Bene Kolose 1:6 - Baibo Busansulushi Bwa Libuku Ili

⁶ Makani Abotu atooletela bantu shoolwe alimwi baanji batokwaatambula mucishi ca panshi coonse, bweenka mbwaakacita pali ndimwe, kuswa bushiku ubo ndimwakaanyumfwishisha akwishiba luse lwakwe Lesa mbolubete.

Bene Kolose 1:6 교차 참조

Joni 15:16

Teshi ndimwe mwakansala, sobwe. Sombi ndime ndakamusala kwaamba ayi mukacate shisepo isho shitaloobi. Lyalo baTa balaakumupa cili coonse nceshi mukasenge muliina lyangu.

Bene Filipi 1:11

Buumi bwanu bulaakutondesha micito ya bululami, iyo iswabo kuli Jesu Klistu, kwaamba ayi boonse balemeke akulumbaisha Lesa.

1 Pita 5:12

Nkalata ifwaafwi iyi, nguSailasi wanembelaako, uyo mukwabesu ushomeka. Ndisuni kwaamba ayi muyumyeyumye akumulwiitilisha ayi ulu ndoluse lwakwe Lesa lwiine lwiine. Lyoonse kamushoma muluse ulo.

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.

Bene Loma 16:26

Sombi bulya shakalemba balaluki bakulukulu shalengesha kwaamba ayi bantu beshibe lushinisho. Aboobo Lesa utafwi wakashomesha ayi mishobo yoonse ya bantu ilyeelete kwishiba lushinisho ulo ayi boonse bashome akukonkela Lesa.

Bene Loma 1:13

Nobamakwesu, ndisuni kwaamba ayi mwishibe ayi aba mankanda aanji kaanjeya kwisa mukumubona, sombi cakaala. Ndisuni kwaamba ayi bantu bakashome muli Jesu mbuli mbondakacita pabaswamashi bakunsengwe bamwi.

Joni 4:23

Nakubi boobo ciindi cilaakushika alimwi cashika kale, abo beshikulambila baTa ndyeshi bakabalambile mumushimu amulushinisho mukwiinga bamushobo uyo mbobaabo baTa mbobasuni ayi kababalambila.

Maako 16:15

Lyalo wakabaambila ayi, “Kamuya mucishi coonse, mukashimikile Makani Abotu kubantu boonse.

Maako 4:8

Sombi mbuto shimwi shakalokela pabulongo bubotu, shakamena, shakula alimwi akucata shakacata. Shimwi shakacata nseke makumi otatwe, shimwi makumi osanwe alyomwi, ashimwi mwaanda.”

Mateyo 24:14

Lyalo Makani Abotu aya aamba shaBweene bwa kwiculu, alaakushimikilwa mucishi coonse kwaamba ayi akabe mbobukamboni kubantu boonse. Kuswawaawo, cishi ndyeshi cikamaane.

Kulumbaisha 98:3

Wakalama cipangano cakwe kubene Isilaeli. Wakashomeka akutondesha lusuno lwakwe lutamaani kuli mbabo. Lupulusho lwakwe Lesa wesu, bantu boonse mucishi coonse balubona.

2 Bene Tesalonika 2:13

Swebo tulyeelete kulumba Lesa lyoonse ceebo canu nobamakwesu, nomusunikwi kuMwaami Lesa mukwiinga Lesa wakamusala kuswa kumatalikilo kwaamba ayi mupulushikwe. Lesa wakamulengesha kuba bantu bakwe kwiinda mumulimo wa Mushimu Usalashi alimwi alushomo lwanu mushalushinisho.

1 Bene Tesalonika 2:13

Ono tulalumba Lesa cakutaboola pesule ceebo ndimwakatambula maswi akwe Lesa ayo ngomwakanyumfwa kuli ndiswe, tamukwe kwaatambula anga aswa kumuntu, sombi bweenka mbwaabete, ncakwiila ayi ngakwe Lesa. Ndushinisho, Maswi akwe Lesa aliciteeko kusandula buumi bwanu mwebo nobashomi.

1 Bene Tesalonika 1:5

Ceebo twakamuletela Makani Abotu, cakutasebensesha maswibo, sombi ankusu sha Mushimu Usalashi alimwi cakutatonsha lushinisho lwa ngawo. Mulishi mbotwakalinga kucita nditwakalinga amwebo. Shoonse ishi ninshila shakumucafwilaamo.

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

Bene Filipi 4:17

Teshi kwaamba ayi ndisuni kunootambulabo shipo, sombi ayi mpindu yanu ikomeneneeko.

Bene Efeso 5:9

Mukwiinga mumuni uyu ngoolengesha bantu kwaamba ayi bacite shintu shoonse shibotu, shiluleme alimwi ashalushinisho.

Bene Efeso 4:23

Miyeeyo alimwi amyoyo yanu ilyeelete kuba ipya.

Bene Efeso 4:21

Ndushinisho mwebo mwakanyumfwa shapali nguwe alimwi mukwiinga mulashoma muli nguwe, mwakeeishikwa shalushinisho isho shili muli Jesu.

2 Bene Kolinto 10:14

Ceebo cakwaamba ayi muli mumanyinsa ayo, tatukwe kwaindilila nditwakesa kuli ndimwe akumushimikila Makani Abotu apali Klistu.

2 Bene Kolinto 6:1

Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.

Bene Loma 15:19

mushaankamiko ashitondesho sha nkusu sha kwiculu alimwi amunkusu sha Mushimu Usalashi. Aboobo ndakashimikila Makani Abotu aamba pali Klistu kuli koonse nkondakaya, kutalikila kuJelusalemu alimwi ashishi shishingulukite kushikila akucishi ca Ililikamu.

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Milimo ya Batumwi 16:14

Pakati kabo pakalinga umwi mwanakashi wiitwa ayi Lidiya uswa kundabala ya Tiyatila. Wakalinga shimakwebo wa shisani shifubelafubela shamakwebo alimwi mwanakashi uyu wakalinga kulambila Lesa. Lyalo Lesa wakamucalula kalango ayi anyumfwishe nshakalinga kwaamba Paulo.

Milimo ya Batumwi 12:24

Paciindi ici, bantu baanji baanji bakanyumfwa maswi akwe Lesa akwaashoma.

Milimo ya Batumwi 11:18

Ono ndibakanyumfwa makani aya, bakacileka kumutongooka. Mpeeke bakatalika kulumbaisha Lesa, kabaamba ayi, “Anu Lesa wapa abaswamashi bakunsengwe coolwe cakusanduka kuswa kushibiibi shabo kwaamba ayi babe abuumi!”

Mateyo 28:19

Paceebo ceeco, kamuya mukanokwiisha bantu bamishobo yoonse, mukababombeke muliina lya baTa, alya Mwaana alimwi alya Mushimu Usalashi.

Kulumbaisha 110:3

Bashilumamba bako balaakulyaaba amyoyo yoonse pabushiku bwa nkondo. Bacikula bwangu balaakwisa kuli ndiwe macuunsacuunsa bweenka mbuli mume patulundu tusalalite.

Bene Efeso 3:2

Ncakwiila mwakanyumfwa ayi Lesa wakampa mulimo wa butumwi kwiinda muluse lwakwe kwaamba ayi ncafwe ndimwe.

Bene Loma 15:28

Ndaakumanisha mulimo uyu wakubatolela shipo shoonse ishi, ndaakunyamuka kuya kuSipeeni, lyalo ndaakwiimikana nkamuboneewo.

Joni 17:19

Ceebo ca mbabo ndalibenga kuli ndimwe kwaamba ayi abalo balibeenge calushinisho kuli ndime.