Bene Kolose 3:1 - Baibo Busansulushi Bwa Libuku Ili

¹ Ceebo mwakabushikwa pantu pomwi aKlistu, amubike myoyo yanu pashintu sha kwiculu, uko Klistu nkwaashiite kulubasu lwalulyo lwakwe Lesa.

Bene Kolose 3:1 교차 참조

Bene Loma 8:6

Ono kusunisha bunene shiyanda mubili kulaletela lufu, sombi kusunisha shiyanda Mushimu Usalashi kulaletela buumi butamaani alimwi aluumuno.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

2 Bene Kolinto 4:18

Mukwiinga tatwiililwi shintu shiboneka, sombi isho shitaboneki. Ceebo shiboneka shilekalabo ciindi ciniini, sombi shitaboneki shilekala muyayaya.

Bene Kolose 3:2

Amuyandoole shintu sha kwiculu, kuteshi sha mucishi ca panshi, sobwe.

Mateyo 6:20

Sombi amulibikile bubile bwanu kwiculu, uko tubambala nabi ndalabwa nkoshitanyonyooli abeepi nkobatakoonshi kwinjila.

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.

Luka 12:33

Amuulishe buboni mbomucite, maali mupe bapengete. Amulilangweete mpotomona shitabooli alimwi amubike buboni bwanu kwiculu nkweshi bukabule kuceya mukwiinga taaku beepi beenga bashikaako atubambala tatukoonshi kubunyonyoola.

Kulumbaisha 16:11

Mwebo mwakanshibisha nshila shitola kubuumi, alimwi ceebo mwebo muli anebo, ndasangalala abuumbi, ncakwiila kusangalala kutamaani muliimfwa lyanu.

Bene Ebulu 1:3

Muli nguwe mulaboneka kumweka kwa bulemu bwakwe Lesa alimwi ncecikoshanyo ciine ca bube bucite Lesa. Ngoolengesha shintu shoonse mucishi ca panshi kuba bweenka mboshibete kwiinda mumaswi akwe a nkusu. Ndyaakamana kulengesha Lesa kulekelela shibiibi sha bantu, wakaya kwiculu mukwikala kululyo lwakwe Lesa Shinkusu shiindaawo.

Luka 22:69

Sombi kuswa sunu MwanaaMuntu unanooshiite kulubasu lwalulyo lwakwe Lesa Shinkusu shoonse.”

Bene Kolose 2:20

Mwebo mwakafwa pantu pomwi aKlistu, aboobo tamubeteko lubasu kushintu sha kwishibila kwa mucishi ca panshi. Ceebonshi mucicita anga mbantu bacite buumi bwa mucishi? Ceebonshi mulakonkela milawo yakwaamba ayi,

Bene Ebulu 8:1

Makani eene eene ngakwaamba ayi tulicite Mupailishi Munene wa mbuli wooyu, uyo ushiite kululyo lwa cuuna ca bwaami cakwe Lesa Wiindaawo kwiculu.

Bene Loma 8:34

Sa kuli weenga wakonsha kubapa mulandu? Taaku nabibo womwi. Ndushinisho nabibo Klistu Jesu, uyo wakafwa akubushikwa kuswa kubafu, uli kululyo lwakwe Lesa alimwi utootwaambililaako kuli nguwe, taakoonshi.

Bene Ebulu 10:12

Sombi Klistu lakwe wakalibengabo linkanda lyomwi ayi abe mulambu wakukusha shibiibi. Mulambu uyu ulicite nkusu lyoonse. Ndyaakamana kulibenga, wakaya mukwikala kululyo lwakwe Lesa.

Mateyo 26:64

Jesu wakamukumbula ayi, “Mwacaamba nobeene. Sombi ntoomwaambila noonse ayi, kuswa cecino ciindi mulaakubona MwanaaMuntu kaashiite kulyaansa lyalulyo lwa baIshi, Beshinkusu shoonse. Mulaakumubona keesa mumakumbi a kwiculu.”

Bene Efeso 4:10

Uyo wakesa panshi ngowooyo wakaya kwiculu lya maculu kwaamba ayi anoocanika koonse koonse.

Maako 14:62

Jesu wakakumbula ayi, “Ee, ndime, alimwi noonse mulaakubona MwanaaMuntu kaashite kulyaansa lyalulyo lya baIshi Beshinkusu shoonse. Mulaakumubona keesa mumakumbi a kwiculu.”

Bene Ebulu 1:13

Alimwi Lesa taakwe kwaambilawo kale munjelo wakwe nabi womwi ayi, “Kala kulyaansa lyangu lyalulyo, kushikila nkaalule balwani bako kwaamba ayi babe mpopakulyata myeendo yako.”

Milimo ya Batumwi 2:34

Nakubi kwaamba ayi Defedi taakwe kuya kwiculu, sombi wakaamba ayi, ‘Mwaami Lesa wakaambila Mwaami wangu ayi, Kala kululyo lwangu

Luka 20:42

Mukwiinga Defedi mwiine mulibuku lya Kulumbaisha wakaamba ayi, ‘Mwaami Lesa wakaambila Mwaami wangu ayi, Kala kulyaansa lyangu lyalulyo,

Maako 16:19

Mwaami Jesu ndyaakamana kwaambaabo, wakatolwa kwiculu akuya mukwikala kululyo lwakwe Lesa.

Maako 12:36

Defedi mwiine ndyaakatanjililwa aMushimu Usalashi wakaamba ayi, ‘Mwaami Lesa wakaambila Mwaami wangu ayi, kala kulyaansa lyangu lyalulyo, kushikila nkaalule balwani bako kwaamba ayi babe mpopakulyata myeendo yako.’

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.

Milimo ya Batumwi 7:55

Sombi Sitifini ndyaakesushikwa Mushimu Usalashi, wakalanga kwiculu akubona bulemu bwakwe Lesa alimwi aJesu kaaimfwi kululyo lwakwe Lesa.

Mateyo 22:44

‘Mwaami Lesa wakaambila Mwaami wangu ayi, Kala kulyaansa lyangu lyalulyo, kushikila nkaalule balwani bako kwaamba ayi babe mpopakulyata myeendo yako.’

Tushimpi 15:24

Musongo uleenda munshila ya buumi itola kwiculu, kumukasha kweenda munshila iya panshi pamusena wa bafu.

Kulumbaisha 110:1

Mwaami, Lesa wakaambila mwaami wangu ayi, “Kala kulyaansa lyangu lyalulyo kushikila nkaalule balwani bako kwaamba ayi babe mpopakulyata myeendo yako.”

Shikushimikila 10:2

Moyo wa musongo ulakakatila kushiluleme, sombi moyo wa muluya ulakakatila kububi.

Bene Efeso 5:22

Mwebo nobanakashi, mulyeelete kunoonyumfwila bameebaanu bweenka mbuli mbomunyumfwila Mwaami Jesu.