Bene Filipi 3:9 - Baibo Busansulushi Bwa Libuku Ili

⁹ alimwi akucanika muli nguwe. Nshiliyeeyeli kwaamba ayi ndiluleme kwiinda mukukonkela Milawo, sombi bululami bwangu bulacanika kwiinda mukushoma Klistu. Bululami ubu buswa kuli Lesa bulapekwa kwiinda mulushomo.

Bene Filipi 3:9 교차 참조

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

1 Bene Kolinto 1:30

Lesa ngowakalengesha ayi tube muli Klistu Jesu ayi lakwe abe busongo bwesu. Wakatululamika pameenso akwe Lesa, watusalasha akutwaangulula.

Bene Galatiya 2:16

Nakubi boobo swebo tulishi kwaamba ayi muntu inga taalulami pameenso akwe Lesa kwiinda mukukonkela Milawo, sombi kwiinda mukushoma muli Jesu Klistu. Aswebo twakashoma muli Jesu Klistu kwaamba ayi tululamikwe pameenso akwe Lesa, kuteshi mukukonkela Milawo. Taaku eshi akalulamikwe kwiinda mukukonkela Milawo.

Bene Loma 8:1

Ono abo bashoma muli Jesu Klistu, Lesa taabapi mulandu.

Bene Loma 1:17

Mukwiinga Makani Abotu aya alasansulula Lesa mbwaalulamika muntu pameenso akwe. Kululamikwa uko kulacitika kulilabo na muntu washoma kuswa kumatalikilo kushikila akumeelelesho. Kweelana abwaamba Malembo akwe Lesa ayi, “Uyo ululamikwa ceebo cakushoma, ulaakuba abuumi.”

Isaya 53:11

Pesule lyakumana kupenga kwakwe uko, mpindu ya buumi ulaakwiibona akukondwa. Musebenshi wangu uyo ulaakulengesha baanji kululama kwiinda mulushibo ndwaacite alimwi ulaakubwesa shibiibi shabo.

Jelemiya 33:16

Munshiku sha bweendeleshi bwakwe bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’

Taitasi 3:5

wakatupulusha. Taakwe kucita boobo mukwiinga twakacita shintu shibotu, sombi ceebo ca nkumbu shakwe. Wakatupulusha kwiinda mukusanshikwa kwa kushalwa cipya alimwi abuumi bupya muMushimu Usalashi.

2 Timoti 1:9

Wakatupulusha akutwiita ayi tube bantu bakwe basalalite, kuteshi ceebo ca ceeco ncetwakacita, sombi kwiinda mukuyanda kwakwe mwiine alimwi aluse lwakwe. Luse ulo wakabaalo pali ndiswe kwiinda muli Klistu Jesu ciindi kacitana kutalika.

2 Bene Kolinto 5:17

Aboobo na muntu waba muli Klistu ulaba abuumi bupya. Shikulukulu shamana, nkokwaamba ayi shoonse shaba shipya.

Bene Filipi 3:6

Ndakalinga shilunkutwe mukupensha coonde. Kwaamba shabululami buswa mukukonkela Milawo yeenka, ndakaboneka anga ngumuntu utacite shibiibi.

Bene Loma 10:10

Ceebo ulashoma amoyo wako kwaamba ayi ululamikwe alimwi ulalyaambilila amulomo wako kwaamba ayi upulushikwe.

Bene Loma 8:3

Isho Milawo nsheyakaalilwa kucita ceebo buumi bwa buntu bwakeemana nkusu, Lesa wakashicita. Wakacita boobo kwiinda mukutuma Mwanaakwe, uyo wakesa mucishi ca panshi mubuntu bweenka mbuli ndiswe kwaamba ayi akome bubi.

Jelemiya 23:6

Munshiku sha bweendeleshi bwakwe, bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’ ”

Shikushimikila 7:20

Taaku muntu ululeme pacishi ca panshi uyo ucita shintu shiluleme, kutabishaawo napaceyi.

Mateyo 9:13

Amuye mukeeye maswi akwe Lesa alya akwaamba ayi, ‘Ndisunishi nkumbu, kuteshi milambu.’ Nshikwe kwisa mukwiita baluleme, sombi bamucita shibi.”

