Bene Kolose 1:12 - Baibo Busansulushi Bwa Libuku Ili

¹² mulyeelete kunoolumba Lesa Ishiwesu uyo wakamulengesha ayi mube bantu beelete kutambula shipo isho nshaasungila bantu bakwe, muBweene bwakwe busalalite.

Bene Kolose 1:12 교차 참조

Milimo ya Batumwi 20:32

“Cakweelaako, ndamubika mumaansaakwe Lesa alimwi amakani aamba paluse lwakwe kwaamba ayi amulaame akumuyumya ayi mukatambule shoolwe isho Lesa nshaasungila bantu bakwe boonse.

Bene Efeso 1:11

Shoonse shintu shilacitwa kweelana amiyeeyo yakabamba Lesa alimwi akuyanda kwakwe. Aboobo Lesa wakatusala ayi tube bantu bakwe muli Klistu, nkokwaamba ayi ncaakatusalila kweelana ambwaakabamba kuswa kumatalikilo.

Bene Efeso 1:18

Ndaseenga kwaamba ayi munyumfwe shalushinisho isho shiswa kuli nguwe, kwaamba ayi mwishibe sheesho nshaakamwiitila, akwishiba kubota kwa shoolwe shabulemu Lesa nshaakashomesha bantu bakwe.

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Bene Efeso 3:6

Cabushishi ici ncakwaamba ayi, kwiinda muMakani Abotu, baswamashi bakunsengwe bakatambula shoolwe sheenka baJuda nshebakatambula. Boonse baba shipansha sha mubili womwi. Aboobo Kwiinda muli Klistu Jesu, balatambula sheesho shakashomesha Lesa.

2 Bene Kolinto 5:5

Lesa ngowakacibamba boobo alimwi wakatupa Mushimu Usalashi ayi ube anga ncecisumina mulandu kwaamba ayi tulaakutambula shoonse isho nshaakatubambila.

Bene Loma 8:17

Ono mbotuli bana bakwe Lesa tulaakuba acoolwe kwiinda mukutambula shintu nshaabambila bantu bakwe. Peculu lya waawo tulaakupekwa pantu pomwi aKlistu isho nshaamubambila Lesa. Ono na twapenshekwa mbuli mbwaakapenshekwa Klistu, swebo tulaakutambula bulemu bweenka mbwaacite.

Bene Ebulu 3:14

Mukwiinga soonse tulasebensela pantu pomwi aKlistu kulilabo na twatolelela mulushomo ndotwakatalikaalo kushikila akumeelelesho a buumi bwesu.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Ciyubululo 21:23

Mundabala inene momunya umo tamuyandiki lisuba nabi mweenshi kwaamba ayi shimunikileemo ceebo bulemu bwakwe Lesa mbobumunikaamo alimwi Mwanaambelele njelampi ya mumo.

Bene Ebulu 12:23

Mwesa kulibungano lyakusangalala lya baana basankwa bakwiiya bakwe Lesa, abo bacite meena alembetwe kwiculu. Mwebo mwesa kuli Lesa, moomboloshi wa bantu boonse, kumyuuya ya bantu baluleme abo bakasalashikwa cancinencine.

Bene Kolose 2:2

Ndisuni kwaamba ayi shintu ishi shibayuumye alimwi akubacatanya pantu pomwi mulusuno kwaamba ayi kwiinda mulushibo lumaninite beshibishe kabotu muli Lesa. Munshila iyi ndyeenga beshiba makani akwe Lesa akalinga kushisitwe kubantu, ngoKlistu mwiine.

Bene Efeso 5:20

Kamulumba Lesa Ishiwesu muliina lya Mwaami wesu Jesu Klistu ceebo ca shintu shoonse.

1 Bene Kolinto 8:6

Sombi swebo tulicitebo Lesa womwi, Ishiwesu wakalenga shintu shoonse alimwi ngowooyo ngotushiitile. Ncakwiila tulicitebo Mwaami womwi, Jesu Klistu. Lesa wakalenga shintu shoonse kwiinda muli nguwe alimwi tuli boomi ceebo ca Mwaami uyu.

Bene Loma 15:27

Beene mbobakayeeya kucita boobo. Nakubi boobo balyeelete kucafwa bakandu. BaJuda bakabaana shoolwe sha Mushimu abaswamashi bakunsengwe. Paceebo ceeco baswamashi bakunsengwe balyeelete kucafwa baJuda, kwiinda mukubapa shintu shiyandika mubuumi bwabo.

Tushimpi 16:1

Miyeeyo yoonse ilaswa mumoyo wa muntu, sombi Mwaami Lesa ngoopa mulaka maswi akukumbula.

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Jemusi 3:9

Mulaka usebenseshekwa kulumbaisha Lesa, ngowomwi weenka ngotushinganishishaako bantu abo bakalengwa mucikoshanyo cakwe Lesa.

Bene Ebulu 3:1

Nobamakwesu, nomwakeetwa kuli Lesa kwaamba ayi mube abuumi bwa kwiculu. Amuyeeye Jesu, Mutumwi alimwi Mupailishi Munene wa lushomo ndotushimikila.

Bene Kolose 3:17

Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.

Bene Kolose 3:15

Luumuno Klistu ndwaapa, alweendeleshe myoyo yanu. Lesa wakamwiita kwaamba ayi mube aluumuno ndomunya ulu mukwiinga muli shipansha sha mubili womwi. Amube amyoyo yakulumba.

Bene Efeso 5:4

Tamweelete kwaamba shintu shilensha nsoni, shabuluya nabi shiteelete, sombi kamwaambabo makani akulumba Lesa.

