5 Amutondeshe buumi bwakulibombya kubantu boonse ceebo Mwaami Jesu uli pafwaafwi kwisa.
“Paceebo ceeco, ntoomwaambila ayi mutalisukami mubuumi bwanu, ayi na ndaakulyanshi nabi kunwa nabi ayi nkafwalenshi? Sa buumi tabuyandiki kwiinda cakulya, awalo mubili sa tauyandiki kwiinda shakufwala?
Ubalwiite ayi batanokwaambila muntu shibiibi nabi womwi, sombi kuba beshiluumuno, beshikulibombya alimwi bacite bulemu kumuntu woonse.
Kweelana abwaamba Malembo akwe Lesa ayi, “Kwacaalabo ciindi ciniinibo kwaamba ayi uyo weelete kwisa ashike, teshi acelweewo, tau.
Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.
Ono caboneka kale kwaamba ayi mwaalilwa ceebo mulayanda kutola milandu yanu kunkuta sha bakunsengwe. Sa tacibete cibotu kwaamba ayi mwebo bantu bamubishishe? Ceebonshi tamulekibo bantu abo bamupambila shintu?
Anu tutacileeki kwishibila kwesu kwakubungana pantu pomwi, mbuli butoocita bamwi. Sombi twiindilisheewo kuyuminishanya, mukwiinga twaboona ayi Bushiku bwakwisa kwa Mwaami Jesu bwasenena.
Jesu utokwaamba ayi, “Amubone, ntoofwambaana kuboola! Balicite coolwe abo bakonkela maswi abulaluki ali mulibuku ili.”
Aboobo, na cakulya calengesha mukwesu muli Klistu kubisha, teshi nkalyewo nyama alimwi kwaamba ayi ntakabishishi mukwesu uyo.
Paceebo ceeco, mutanoolisukama asha ciilo mukwiinga sha ciilo nsha ciilo. Anu bushiku boonse bulicite mapensho a mbubo.
Uyo woonse usumina makani aya oonse ulaamba ayi, “Ee ncalushinisho! Ntoofwambaana kwisa!” Acibe boobo. Kosa oMwaami Jesu!
Balaluki abo bakeelesha kwishiba ciindi ndyeshi cikacitike ambweshi cikacitike. Mushimu wakwe Klistu wakalinga mubalaluki abo, wakalinga kwaambilabo limwi ayi Klistu ulaakupenshekwa, sombi aakumana kupenshekwa ulakupekwa bulemu.
Ono umwi aumwi usuni kuba mushisekano ulalitibuka mushintu shoonse kwaamba ayi akatambule mushini uyo utekaali aciindi cilaamfu. Sombi swebo tulacita boobo kwaamba ayi tukatambule mushini utamaani.
mutanyonyonganishikwi mumiyeeyo alimwi mutapenshekwi amyoyo pacikani cakwaamba ayi, “Bushiku bwa Mwaami bwashika.” Tacicite mulandu nabi kwaamba ayi maswi aya aswa mubulaluki, nabi ayi akaswa kuli ndiswe nabi munkalata njetwakalemba.
“Amucenjele kwaamba ayi mutabi bantu basunibo kulya mumibala, bacakolwa alimwi balisukamabo shintu sha buumi bwa panshi pano mukwiinga inga bushiku bulya bwamucana kamutalibambite.
Na kuli muntu utasuni Mwaami Jesu, aashinganishikwe! Malanata! Nkokwaamba ayi, “NoBaami besu, kamwisa!”
Nebo nePaulo, ntooyanda kumusenga ono. Bantu balaamba ayi na kaandi amwebo ndalibombya, sombi na nkaantabete amwebo ndamukalalila. Kwiinda mukulibombya ankuumbu shakwe Klistu ntoomusenga ayi
