Bene Kolose 1:5 - Baibo Busansulushi Bwa Libuku Ili

⁵ Ono makani ancinencine, nkokwaamba ayi Makani Abotu, ndyaakashimikilwa kuli ndimwe pakutaanguna, mwakanyumfwa shakulangila shiliimo. Aboobo mulicite lushomo alimwi alusuno ceebo ca sheesho nshemutoolangila, isho Lesa nshaakamubambila kabotu kwiculu.

Bene Kolose 1:5 교차 참조

Bene Efeso 1:13

Amwebo mwakaba bantu bakwe Lesa ndimwakanyumfwa makani aamba shancinencine, ngoMakani Abotu ayo akamuletela lupulusho. Mwakashoma Klistu, paceebo ceeco, Lesa wakamupa keshibilo kakwaamba ayi muli bantu bakwe pakumupa Mushimu Usalashi uyo ngwaakashomesha.

2 Timoti 4:8

Bulya mushini wa bululami utoonindilila uyo Mwaami Lesa, moomboloshi ululeme, ngweshi akampe pabushiku ubo. Nakubi boobo teshi ukapekwebo ndime, sombi abaabo boonse balindila kwisa kwakwe mulusuno.

Taitasi 1:2

Lushinisho ulu luliimfwi pakulangila buumi butamaani ubo Lesa utabeci mbwaakatushomesha kale kale.

Bene Kolose 1:27

Lakwe wakasuna kwaamba ayi baswamashi bakunsengwe boonse beshibe maswi ayo ancinencine. Ngamaswi abotu abuumbi, abubile bwa bulemu bwakwe ayo akalinga kushisitwe kubantu boonse. Maswi aya ngakwaamba ayi Klistu uli muli ndimwe alimwi ngoomupa kulangila kwa kutambula bulemu bwakwe Lesa.

1 Pita 2:2

Ono mbuli bakateta mbobalilila mukupa, muyandishishe mukupa wiine wiine wa mushimu, kwaamba ayi kwiinda mukuunwa mukomene akupuluka,

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.

1 Bene Kolinto 15:19

Sombi na kulangila kwesu muli Klistu kulacatikishabo buumi bwa panshi pano, ingayi swebo tulanyumfwisha nkumbu kwiinda bantu boonse mucishi ca panshi.

Bene Ebulu 7:19

Mukwiinga Milawo yakwe Mose taikwe kululika muntu nabi womwi. Sombi bulya tulicite kulangila kwiindaawo kubota uko kutusenya kufwaafwi aLesa.

1 Bene Tesalonika 2:13

Ono tulalumba Lesa cakutaboola pesule ceebo ndimwakatambula maswi akwe Lesa ayo ngomwakanyumfwa kuli ndiswe, tamukwe kwaatambula anga aswa kumuntu, sombi bweenka mbwaabete, ncakwiila ayi ngakwe Lesa. Ndushinisho, Maswi akwe Lesa aliciteeko kusandula buumi bwanu mwebo nobashomi.

1 Joni 3:3

Uyo woonse ucite lushomo akulangila muli Klistu ulalisalasha mwiine bweenka mbuli Klistu mbwaasalalite.

Bene Galatiya 5:5

Sombi kwiinda muMushimu Usalashi usebensa mulushomo lwesu, swebo tutoolangila kwaamba ayi Lesa ulaakutululamika.

2 Bene Kolinto 5:19

Tutooshimikila ayi, kwiinda muli Klistu, Lesa utoolengesha bantu boonse kuboosha bushicibusa anguwe. Shibiibi shabo ulabalekelela akushilubaako. Watupa makani akwaamba ayi ulisuni bantu boonse kuba beshicibusa bakwe.

Milimo ya Batumwi 23:6

Paulo ndyaakabona ayi bamwi umo bakalinga baSaduki, abalo bamwi kabali baFalisi, wakaamba aliswi lya peculu ayi, “Nobamakwesu, nebo ndi muFalisi alimwi ndi mwanaamuFalisi. Ntokoomboloshekwa ceebo cakulangila nkooncite ayi bafu balaakubushikwa!”