Bene Efeso 4:6

Peculu lya waawo kuli Lesa womwi, Ishiwabo boonse bantu. Lakwe uleenda paboonse, ulasebensa muboonse alimwi uli mubantu boonse.

1 Bene Kolinto 9:23

Shoonse ishi ndashicita ceebo ca Makani Abotu kwaamba ayi nebo pantu pomwi ambabo tukatambule shoolwe sha ngawo.

Bene Loma 11:17

Misampi imwi ya cisamu ca olifi cakushanga yakatyoka, lyalo Lesa wakalengesha ayi pasonse musampi wa cisamu ca olifi ca muluundu. Mwebo nobaswamashi bakunsengwe muli anga ncisamu ca olifi ca muluundu. Aboobo mulatambula nkusu kuswa kumiyanda ya cisamu ca olifi cakushanga, nkokwaamba ayi kuswa kubene Isilaeli.

Bene Loma 9:23

Wakacita boobo kwaamba ayi ayubulule bulemu bwakwe bwancinencine kuli ndiswe, sotwakanyumfwilwa nkumbu akubambilwa limwi ayi tukatambuleko bulemu ubu.

Joni 20:17

Jesu wakamwaambila ayi, “Utancatilili ceebo nshina kuya kuli baTa. Sombi koya ukaambile bashikwiiya bangu ayi, ‘Ntooya kuli baTa alimwi mbobaishiwanu amwebo, nguLesa wangu amwebo nguLesa wanu.’ ”

Joni 4:23

Nakubi boobo ciindi cilaakushika alimwi cashika kale, abo beshikulambila baTa ndyeshi bakabalambile mumushimu amulushinisho mukwiinga bamushobo uyo mbobaabo baTa mbobasuni ayi kababalambila.

Mateyo 25:34

Lyalo Mwaami ulaakwaambila baabo beshi bakabe kululyo lwakwe ayi, ‘Amwise kuno, mwebo nomwakapekwa coolwe kuli baTa. Amwinjile muBweene ubo mbomwakabambilwa kuswa kumatalikilo a cishi.

Danyelo 2:23

NobaLesa ba bamashali bangu bakulukulu, ndamulumba akumulumbaisha. Mwebo mwampa busongo alimwi ankusu. Mwambonesha cintu ico ncetwamusenga. Ncakwiila mwatubonesha ciloto ca mwaami.”

Kulumbaisha 116:7

Omoyo wangu kala panshi akootobala, ceebo Mwaami Lesa ulancitila shibotu.

Kulumbaisha 97:11

Mumuni ulamunikila pabantu baluleme. Kusangalala kulapekwa kubasalalite mumyoyo.

Kulumbaisha 79:13

Lyalo swebo sobana banu sombelele sha mulitanga lyanu tunanoomulumba lyoonsebo. Kuswa kulishalane tibili akulishalane limwi tunanoomulumbaisha lyoonse alyoonse.

Kulumbaisha 36:9

Ee, mwebo muli kantupu kapa buumi, alimwi ceebo ca mumuni wanu tulakonsha kubona mumuni.

1 Makani 29:20

Kuswawaawo Defedi wakaambila bantu boonse ayi, “Amulumbaishe Mwaami Lesa, Lesa wanu!” Mpomunyaawo bantu boonse bakalumbaisha Mwaami Lesa, Lesa wa bamashali babo bakulukulu akufukama cakushisha shiwa panshi kunembo lya Mwaami Lesa alimwi amwaami wabo Defedi.

1 Baami 6:7

Mabwe ayo ngobakalinga kuyakisha taakalinga kubeselwa mpobakalinga kuyakila Ŋanda yakwe Lesa, sombi bakalinga kwaabesela kooko nkwaakalinga kuswa. Aboobo uko kwakalinga kuyakilwa Ŋanda yakwe Lesa tekwakalinga kubaawo coongo ca nsando, tweembe nabi cisebensesho cimwi, sobwe.

Ciyubululo 22:14

Balicite coolwe abo bacapa shakufwala shabo kwaamba ayi bakasuminishikwe kulya shisepo sha kucisamu cipa buumi alimwi akwinjila mundabala inene iyo.

Ciyubululo 22:5

Teshi kukanooshiyaawo. Bantu teshi bakanooyanda malampi nabi mumuni wa lisuba mukwiinga Mwaami Lesa ngweshi akabe mumuni wabo alimwi abalo balaakunokweendelesha lyoonse alyoonse.

1 Joni 1:3

Ico ncetwakabona akunyumfwa ncetutoomushimikila kwaamba ayi mwebo alimwi aswebo tusenkane mubwanabwankashi bwakwe Lesa alimwi aMwanaakwe Jesu Klistu.

1 Pita 5:1

Ono ntoolwiita bamatanjililima ba coonde pakati kanu. Ndakabona ambuli Klistu mbwaakapenshekwa alimwi ntoolindila kutambulaako bulemu bwakwe Klistu bweshi bukayubululwe.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

2 Bene Kolinto 11:14

Anu tacikankamanishi mukwiinga alakwe Satana ulalisandula kuboneka anga ngumunjelo wa mumuni.

Bene Efeso 2:18

Mukwiinga kwiinda muli Klistu swebo soonse, baJuda abaswamashi bakunsengwe, tulakonsha kushika pameenso akwe Ishiwesu muMushimu womwi.

Bene Efeso 5:8

Kale kale mwebo mwakalinga mumunshinshe, sombi bulya muli mumumuni mukwiinga mwakaba bantu ba Mwaami. Aboobo mulyeelete kwikala anga mbantu bekala mumumuni.

Bene Efeso 5:11

Mutabiko lubasu kushintu shitacite ncito sha mumunshinshe isho shicita bantu bamwi. Sombi mwebo mulyeelete kushileta kumumuni.