13 Amunyumfwilane nkumbu akulekelelana womwi awomwi. Na umwi wabishisha mubye, ulyeelete kumulekelela bweenka mbuli Mwaami mbwaakamulekelela.
Sombi mulyeelete kucita shibotu kubantu, kunyumfwilana nkumbu alimwi akulekelelana bweenka Lesa mbwaakamulekelela kwiinda muli Klistu.
Lyoonse ndimwiimikana ayi mupaile, kamulekelela boonse abo bamucitile milandu kwaamba ayi alakwe Ishiwanu uli kwiculu amulekelele shibiibi shanu. [
Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.
Amuliceeshe, mulibombye alimwi amukomenye myoyo lyoonse. Kamulekelelana kwiinda mulusuno.
Amutulekelele shibiibi shesu, bweenka mbotulekelela batubishisha.
Alimwi kwiinda mubuumi bwesu butacite kampenda, lushibo lwesu, kukalika moyo kwesu, inkumbu nshetucite, muMushimu Usalashi, mulusuno lwancinencine,
Amucafwane kunyamuna shimulemena. Na mwacita boobo, nkokwaamba ayi mwakonkela mulawo wakwe Klistu.
Kulilabo muntu ngomwalekelela anebo ndamulekelela. Ceebo na ndalekelela muntu, na kaciyandika kumulekelela, Klistu ulishi kwaamba ayi ndacita boobo ceebo ca ndimwe.
Mpeeke Jesu wakaamba ayi, “Ta, amubalekelele mukwiinga tabeshi ncebatoocita.” Kuswawaawo bakooma cisolo kwaamba ayi baabane shakufwala shakwe.
Amutulekelele shibiibi shesu bweenka mbotulekelela batubishisha. Mutatwinjishi mumasunko.’ ”
Sombi nebo ntoomulwiita ayi, ‘Amusune balwani banu akubapaililaako abo bamupensha,
Bwikaalo ubu Lesa mbwaakamwiitila. Mukwiinga Klistu wakamupengela kumushiila citondesho ayi munookonkela mwaakeenda.
Anu amutambulane camaansa obilo bweenka Klistu mbwaakamutambula kwaamba ayi mulemeke Lesa.
Mwebo muli bantu abo Lesa mbwaakasuna akumusala kwaamba ayi mube bantu bakwe. Paceebo ceeco, mulyeelete kuba beshinkumbu, bacita kabotu, baliceesha, balibombya akuba bantu bacata myoyo.
Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.
Muntu ucata caamba ngumusongo, kusuula shilubo nshaacitilwa kulamuletela bulemu.
