Bene Lefi 1:3 - Baibo Busansulushi Bwa Libuku Ili

³ “Na utoobenga mulambu wakutenta kuswa mulitanga lya ŋombe shakwe, ulyeelete kuleta mucende utacite kampenda kali koonse. Ulyeelete kumuleta pamulyango wa Tente ya Cipangano kwaamba ayi nebo neMwaami Lesa nkootambule.

Bene Lefi 1:3 교차 참조

Dutolonomi 15:21

Sombi na kwaboneka kampenda kucifubwa comwi, nkokwaamba ayi ncilema myeendo nabi ayi tacilashi, ingayi cifubwa ico taceelete kubengwa kuMwaami Lesa, Lesa wanu ayi ngumulambu.

Bene Ebulu 9:14

Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.

Kulonga 12:5

Mulakonsha kusala mwanaambelele nabi mwanaampongo, sombi ulyeelete kuba mucende wa mwaaka womwi alimwi utacite kampenda.

Bene Efeso 5:27

Wakasuna ayi coonde cibe caakwe mwiine abulemu bwa ncico, cibe anga ngumuntu utacite kampenda nabi bubi buli boonse, utacite cintu nabi comwi cakumubisha, sombi kacisalalite alimwi kaciluleme.

Dutolonomi 17:1

“Kuteelesha kubenga ŋombe nabi mbelele icite kampenda kali koonse kuMwaami Lesa, Lesa wanu ayi ngumulambu, mukwiinga ico Mwaami Lesa ulicipatite.

Bene Ebulu 7:26

Jesu anu ngoMupailishi Munene utucafwa munshila shoonse shiyandika. Ulisalalite alimwi taacite kampenda nabi bubi muli nguwe. Wakapusanishikwa abamucita shibi alimwi wakasumpulwa kwiinda shoonse sha kwiculu.

Bene Efeso 2:18

Mukwiinga kwiinda muli Klistu swebo soonse, baJuda abaswamashi bakunsengwe, tulakonsha kushika pameenso akwe Ishiwesu muMushimu womwi.

Matalikilo 22:8

Abulaamu wakakumbula ayi, “Lesa mwiine ulatupa.” Mpeeke kabayabo.

Joni 1:36

Ndyaakabona Jesu kaainda, wakaamba ayi, “Amubone, ngulya Mwanaambelele wakwe Lesa!”

2 Bene Kolinto 9:7

Womwi awomwi ulyeelete kupa kweelana amoyo mbowayanda, kuteshi myoyo yobilo nabi kukakatishikwa ceebo Lesa ulisuni bantu bapa cakusangalala.

Malaki 1:14

“Mashingo kuli wooyo mubeshi, uyo weenga kaacite munyama musankwa weelete mulitanga lyakwe, akulasha ayi ulaakumubenga kuli ndime, pesule wabenga ucite kampenda. Nebo ndi mwaami wiindaawo, aboobo bantu bamishobo yoonse balyeelete kundemeka.” Mwaami Lesa Shinkusu shoonse mbwaamba ubo.

Esekelo 20:40

Mucishi ico, pakalundu kangu kasalalite, ee, kalundu kalaamfu ka Isilaeli, mwebo nobene Isilaeli noonse mulaakunambila. Uko ndaakusangalala pali ndimwe alimwi uko mulaakunooyandika kuleta shipo shimwi, shipo shanu shipuseneeko alimwi amilambu yanu isalalite.

Kulumbaisha 110:3

Bashilumamba bako balaakulyaaba amyoyo yoonse pabushiku bwa nkondo. Bacikula bwangu balaakwisa kuli ndiwe macuunsacuunsa bweenka mbuli mume patulundu tusalalite.

Kulumbaisha 40:8

NoBaami baLesa ndisunishi kucita kuyanda kwanu. Ee, milawo yanu moili mumoyo wangu.”

