Bene Kolose 3:16 - Baibo Busansulushi Bwa Libuku Ili

¹⁶ Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

Bene Kolose 3:16 교차 참조

Kulumbaisha 119:11

Ndalama maswi anu mumoyo wangu, kwaamba ayi ntanoomubishisha.

Bene Efeso 5:19

Mulyeelete kwaamba kuli womwi awomwi mumaswi a kulumbaisha, nyimbo sha kulemeka alimwi ashimwi sha kulumbaisha Lesa. Kamwiimbila Mwaami cakukondwa amoyo woonse.

Joni 15:7

Na mwakalilila muli ndime aalo maswi angu akalilila muli ndimwe, inga mwaseenga cili coonse ncemusuni, mulaakupekwa.

Bene Loma 10:17

Paceebo ceeco muntu ulashoma ceebo cakunyumfwa Makani Abotu alimwi aalo Makani Abotu alanyumfwika kwiinda mukushimikila shapali Klistu.

1 Joni 2:24

Sombi mwebo, makani ngomwakanyumfwa kuswa kumatalikilo akalilile mumyoyo yanu. Na cikacitike boobo, ingayi amwebo mulaakwikalilila mubwanabwankashi bwa Mwaana alimwi aIshi.

Jelemiya 15:16

Ndindakanyumfwa maswi anu, ndakaatambula camoyo woonse. Akansangalasha akulengesha moyo wangu kukondwa ceebo ndi muntu wanu, mwebo Nobaami baLesa, baLesa beShinkusu shoonse.

Bene Efeso 1:17

Ndaseenga Lesa uyo Jesu Klistu Mwaami wesu ngwaakalinga kulambila, Ishiwesu shibulemu, ayi amupe Mushimu uyo weshi ukamupe busongo akumuyubulwita Lesa ayi mukamwishibe.

Jobo 23:12

Nshina kusuulawo kale milawo yakwe. Ndakonkela maswi akwe kwiinda shintu shimwi shoonse mubuumi bwangu.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

2 Joni 1:2

Tulimusuni mukwiinga lushinisho luli muli ndiswe alimwi lulaakunoolimobo lyoonse alyoonse.

2 Timoti 3:15

alimwi uleebaluka kwaamba ayi kuswa kubwanike ulishi Malembo akwe Lesa asalalite, ayo akonsha kukupa busongo bweenga bwakuletela lupulusho kwiinda mukushoma Klistu Jesu.

Bene Kolose 1:9

Nceceeco ncetutacilekeli kumupaililaako kuswabo pabushiku nditwakanyumfwa makani aya apali ndimwe. Tulasenga Lesa amupe busongo alushibo isho shiswa kuMushimu Usalashi kwaamba ayi mwishibe kuyanda kwakwe.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.

1 Joni 2:27

Sombi mwebo, Klistu wakamupa Mushimu Usalashi ukala muli ndimwe. Aboobo takuyandiki aumwi mufundishi mukwiinga Mushimu Usalashi ngomwakatambula ulamwiisha shoonse alimwi nshaamwiisha nshalushinisho, teshi shabubeshi. Paceebo ceeco, kweelana ambwaakamwiisha, amukalilile muli Klistu.

Bene Kolose 4:6

Ciindi coonse myaambo yanu ibe ya luse iyaka bamwi alimwi mulyeelete kwishiba bwakukumbula kabotu muntu uli woonse.

Bene Efeso 5:17

Paceebo ceeco mutabi anga mbantu baluya, sombi amweeleshe kwishiba sheesho Mwaami Lesa nshaasuni ayi mucite.

Kulumbaisha 28:7

Mwaami Lesa ngoompa nkusu akumfuna, ndushinisho ndicinkite manungo muli nguwe. Aboobo ulancafwa alimwi ndamulumbaisha cakukondwa, alimwi ndamulumba kwiinda mulwiimbo lwangu.

Jemusi 5:13

Na umwi pakati kanu uli mumapensho, aapaile kuli Lesa. Na kuli usangalete aimbe nyimbo shakulumbaisha.

Kulumbaisha 71:23

Mulomo wangu ulaakoolobesha cakusangalala, ndaakwiimba nyimbo shakumulumbaisha. Buumi bwangu mbomwakafuna bulaakumulumbaisha cakusangalala.

Taitasi 3:6

Lesa wakatupa Mushimu Usalashi camaansa obilo kwiinda muli Jesu Klistu Mupulushi wesu.

1 Bene Kolinto 14:26

Ncentokwaamba nobamakwesu nceeci. Ndimubungana ayi mulambile, womwi inga kaacite lwiimbo, umwi cakwiisha, umwi kaacite maswi akamuyubulwita Lesa, umwi maswi mumilaka yeensu aumwi kaacite busansulushi bwa milaka yeensu iyo. Ono shoonse shilyeelete kusebenseshekwa kwaamba ayi shicafwe coonde kukula mulushomo.

Jemusi 1:5

Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.

Bene Kolose 1:28

Klistu ngowooyo ngotushimika. Tulacenjesha akwiisha bantu boonse mubusongo boonse mbotwakapekwa kwaamba ayi babe bantu batacite kampenda muli Klistu.

Kulumbaisha 32:7

Muli ndimwe ndushinisho moonjuba. Mulamfuna kumapensho angu oonse. Aboobo ndeemba palupulusho lwanu ceebo mulamfuna.

Neyemiya 12:46

Kuswa muciindi cakwe Defedi aAsafu shikwiimba, beshikwiimba mbobakalinga kutanjilila nyimbo shakulumbaisha akulumba Lesa.

