Mupailishi ulaakubenga mulambu uyo pacibiibi ca muntu uyo.

Kulonga 28:38

Aloni ulyeelete kunookafwala pankumo, kwaamba ayi nebo neMwaami Lesa nkanootambula shipo shoonse bene Isilaeli nsheenga babenga kuli ndime, nabi bantu babisha pakupa shipo isho.

Kulonga 29:33

Balyeelete kulya sheesho shakasebenseshekwa pakulekelelwa shibiibi shabo ndibakabikwa pabupailishi. Bapailishi beenkabo mbobeelete kulya, ceebo cakulya ici cilisalalite.

Bene Lefi 4:33

Ulaakubika lyaansa lyakwe pamutwi wa njiyo akwiicaila kunembo lyangu neMwaami Lesa, uko nkobacaila milambu yakutenta.

Shakubelenga 8:10

Anu mukalete bene Lefi pameenso angu neMwaami Lesa, lyalo bene Isilaeli balyeelete kubika maansaabo pamitwi yabo.

Esekelo 45:15

Mbelele yomwi ilyeelete kukushikwa palitanga lyomwi alyomwi lya mbelele shili 200 kuswa kumafulo eendaawo kubota mucishi ca Isilaeli. “Shintu isho shoonse shilaakusebenseshekwa mukupa shipo sha fulaulo, milambu yakutenta alimwi amilambu ya bwanabwankashi kwaamba ayi shibiibi shanu shilekelelwe. Nebo neMwaami Lesa Shinkusu shoonse ndaamba.

Bene Lefi 8:18

Kuswawaawo Mose wakaleta mbelele isankwa ya mulambu wakutenta, lyalo Aloni abana bakwe basankwa bakabika maansaabo pamutwi wa njiyo.