Shakubelenga 29:13

Bakabenge bacende baana bali likumi abotatwe, mbelele shisankwa shobilo alimwi abana ba mbelele basankwa bali likumi abone bacite mwaaka womwi. Shoonse ishi tasheelete kuba akampenda. Uyu ngumulambu wa cakulya, bweema bunsangalasha neMwaami Lesa.

Bene Lefi 3:1

“Ono na umwi muntu wapa ŋombe yakwe ayi ncipo ca bwanabwankashi kuli ndime neMwaami Lesa, ulyeelete kuba mucende nabi mpwishi itacite kampenda kali koonse.

Kulonga 24:5

Kuswawaawo Mose wakatuma basankwa bacikula bwangu ayi babengele Mwaami Lesa milambu yakutenta, alimwi akubenga bacende ayi babe milambu ya bwanabwankashi.

Matalikilo 22:13

Abulaamu ndyaakacebooka wakabona mbelele isankwa keecatitwe meeca mutusamu. Wakaya waibwesa akwiibenga mbuli mulambu wakutenta kuleka mwanaakwe.

Joni 10:9

Ndi mulyango alimwi uyo woonse unjila kwiinda muli ndime ulaakupulushikwa. Ulaakwinjila akuswa alimwi akucana cakulya.

Luka 1:35

Munjelo wakakumbula ayi, “Mushimu Usalashi ulaakwisa pali ndiwe ankusu shakwe Lesa wiindaawo shilaakukufwekelela. Aboobo mwaana usalalite eshi akashalwe, ulaakunokwiitwa ayi Mwanaakwe Lesa.

Isaya 1:11

Mwaami Lesa waamba ayi, “Anu mutooyeeya ayi milwi milwi ya milambu njemupa nciinshi kuli ndime? Milambu yakutenta yancima, ee, milambu ya mbelele shisankwa aya mafuta a shifubwa shakeenishikwa yancima. Bulowa bwa bacende, mbelele alimwi abwa mpongo bwacileka kunsangalasha.

Kulonga 32:6

Ingayi bushiku bwakaboolaawo macuunsacuunsa bantu bakabenga milambu yakutenta alimwi amilambu ya bwanabwankashi. Mpomunyaawo bantu bakekala panshi akutalika kulya akusekelela, uko kwakesa mukuba kwa bucakolwa bupusenepusene alimwi akucita bufuule.

Kulonga 29:42

Inshiku shoonse mulambu wakutenta uyu, nkokwaamba ayi bana ba mbelele ashipo shoonse isho, ulyeelete kubengwa kunembo lyangu pamulyango wa Tente ya Cipangano. Uko nkweshi nkanookumanina abantu bangu akunokwaamba awebo.

Kulonga 29:18

Mpomunyaawo ukatente mbelele yoonse iyo pacipaililo ayi ngumulambu wakutenta. Bweema bwa mulambu uyo, bulansangalasha.

Matalikilo 22:2

Lesa wakaamba ayi, “Bwesa mwanaako musankwa, mwaana eenkabo ngoocite, uyo ngoosuni abuumbi, uye kucishi ca Moliya. Uko ntookutondesha kalundu mpweshi umubengele ayi ngumulambu kuli ndime.”

Matalikilo 8:20

Nowa wakayakila Mwaami Lesa cipaililo. Mpeeke pabanyama abayuni basalalite kweelana aMilawo, wakabwesa womwi womwi akubatenta pacipaililo bakabumbulu ayi ngumulambu kuli Lesa.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Shakubelenga 23:3

Lyalo Balaamu wakaambila Balaki ayi, “Imikana waano pali mulambu wako wakutenta nebo ndyenciya mukubona na Mwaami Lesa utoonkumanya nabi taau. Ntookulwiita cili coonse nceshi anjubulwita.” Aboobo wakaya eenka peculu pakalundu,

2 Bene Kolinto 8:12

Ceebo na mulayandishisha kupa shipo, Lesa ulaakutambula shipo shanu mukubona kwaamba ayi mwapa kweelana ambomukonsha, kuteshi sheesho nshemutacite.