1 Baami 3:28

Bene Isilaeli ndibakanyumfwa Solomoni mbwaakoombolosha, boonse bakatalika kumulemeka abuumbi mukwiinga ono bakeshiba ayi Lesa wamupa busongo bwakoombolosha milandu cakutanyengelela.

Ciyubululo 15:3

Bakalinga kwiimba lwiimbo lwakwe Mose musebenshi wakwe Lesa alimwi alwiimbo lwa Mwanaambelele ayi, “NoBaami baLesa Beshinkusu shoonse, micito yanu njinene alimwi ilakankamika abuumbi! NoBaami baLesa ba mishobo yoonse ya bantu, nshila shanu shililuleme alimwi nshalushinisho!

1 Joni 2:14

Ntoolembela ndimwe nobana bangu ceebo mulishi Ishiwesu. Ntoolembela ndimwe nobamashali bangu basankwa ceebo mulimwishi uyo wakalingaako kuswabo kumatalikilo. Ntoolembela ndimwe nobasankwa bacikula bwangu ceebo muli bayumu amaswi akwe Lesa ali muli ndimwe alimwi mwakoma Mubiibi ulya.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

2 Bene Tesalonika 3:15

Nakubi boobo mutamweelanishi amulwani wanu, sombi mumucenjeshe mbuli mushominyinaanu.

1 Bene Tesalonika 4:18

Ono aboobo amuyuminishanye mumaswi aya.

1 Bene Kolinto 14:15

Ono ndyeelete kucita buyani? Ndanoopaila amuuya wangu, ono alimwi ndanoopaila amaano angu. Ndanokwiimba amuuya wangu, ono sombi ndanokwiimba amaano angu.

Mateyo 26:30

Ndibakamana kwiimba lwiimbo lwakulumbaisha Lesa, bakaya kuKalundu ka Olifi.

Tushimpi 14:8

Busongo bwa muntu ucenjete nkutaanguna kuyeeya pamicito yakwe, sombi buluya bwa baluya bulabalubya beene.

Kulumbaisha 138:1

Nobaami baLesa, ndaakumulumbaisha amoyo wangu woonse. Ndaakwiimba nyimbo shakumulumbaisha pameenso a balesa bamwi.

Kulumbaisha 119:54

Milasho yanu yaba nshenyimbo shangu, nshenyimbo shangu koonse kweenga kaambete.

Bene Loma 15:14

Nobene Klistuma nebo ndishinishite kwaamba ayi mulicite buumi bubotu alimwi mulishi shoonse nshemweelete kucita akulwiitana nobeene.

Luka 2:51

Lyalo wakanyamuka akuyaabo kuNasaleti alimwi wakalinga kubanyumfwila. Maliya wakasunga shintu ishi shoonse mumoyo wakwe.

1 Makani 25:7

Bantu abo pantu pomwi abaimbinyinaabo bakalinga 288. Boonse bakalinga beshikulisha bakeeishikwa kabotu kulisha nyimbo sha Mwaami Lesa.

Isaya 10:2

Munshila iyo balalengesha bakandu kubula nkusu shakupabuka akushinkilisha milandu ya baabo balyatililwa ayi itoomboloshekwi cabululami. Pabamukalubinje abana banshiwa mpobashanina kasela kwiinda mukunoobanyaya buboni.

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.

Isaya 30:29

Sombi mwebo nobantu bakwe Lesa, mulaakwiimba bweenka mbuli pabushiku bwakusekelela kusalalite. Myoyo yanu ilaakusangalala bweenka mboiba bantu ndibaya amitoolilo mukutanta pakalundu ka Mwaami Lesa. Ee, ndibaya kuMwaandami wa bene Isilaeli.

Isaya 26:1

Pabushiku ubo bantu balaakwiimba lwiimbo ulu mucishi ca Juda ayi, “Tulicite ndabala inene iyumu, Lesa mwiine ngootabilila malinga a njiyo.

Isaya 5:1

Ntokwiimbila wooyo ngoonsuni lwiimbo lwaamba pamuunda wakwe wa minyansa. Usunikwi wangu wakalinga kucite muunda wa minyansa, palubasu lwa kalundu pakalinga mboleshi.

Lwiimbo lwakwe Solomoni 1:1

Ulu ndwiimbo lwakwe Solomoni lwiinda nyimbo shoonse.

Ciyubululo 14:3

Bantu aba bali 144,000 bakeemikana kunembo lya cuuna ca bwaami cakwe Lesa, shilengwa shuumi isho shone alimwi alya bamaloba. Bantu aba bakalinga kwiimba lwiimbo lupya, ulo lutacite aumwi wakalinga kukonsha kulwiiya alimwi mbobakapulushikwa mucishi ca panshi.

Tushimpi 18:1

Muntu utasuni bamwi ulacitabo nshaasuni mwiine. Ulalengulula shoonse isho babye nsheebaamba ayi nshamaano.

Bene Efeso 5:26

kwaamba ayi acisalashe. Wakacisalasha ndyaakacisansha amaanshi kwiinda mumaswi akwe.

1 Bene Tesalonika 1:8

Bantu baanji baanji, kuteshibo muMakedoniya amuAkeya, bakanyumfwa Makani Abotu apali Jesu. Sombi bakanyumfwa ampuuwo ya lushomo lwanu muli Lesa yamwaika kumisena imwi yoonse. Aboobo taaku nceenga twaambaawo pacikani ico.