1 Pita 3:15

Sombi mumyoyo yanu kamulemeka Klistu mukwiinga ngoMwaami wanu. Munoolibambite lyoonse kusansulwita muntu uli woonse weenga wamwiipusha pakulangila nkomucite, sombi kamusansulula cakulibombya alimwi akumulemeka.

1 Bene Kolinto 13:13

Ono pali shintu shotatwe sheshi shikabule kumana. Ishi ndushomo, lulangilo alimwi alusuno. Nakubi boobo pasheeshi, cinene ndusuno.

Milimo ya Batumwi 24:15

Ntoolangila muli Lesa, bweenka mbuli mbobalangila aba, ayi bantu boonse bali kabotu abatabete kabotu pameenso akwe Lesa, balaakubuka kuswa kubafu.

Kulumbaisha 31:19

Nshiinji shintu shibotu nshemwakabambila bamulemeka, shintu nshemucitila bantu bacicila kuli ndimwe. Shintu isho shilibwenekete kumuntu uli woonse.

1 Timoti 1:15

Ono makani alushinisho alimwi eelete kutambulwa cakumaninina akushomwa ngakwaamba ayi, “Klistu Jesu wakesa mukupulusha bamucita shibi.” Ono nebo ndeendaawo kubica.

2 Bene Tesalonika 2:16

Ono Mwaami wesu Jesu Klistu aLesa Ishiwesu uyo wakatusuna, kutuyumyayumya mumyoyo akutupa kulangila kutamaani kwiinda muluse lwakwe,

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

Bene Loma 10:8

Malembo alaamba ayi, “Maswi akwe Lesa ali pafwaafwi amwebo, ali mumilomo amyoyo yanu.” Nkokwaamba ayi maswi akwe Lesa aamba shalushomo ngotushimikila.

Milimo ya Batumwi 10:36

Mwebo mulishi makani ayo Lesa ngaakatuma kubene Isilaeli, akushimikila Makani Abotu aluumuno muli Jesu Klistu, Mwaami wa bantu boonse.

Luka 12:33

Amuulishe buboni mbomucite, maali mupe bapengete. Amulilangweete mpotomona shitabooli alimwi amubike buboni bwanu kwiculu nkweshi bukabule kuceya mukwiinga taaku beepi beenga bashikaako atubambala tatukoonshi kubunyonyoola.

Milimo ya Batumwi 13:26

“Mwebo nobamakwesu, nobamulunyungu lwakwe Abulaamu, alimwi abaswamashi bakunsengwe boonse balambila Lesa ndiswe twatuminwa makani aya alupulusho kuswa kuli Lesa!

2 Bene Kolinto 6:7

mumaswi alushinisho alimwi amunkusu shakwe Lesa. Tulasebensesha shakulwanisha sha bululami mumaansa oonse obilo lyalulyo alyacipiko.

Bene Galatiya 2:5

Sombi tatukwe kubashiilawo musena napaceyi ceebo twakalinga kusuni kwaamba ayi tumusungile lushinisho lwa Makani Abotu.

Bene Galatiya 2:14

Ono ndindakabona ayi tabatookala kweelana alushinisho lwa Makani Abotu, ndakaambila Pita pameenso abantu boonse ayi, “Webo uli muJuda, sombi walinga kwikala anga ngumuswamashi wakunsengwe. Ino inga wakakatisha buyani baswamashi bakunsengwe kwikala anga mbaJuda?”

Bene Efeso 4:21

Ndushinisho mwebo mwakanyumfwa shapali nguwe alimwi mukwiinga mulashoma muli nguwe, mwakeeishikwa shalushinisho isho shili muli Jesu.

2 Pita 1:12

Aboobo teshi nkacilekeewo kumwiibalusha makani aya lyoonse nakubi kwaamba ayi mulyeeshi kale alimwi ayi mulashoma amoyo woonse mulushinisho ndomwakatambula.