Joni 10:7

Aboobo Jesu wakabaambila alimwi ayi, “Ntoomulwiita calushinisho ayi ndime mulyango wa mbelele.

Shakubelenga 23:19

Lesa taabete anga mbantu abo babeshi. Taabete anga ngumuntu upilula miyeeyo yakwe. Coonse nceenga walasha, ulacicita alimwi na waamba, ncaamba cilacitwa.

Bene Lefi 17:9

kumusena umwibo ayi ngwaangu neMwaami Lesa, kuteshi kumulyango wa Tente ya Cipangano, teshi akanoociyeeyelwa kuba mulikoto lya bantu bangu.

Bene Lefi 4:23

Lyalo na washibishikwa cibiibi cakwe, ulyeelete kuleta mulambu wa mpongo isankwa itacite kampenda kali koonse.

Kulonga 35:5

Amupe cipo kuMwaami Lesa. Uyo woonse usuni kucita boobo, ulyeelete kuleta cipo ca golodi, silifa nabi bulonse,

Kulonga 29:4

“Mpeeke ukalete Aloni alimwi abana bakwe basankwa kumulyango wa Tente ya Cipangano akubalwiita ayi balisalashe amaanshi.

Bene Lefi 17:4

mumusena wakubengela kumulyango wa Tente ya Cipangano ayi ngumulambu wabengwa kuli nebo neMwaami Lesa, wasotoka Milawo. Muntu uyo ingayi waba amulandu wakutila bulowa. Aboobo teshi akanoociyeeyelwa kuba mulikoto lya bantu bangu.

Bene Lefi 16:7

Lyalo ulaakutola mpongo shobilo isho akushishisha kunembo lya Mwaami Lesa kumulyango wa Tente ya Cipangano.

Bene Lefi 8:21

Mpeeke wakasansha shamukati alimwi amyeendo mumaanshi akutenta shipansha shimwi shoonse sha mbelele pacipaililo ayi ngumulambu wakutenta, bweema bubotu busangalasha Mwaami Lesa. Uyo wakalinga ngumulambu wa shakulya, kweelana aMwaami Lesa mbwaakaambila Mose.

Bene Lefi 8:18

Kuswawaawo Mose wakaleta mbelele isankwa ya mulambu wakutenta, lyalo Aloni abana bakwe basankwa bakabika maansaabo pamutwi wa njiyo.

Bene Lefi 7:16

“Ono na muntu umwi waleta mulambu wa bwanabwankashi ceebo wakashomesha cakulumbila kucita boobo nabi kwiinda mukuyanda kwakwe mwiine, nyama ilaakulikwa pabushiku bweenka mbowabengwa. Sombi na yacaalaawo, ilakonsha kulikwa bushiku buboolaawo.

Kulonga 38:1

Ono cakutentelawo milambu, wakapanga cipaililo ca cisamu ca mulombe. Cakalinga kweelenebo moonse, mumbasu shoonse cakaba masentimita ali 220, ono kuya mwiculu cakalinga masentimita ali 130.

Kulonga 36:3

Mose wakabapa shipo shoonse isho bene Isilaeli nshebakaleta ayi bayakishe Tente isalalite. Sombi bene Isilaeli bakatolelela kuleta shipo kuli Mose bwaca abwaca.

Kulonga 35:29

Boonse bene Isilaeli abo bakasuna kubenga, bakaleta shipo shabo kuMwaami Lesa kwaamba ayi basebenseshe kumilimo iyo njaakaambila Mose ayi bakacite.

Kulonga 35:21

alimwi boonse abo bakasuna kucita bwakabalwiita Mose, bakaleta cipo kuMwaami Lesa cakupangisha Tente ya Cipangano. Bakaleta shoonse shakalinga kuyandika pamilimo yakulambila alimwi akupanga shakufwala sha bupailishi.

