8 Sombi bulya mucileeke shoonse ishi, mbuli kukalala, kukalooka alimwi amiyeeyo ya lupato. Tamweelete kutukana nabi kusebensesha myaambo ibiibi.
Mutabi beshimyaambo ibiibi, sombi kamwaambabo maswi acafwa, akonsha kuyaka akuleta ciyandika kwaamba ayi boonse batoonyumfwaako bacanemo bubotu.
Paceebo ceeco, amushiye bwikaalo bwanu bukulukulu, ubo bwakalinga kumunyonyoola ceebo bwakalinga kumucenjeeka ayi mucite shintu shitaluleme.
Tamweelete kwaamba shintu shilensha nsoni, shabuluya nabi shiteelete, sombi kamwaambabo makani akulumba Lesa.
Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.
Ono na mwakalala, kukalala kwanu kutamulengeshi kubisha alimwi tamweelete kukalala cakwipisha lisuba.
Ono mukwiinga aswebo tuli abakamboni baanji batushingulukite, atukushe shoonse shitukasha kucita nshetweelete alimwi ashibiibi shoonse isho nshetucita lyoonse. Lyalo tucice cankusu lubilo ulu ndotucite.
Muntu mukali ulalengesha kwaambana, ucite kamoyo kaniini ulacita shibiibi shiinji.
Mutanoobecana mukwiinga mwashiya buumi bwanu bwakale kale amicito ya mbubo
Aboobo amucileeke bubi boonse, bubeshi, kwaamba nshemutaciti, munyono alimwi amusebaanyo wa mushobo woonse.
Ceebo ntooloonda kwaamba ayi ndaakwisa uko ndaakumucana kamutabete mbuli mbondakalinga kumuyeeyela, nabi mwebo kumbona mbomutasuni. Ntooloonda ayi ndaakucana kwaambana, munyono, bukali, kulisuna, matushi, kufuya, kulisumpula akunyonyongana.
Mwebo mucicita shintu shakunsengwe. Ceebo na kapacili munyono akwaambana pakati kanu, sa ingayi ubo tamubete mbuli bakunsengwe?
Sombi nebo ntoomulwiita ayi uyo woonse ucitile mfundilishi mubye, ulyeelete koomboloshekwa. Awooyo waambila mubye ayi, ‘Taaku mboobete!’ ulyeelete koomboloshekwa munkuta inene. Sombi uyo waamba ayi, ‘Webo omuluya!’ ulyeelete wawaalwa mumulilo utamaani.
Talamuka kukwaanga mikonya, ee, leka kukalala, utapengi amoyo ceebo ico cilaletela mapensho.
Ono na kamwikala anga mbanyama ba muluundu abo balumana akulyaana, mulyeelete kucenjela mukwiinga inga mwaakunyonyoolana nobeene.
Atwikale kabotu mbuli bantu bekala mumumuni. Tatweelete kwikala mubucakolwa bupusenepusene, bufuule alimwi akutalilemeka. Tatweelete kulwana alimwi akunyumfwilana munyono.
Kubalamuna kwaambana kuli anga nkutulula bulyango mumukuti wa cishiba. Anu ncibotu kucilekabo kwaamba pacikani ico kacitana kuya kunembo.
Sombi bantu aba balacita mbomunya ubo. Kwiinda mukukonkela shiloto shabo, balabisha mibili yabo. Balakaka nkusu shakwe Lesa alimwi akucobola baanjelo bakwe balemekwa.
Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.
Sa te abo mbobacobola liina lilemekwa lyakwe Klistu ilyo ndyemwiitwa?
Pakati ka baabo, kuli Aimeneyusi aAlekisanda abo mbondakalekela mumaansaakwe Satana kwaamba ayi beeye kutacobola Lesa.
Nakubi kwaamba ayi ndakalinga shikucobola Lesa, shikupensha bantu bakwe Lesa alimwi mukali abuumbi, Lesa wakanyumfwila nkumbu ceebo ndakalinga kucita shintu ishi mukubula lushibo alushomo.
Tatweelete kunoolisumpula, kunookalashanya nabi kunoonyumfwilana munyono.
kulambila shibumbwabumbwa, buloshi, kutanyumfwana, kupikishanya, munyono, bukali, kuliyanda, kupansaana alimwi akulipatula,
bulale, lunkumbwa, bubi, bubeshi, kutalilemeka, munyono, bufuyishi, kulisumpula alimwi abuluya.
Aboobo kulungula kwakabatenta abuumbi. Mpeeke bakacobola Lesa ucite nkusu shakuleta myaalu ili bobulya. Nakubi boobo tabakwe kusanduka kuswa kushibiibi shabo kwaamba ayi bamulumbaishe.
Na muntu ngwa kamoyo kaniini muleke alibonene, ceebo wamufuna, ulaakucibooshawo.
Micito yabo ilensha nsoni ili anga ndyoofu amatombe, shicaala muloombe lwa lweenga ceebo ca maaba. Balibo anga ninyenyeenshi shaluba moshiinda. Paceebo ceeco, Lesa wakababambila musena mumunshinshe utamaani.
Lesa wakapulusha Loti, muntu ululeme uyo wakalinga kupenshekwa abuumbi ceebo ca buumi butaluleme, bwa bamucita shibi abo.
Anu amucileeke kubeca! Muntu woonse ulyeelete kwaamba shalushinisho kumwine Klistunyina ceebo soonse tuli shipansha sha mubili wakwe Klistu.
