Bene Kolose 4:2 - Baibo Busansulushi Bwa Libuku Ili

² Amucatishe kupaila, kunoolibambite lyoonse alimwi akulumba Lesa.

Bene Kolose 4:2 교차 참조

Bene Filipi 4:6

Mutanoolisukama pacintu nabi comwi, sombi mumipailo yanu yoonse amusenge shintu shoonse nshemutacite kuli Lesa. Kamusenga amoyo wakulumba lyoonse.

Bene Efeso 6:18

Kamupaila pakucita shintu shoonse ishi. Kunoosenga Lesa kwaamba ayi amucaafwe. Paciindi coonse kamupaila kweelana aMushimu Usalashi mbweenga wamutanjilila. Paceebo ceeco amucenjele, mutatyongooki napaceyi. Lyoonse na mutoopaila, kamupaililako bashomi boonse.

Bene Loma 12:12

Mulyeelete kunoosangalala ceebo ca ceeco ncemutoolangila, amukalike myoyo muciindi ca makatasho alimwi munoopaila lyoonse.

Mateyo 26:41

Amwikale kamulibambite, akupaila kwaamba ayi mutanjili mumasunko. Moyo walo ulisuni, sombi mubili ngowabula nkusu.”

Luka 18:1

Mpomunyaawo Jesu wakalwiita bashikwiiya bakwe cikoshanyo, cakubeeisha ayi balyeelete kupaila lyoonse cakutatyongola.

Luka 21:36

Amwikale kamulibambite lyoonse, kamupaila ayi mube ankusu shakwiinda musheeshi shintu sheshi shikacitike kwaamba ayi mukeemikane kunembo lya MwanaaMuntu.”

Kulumbaisha 109:4

Balo balandwana nabi nebo ndibasuni, nabi bancite boobo, nebo ndabapaililako.

1 Pita 4:7

Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.

Bene Kolose 1:9

Nceceeco ncetutacilekeli kumupaililaako kuswabo pabushiku nditwakanyumfwa makani aya apali ndimwe. Tulasenga Lesa amupe busongo alushibo isho shiswa kuMushimu Usalashi kwaamba ayi mwishibe kuyanda kwakwe.

Maako 13:33

Amucenjele, mulangishishe, mukwiinga tamwishi ciindi ico ndyeshi cikashiike.

Bene Kolose 3:17

Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.

Bene Kolose 2:7

Mucinke manungo akuyaka buumi bwanu muli nguwe alimwi muyume mulushomo kweelana ambobakamwiisha. Mulyeelete kunoolumba Lesa lyoonse.

Bene Kolose 4:12

Epafulasi wamwaansha. Alakwe ngwamulikoto lyanu alimwi ngumusebenshi wakwe Klistu Jesu. Lyoonse ulamupaililaako kuli Lesa kwaamba ayi mushimpe mulushomo amukucita kuyanda kwakwe Lesa.

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.

Bene Kolose 3:15

Luumuno Klistu ndwaapa, alweendeleshe myoyo yanu. Lesa wakamwiita kwaamba ayi mube aluumuno ndomunya ulu mukwiinga muli shipansha sha mubili womwi. Amube amyoyo yakulumba.

Jobo 15:4

Ono webo kuloonda Lesa wakubika palubasu, akwalo kupaila kuli Lesa koonse wakushinkilisha.

Milimo ya Batumwi 1:14

Aba bantu bakalinga kubungana akupailila pantu pomwi lyoonse, kubikaawo abanakashi bamwi, Maliya banyina abamakwabo Jesu.

1 Samwelo 1:12

Aana wakatolelela kupaila kuMwaami Lesa kwaciindi cilaamfu, lakwe Eli kaalangilishabo mulomo wakwe.