Shakubelenga 23:30

Balaki wakacita kweelana ambwaakalwiitwa, akubenga mucende womwi alimwi ambelele isankwa yomwi pacipaililo comwi acomwi.

Dutolonomi 12:27

Uko, mukanoobengelako milambu yakabumbulu yeelete kutentelwa pacipaililo ca Mwaami Lesa, Lesa wanu alimwi amilambu iyo njemulyako nyama akutila bulowa pacipaililo.

Shakubelenga 23:27

Mpomunyaawo Balaki wakaambila Balaamu ayi, “Katiya soonse, ono ntookutola kumusena umwi. Mpashi Lesa kwalo inga wasuminisha ayi uye unshinganineko bene Isilaeli.”

Bene Lefi 1:10

“Na muntu utoobenga mulambu kuswa mulitanga lya mbelele nabi mpongo shakwe, ulyeelete kubenga isankwa itacite kampenda kali koonse.

Bene Lefi 4:15

Mpomunyaawo batanjilili ba bene Isilaeli balaakubika maansaabo pamutwi wa mucende akumucaila peenka apo.

Bene Lefi 6:8

Lyalo mwaami Lesa wakaambila Mose ayi,

Bene Lefi 17:8

“ ‘Mwine Isilaeli woonse nabi muswamashi woonse ushiite mulikoto lyabo ubengela mulambu wakutenta nabi mulambu umwi woonse

Shakubelenga 15:3

mucende, mbelele isankwa nabi mpongo inga yabengwa kuli ndime neMwaami Lesa ayi ngumulambu wakutenta, mulambu wakucita kweelana akushomesha cakulumbila, mulambu wakulyaaba nabi milambu ya pakusekelela mukupaila kwanu. Bweema bwa milambu ya shakulya iyi, bulansangalasha nebo neMwaami Lesa.

Shakubelenga 15:8

Ono na ngumucende wabengwa kuli ndime neMwaami Lesa ayi ngumulambu wakutenta, mulambu wakucita kweelana akushomesha cakulumbila nabi mulambu wa bwanabwankashi,

Esekelo 40:39

Mucipinda cakwinjililaako ico mwakalinga matebulu one, obilo kumbasu shobilo shoonse. Pamatebulu aya mpobakalinga kunoocaila shifubwa shakubenga milambu iyo yakalinga kutentwa yakabumbulu, milambu yakulekelelwa shibiibi nabi milambu yakumanisha milandu.

Bene Lefi 4:3

“Na ngumupailishi munene wabisha, akuleta mulandu pabantu, ulyeelete kuleta kuli ndime neMwaami Lesa mucende mwaana utacite kampenda kali koonse, alimwi akumubenga ayi ngumulambu wakulekelelwa shibiibi shakwe.

Bene Lefi 4:32

“Ono na muntu uyo waleta mbelele ayi ngumulambu wakulekelelwa shibiibi, ilyeelete kuba yanakashi itacite kampenda kali koonse.

Bene Lefi 5:15

“Na muntu umwi wabisha cakuteshiba kwiinda mukwaalilwa kulipila sheesho shisalalite kuli ndime neMwaami Lesa, ulyeelete kuleta mbelele isankwa itacite kampenda kali koonse kuli ndime neMwaami Lesa, ayi ngumulambu wakumana mulandu. Bubotu bwa njiyo bulyeelete kwishibwa kweelana acipimo cakasuminishikwa.

Bene Lefi 5:18

Ulyeelete kuleta mbelele isankwa itacite kampenda kali koonse kumupailishi ayi ngumulambu wakumana mulandu. Bubotu bwa njiyo bulyeelete kushibwa kweelana acipimo cakasuminishikwa. Lyalo munshila iyi mupailishi ulaakubenga mulambu wa cibiibi cakabisha muntu uyo mukuteshiba, aboobo ulaakulekelelwa.

