Bene Lefi 1:17 - Baibo Busansulushi Bwa Libuku Ili

¹⁷ Kuswawaawo, ulaakwiicata kumapapaminwa akwiikwamuna ayi ipabuke kwakutatumuna mapapaminwa. Mpeeke mupailishi ulaakwiitenta pacipaililo yoonse ayi ngumulambu wakutenta. Bweema bwa mulambu uyu bulansangalasha neMwaami Lesa.

Bene Lefi 1:17 교차 참조

Matalikilo 15:10

Abulamu wakaleta banyama abo, wakabatimbula pakati akubika shipimpita shilya lubamba mumindando yobilo. Nakubi boobo bayuni taakwe kubatimbula.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

Bene Loma 4:25

Lesa wakabenga Jesu kwaamba ayi acaikwe ceebo ca shibiibi shesu alimwi wakamubusha kuswa kubafu kwaamba ayi atululamike pameenso akwe.

Joni 19:30

Jesu ndyaakamana kunwaako maanshi wakaamba ayi, “Camana.” Amanebo kwaamba boobo, wakakotamika mutwi wafwa.

Mateyo 27:50

Jesu alimwi wakoolobesha aliswi lya peculu, watula moyo.

Kulumbaisha 16:10

Mukwiinga teshi mukandekeleshe ayi nkanoolibo mumusena wa bafu, nabi kulekelesha Usalalite wanu ayi abole.

Bene Lefi 5:8

Ulaakushileta kumupailishi uyo weshi akataangune kubenga kayuni ka mulambu wakulekelelwa shibiibi. Ulaakutyola nshingo ya kayuni kwakutasutulako mutwi

Bene Lefi 1:13

Ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Matalikilo 8:21

Bweema bwa mulambu bwakakondelesha Mwaami Lesa, lyalo wakalyaamboosha ayi, “Teshi nkashinganewo cishi ca panshi alimwi ceebo ca sheesho muntu nshaacita. Ndishi kwaamba ayi kuswabo kubwanike miyeeyo ya muntu njibiibi. Teshi nkanyonyoolewo shintu shiyoya shoonse mbuli mbondacita bulya.

Bene Lefi 9:13

Bakamutambika mutwi alimwi ashipansha shimwi sha munyama, mpeeke wakashitentela pacipaililo.

Bene Lefi 2:2

lyalo nkokuleta kubana bakwe Aloni bapailishi. Mpeeke mupailishi ulaakutapula busu, mafuta a olifi alimwi atununkila kabotu toonse mulupaka, akushitenta pacipaililo ayi cibe cishibilo cakwaamba ayi shoonse shapekwa kuli ndime neMwaami Lesa. Bweema bwa cipo ico ca shakulya bulansangalasha neMwaami Lesa.

Bene Lefi 3:5

Lyalo shoonse ishi bapailishi balaakushitentela pacipaililo, kubikaawo amilambu yakutenta. Bweema bwa mulambu uyo bulansangalasha neMwaami Lesa.

Bene Lefi 6:14

“Iyi njimilawo ya pacipo ca fulaulo. Bana bakwe Aloni bapailishi balaakucipa kunembo lyangu neMwaami Lesa nkokwaamba ayi kunembo lya cipaililo.

Bene Lefi 8:21

Mpeeke wakasansha shamukati alimwi amyeendo mumaanshi akutenta shipansha shimwi shoonse sha mbelele pacipaililo ayi ngumulambu wakutenta, bweema bubotu busangalasha Mwaami Lesa. Uyo wakalinga ngumulambu wa shakulya, kweelana aMwaami Lesa mbwaakaambila Mose.

Shakubelenga 15:3

mucende, mbelele isankwa nabi mpongo inga yabengwa kuli ndime neMwaami Lesa ayi ngumulambu wakutenta, mulambu wakucita kweelana akushomesha cakulumbila, mulambu wakulyaaba nabi milambu ya pakusekelela mukupaila kwanu. Bweema bwa milambu ya shakulya iyi, bulansangalasha nebo neMwaami Lesa.

Shakubelenga 28:8

Macolesha balyeelete kubenga mwanaambelele umwi ulya bweenka mbuli wamacuunsa pantu pomwi acipo ca cakulya alimwi aca cakunwa. Bweema bwa mulambu uyu bulansangalasha nebo neMwaami Lesa.