Isaya 53:6

Ono swebo soonse twasoweka mbuli mbelele, ncakwiila womwi awomwi watola nshila yakwe. Sombi Mwaami Lesa watubweselaako shibiibi shesu swebo soonse.

Kulumbaisha 143:2

Mutaŋomboloshi nemusebenshi wanu ceebo taaku muntu muumi ululeme pameenso anu.

Kulumbaisha 19:12

Taaku ukonsha kubona shilubo shakwe shoonse. Anu amundekelele nkambo kushibiibi shitaboneki.

Kulumbaisha 14:3

Sombi taaku nabi womwi ululeme, bantu boonse baba bamucita shibi. Taaku aucita shibotu, ncakwiila taaku nabibo womwi.

2 Makani 32:25

Sombi Esekiya wakalinga shicimpamya alimwi shikulisumpula. Paceebo ceeco taakwe kulumba Mwaami Lesa pasheesho nshaakamucitila. Lyalo bukali bwa Mwaami Lesa bwakaseluka pali nguwe, bene Juda alimwi abene Jelusalemu.

1 Baami 8:46

“Ono na bantu banu bamubishisha ceebo taaku muntu nabi womwi utabishi, lyalo mubukali bwanu mwalengesha ayi bakomwe akutolwa busha kucishi cimwi, nabi cishi ico kacili kulaale,

Matalikilo 7:23

Mwaami Lesa wakanyonyoola shoonse shakalinga kucite buumi pacishi ca panshi, nkokwaamba ayi bantu, banyama, abayuni. Bakacaalakobo nguNowa abaabo mbwaakalingaabo mubwaato.

1 Joni 3:4

Uyo woonse ubisha, ulasotoka mulawo wakwe Lesa mukwiinga kubisha nkusotoka mulawo.

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.

Jemusi 3:2

Ceebo swebo soonse tulabisha mushintu shiinji. Na muntu taalubishi mukwaamba ingayi uliluleme cakumaninina alimwi ulakonsha kulicata mushintu shimwi shoonse.

Bene Ebulu 6:18

Anu shintu shobilo ishi, kushomesha alimwi akulumbila, shilaakucitika cancinencine alimwi Lesa inga taabeciiwo pali nshisho. Aboobo, Lesa wakalinga kutuyumyayumya sotwakacicila kuli nguwe, ayi tuyuminine mukulangila nkwaakatupa.

Bene Loma 16:7

Ndaansha Andulonikasi aJunyasi baJudama abo mbondakaangwaabo muntolongo. Balishibikitwe abuumbi pakati ka batumwi abo bakaba bene Klistu nebo kaantana.

Bene Loma 5:21

Ono bweenka mbuli bubi mbobwakaba ankusu akuleta lufu, alwalo luse lwakwe Lesa lwakaba ankusu mukwiinga Lesa ulalulamika bantu pameenso akwe akubaletela buumi butamaani, kwiinda muli Jesu Klistu Mwaami wesu.

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Isaya 46:13

Bushiku bwakupulushikwa kwanu ndabuleta pafwaafwi. Ndushinisho tabubete kulaale, sobwe. Teshi nkacelweewo kukoma balwani bangu. Ndabala ya Jelusalemu ndaakwiipulusha onoono akuletela bene Isilaeli bulemu.”

Isaya 6:5

Mpeeke ndakalila akwaamba ayi, “Mapensho kuli ndime! Ono ndamanaawo mukwiinga ndi muntu utaambi shisalalite alimwi ndekala pakati ka bantu bataambi shisalalite. Ono alimwi ndaboona aMwaami wesu, ee, Mwaami Lesa Shinkusu shoonse.”

2 Makani 32:31

Beshikwiimikanina bamaami ba bene Babiloni ndibakesa mukwiipusha shacitondesho ca nkusu sha kwiculu ico cakacitika mucishi, Lesa wakamulekabo ayi acite mbwaasuni kwaamba ayi abone na inga watolelela kushomeka.

Dutolonomi 27:26

“ ‘Aashinganishikwe muntu uli woonse uyo utakonkeli maswi oonse ali mumilawo yoonse yakwe Lesa.’ “Mpeeke bantu boonse balaakwaamba ayi, ‘Ameni’