Bene Lefi 6:2

“Mulambu ulyeelete kupekwa na umwi wabisha alimwi akubula kushomeka kuli ndime neMwaami Lesa kwiinda mukukaka kuboosha ceeco cakamupa mwine Isilaelinyina ayi alame, kwiipila mubye, kumucenjeeka,

Bene Lefi 9:2

Wakaambila Aloni ayi, “Ubwese mucende mwaana alimwi ambelele isankwa shoonse shobilo shitacite kampenda kali koonse akushibenga kuMwaami Lesa. Mucende mwaana ngwamulambu wakulekelelwa shibiibi, mbelele isankwa njamulambu wakutenta.

Bene Lefi 14:10

“Lyalo pabushiku bwasanu ashotatwe ulyeelete kuleta mbelele shobilo shisankwa alimwi ayanankashi shoonse shicite mwaaka womwi alimwi shitacite kampenda, pantu pomwi amakilogilamu otatwe a fulaulo usenkene amafuta a olifi ayi cibe ncipo ca fulaulo, alimwi acomwi ca shotatwe sha lita ya mafuta a olifi.

Bene Lefi 23:12

Pabushiku ndyemupa cipo cakutambeeka ca fulaulo, munoobenga amwanaambelele musankwa ucite mwaaka womwi alimwi utacite kampenda ayi ngumulambu wakutenta.

Bene Lefi 23:18

Ono pantu pomwi ashinkwa uyo, bene Isilaeli balyeelete kubenga mbelele shisankwa shosanwe ashobilo shicite mwaaka womwi womwi, mucende mwaana, alimwi ambelele shobilo shisankwa. Shoonse ishi tasheelete kuba akampenda nabi komwi. Shilaakubengwa ayi ngumulambu wakutenta kuli ndime neMwaami Lesa, pantu pomwi acipo ca fulaulo alimwi acipo ca cakunwa. Bweema bwa milambu iyi bulansangalasha neMwaami Lesa.

Shakubelenga 19:2

“Lwiita bene Isilaeli milawo iyi ayi bakamuletele ŋombe mpwishi isalala itacite kampenda alimwi itana kusebensaawo.

Shakubelenga 28:11

“Pabushiku butaanshi bwa mweenshi uli woonse balyeelete kubenga mulambu wakutenta kuli ndime neMwaami Lesa, nkokwaamba ayi bacende baana bobilo, mbelele isankwa, bana ba mbelele basankwa bosanwe abobilo bacite mwaaka womwi, shoonse kashitacite kampenda.

Shakubelenga 28:19

Balyeelete kubenga mulambu wakutenta ayi ngumulambu wa cakulya kuli ndime neMwaami Lesa. Nkokwaamba ayi balyeelete kubenga bacende baana bobilo, mbelele isankwa alimwi abana ba mbelele basankwa bacite mwaaka womwi. Shoonse ishi tasheelete kuba akampenda.

Shakubelenga 28:31

Balyeelete kubenga shintu ishi pantu pomwi acipo ca cakunwa mukwiilika pamulambu wakutenta wa pabushiku abushiku alimwi acipo ca fulaulo. Shifubwa shoonse ishi tasheelete kuba akampenda kali koonse.

Shakubelenga 29:2

Mulyeelete kubenga mucende mwaana, mbelele isankwa, alimwi abana ba mbelele basankwa bali bosanwe abobilo, bacite mwaaka womwi. Shoonse ishi tasheelete kuba akampenda. Uyu ngumulambu wakutenta, bweema bunsangalasha neMwaami Lesa.

2 Makani 29:32

Bakaleta bacende bali 70, mbelele shisankwa shili 100 alimwi abana ba mbelele basankwa bali 200 ayi njimilambu yakutenta kuMwaami Lesa.

2 Makani 35:12

Lyalo bakabaanya shifubwa sha milambu yakutenta kubantu kweelana abamumaandaabo kwaamba ayi bashibeenge kweelana amilasho amilawo yakwe Mose.