Bene Kolose 3:24 - Baibo Busansulushi Bwa Libuku Ili

²⁴ Amwiingashile kwaamba ayi Mwaami ulaakumupa cilambu ncaakashomesha bantu bakwe. Anu Mwaami ngomutoosebensela nguKlistu.

Bene Kolose 3:24 교차 참조

Bene Efeso 6:8

mukwiinga mulishi ayi Mwaami ulaakupa muntu cilambu pamulimo ubotu ngwaacita, musha nabi uteshi musha.

Luka 14:14

Lyalo ulaakupekwa coolwe mukwiinga balo inga tabacikoonshi kucita mushobo womwi kuli ndiwe. Lesa ulaakukulambula pabushiku ubo bantu basalalite ndyeshi bakabushikwe kuswa kubafu.”

Bene Galatiya 1:10

Sa mukwaamba boobo ntooyanda kulumbwa abantu? Napaceyi, sombibo Lesa eenka. Sa ndisuni kukondelesha bantu? Sobwe, nendalinga kucisuni kukondelesha bantu, naakwiinga nshibete musebenshi wakwe Klistu.

1 Bene Kolinto 7:22

Ceebo muntu uyo Mwaami Jesu ngwaakeeta kaali musha, ngumuntu waangulukite kuli nguwe. Mbweeke ubo muntu utabete musha wakeetwa aKlistu, ngumusha wakwe.

Milimo ya Batumwi 20:32

“Cakweelaako, ndamubika mumaansaakwe Lesa alimwi amakani aamba paluse lwakwe kwaamba ayi amulaame akumuyumya ayi mukatambule shoolwe isho Lesa nshaasungila bantu bakwe boonse.

Bene Ebulu 11:6

Taaku muntu weenga wakondelesha Lesa kaatacite lushomo. Mukwiinga uyo woonse usuni kusena kuli Lesa ulyeelete kushoma ayi Lesa mpwaali alimwi ayi ulapa shilambu kubantu abo bamuyandoola.

Bene Ebulu 10:35

Paceebo ceeco, mutatyongoli mukwiinga na mwatolelela kutaboola pesule, mulaakutambula cilambu cinene.

Bene Efeso 6:6

Mutanoocitabo boobo na kabamubwene kwaamba ayi bamuluumbe. Sombi mukwiinga muli basebenshi bakwe Klistu, mulyeelete kucita sheesho Lesa nshaasuni ankusu shanu shoonse.

Mateyo 5:46

Ono na kamusunibo bantu abo bamusuni, nkokwaamba ayi ncilambunshi nceenga mwatambula? Te abalo beshikusonkesha musonko balacita ubo?

Mateyo 5:12

Amusangalale akukondwa mukwiinga cilambu canu ncinene kwiculu. Mbweeke ubo bantu mbobakapensha balaluki bakalingaako kale kale.

Tushimpi 11:18

Bamucita shibi taaku mpindu njebapekwaawo, sombi bacita shiluleme balapekwa shilambu.

Judi 1:1

Ndime Judi musebenshi wakwe Jesu Klistu alimwi mukwabo Jemusi. Ntoolembela ndimwe nomwakeetwa akusunikwa aLesa Ishiwesu alimwi nomulamwa aJesu Klistu.

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.

Bene Kolose 2:18

Kutabi muntu nabi womwi weshi amupe mulandu ceebo lakwe ulayeeya ayi ngumunene mukwiinga ulabona shimwi shili anga nsha muciloto. Bantu ba mushobo wooyu balalibombya cakubeca alimwi balisunibo kwaamba ayi bantu kabalambila baanjelo. Balalisumpula pashintu shitacite ncito mukwiinga balakonkela shintu sha buntu.

1 Bene Kolinto 3:8

Aboobo taaku bupusano pali wooyo ushanga autilila ceebo Lesa ulaakulambula womwi awomwi kweelana amilimo njaakacita.

Luka 6:35

Sombi mwebo mutaciti boobo, amusune balwani banu alimwi akucita shibotu kuli mbabo. Amukweleteshe kutamba ayi bakamuboosheshe. Lyalo mulaakuba acilambu cinene kwiculu. Mulaakuba bana bakwe Lesa wa kwiculu Wiindaawo uyo ucita shibotu kubaabo bataluumbi ababiibi.

Mateyo 6:16

“Ono ciindi ncemulikasha kulya, mutanokuungumana, bucita bantu baamba nshebataciti. Mukwiinga balo balalyuungumika pameenso ayi bantu boonse babone ayi batoolikasha kulya. Ntoomulwiita calushinisho ayi balo abo batambula kale shilambu shabo.

Lute 2:12

Mwaami Lesa aakupe coolwe pasheesho shoonse nshewakacita. Mwaami Lesa, Lesa wa bene Isilaeli uyo ngowesa mukulishisaako aakupe cilambu cinene!”

Mateyo 6:5

“Ono pakupaila kuli Lesa, tamweelete kuba mbuli bantu baamba nshebataciti ceebo balo balisuni kwiimikana akupaila mushoonde shabo alimwi amupetukila nshila ayi bababoone. Ntoomwaambila calushinisho ayi abo balo batambula kale shilambu shabo.

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Bene Loma 14:18

Aboobo uyo woonse usebensela Klistu munshila iyi, ulakondelesha Lesa alimwi abantu balakondwa mumilimo yakwe.

Bene Loma 1:1

Ndime Paulo musebenshi wakwe Jesu Klistu. Lesa wakansala akunjita kwaamba ayi mbe mutumwi wakushimikila Makani Abotu aswa kuli nguwe.

Joni 12:26

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Mateyo 10:41

Uyo woonse utambula mulaluki wakwe Lesa ayi mukwiinga watumwa aLesa, alakwe ulaakutambula cilambu ca mutumwi. Uyo woonse utambula muntu ululeme ayi ceebo uliluleme, ulaakutambula cilambu ca bululami.

Bene Ebulu 9:15

Nceceeco Klistu ncaalengeshesha ayi cipangano cipya cibeewo, kwaamba ayi abo Lesa mbwaakeeta ayi bakatambule shoolwe shitamaani nshaakashomesha. Ishi inga shacitika ceebo ca lufu lwakwe Klistu ulo lufuna bantu kuswa mushibiibi nshibakacita muciindi ca cipangano cikulukulu.

1 Bene Kolinto 11:23

Ceebo maswi ngondakatambula kuswa kuMwaami ngoaayo anebo ngondakamulwiita. Maswi ayo ngakwaamba ayi Mwaami Jesu, mashiku ayo eenka ndyaakaabwa, wakabwesa cimaande,

1 Pita 1:4

Alimwi tutoolangila ayi tukatambule shipo isho Lesa nshaakabambila bantu bakwe. Utoomubambila kabotu kwiculu, uko nkweshi shikabule kubola, kunyonyooka nabi kubunda.