Bene Filipi 2:12 - Baibo Busansulushi Bwa Libuku Ili

¹² Ono nomusunikwi, kweelana ambomwalinga kunyumfwila ndindalingaanu, mulyeelete kwaamba ayi mwiindilishe kunoonyumfwila ciindi ici nceentabeteeko uko. Amutolelele kusebensa caboowa akututuma kwaamba ayi mumanishe mulimo wa lupulusho lwanu.

Bene Filipi 2:12 교차 참조

1 Bene Kolinto 15:58

Aboobo nobamakwesu nomusunikwi, amwiimikane mulushomo cakutatenkaana. Amubike myoyo yanu kumulimo wa Mwaami ceebo mulishi ayi tamutoosebensela Mwaami kwakubula mpindu.

Bene Ebulu 4:11

Aboobo, atweeleshe cankusu kwaamba ayi tukenjile mukookesha umo, kuloonda ayi kutakabi muntu nabi womwi mulikoto lyesu eshi akaalilwe kwiinjilaamo ceebo cakukaka kushoma Lesa bweenka bwakacita bamashali besu bakulukulu muluyanga.

1 Pita 2:11

Nomusunikwi, ntoomusenga cankusu, mbuli beensu bapalangene mucishi ca panshi, amuswe kulunkumbwa lwa mubili ulo lulwana amuuya wanu.

Mateyo 11:29

Amulipatike lijoko lyangu, mwiiye kuli ndime ceebo nebo ndimoote alimwi ndimubombu mumoyo. Paceebo ceeco, mulaakucana kookesha mumyoyo yanu.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

Isaya 66:2

Sa teshi ndime ndakalenga shintu shoonse ishi? Ncakwiila ndime ndakalengesha ayi shibeeko.” Mwaami Lesa waamba. “Ono muntu unkonda ngooyu: muntu ulibombya, ulisenda na walubisha alimwi uloonda maswi angu.

2 Pita 3:18

Sombi mwebo amutolelele kukula muluse alimwi alushibo lwa Mwaami Jesu Klistu, Mupulushi wesu. Bulemu bube kuli nguwe bulya alimwi amuyayaya! Ameni.

Bene Ebulu 5:9

Ndyaakamanisha mulimo wakwe woonse, wakaba nshila ya lupulusho lutamaani kubaabo boonse bamunyumfwila.

2 Timoti 2:10

Aboobo ndatolelela mushintu shoonse ceebo ca bantu Lesa mbwaakasala kwaamba ayi abalo bakatambule lupulusho lwakesa kwiinda muli Klistu Jesu, ulo luleta bulemu butamaani.

Tushimpi 13:4

Mutolo nabi wasuna buyani kuba acintu cimwi, taacicaani, sombi uyo usebensa cankusu ulacana shintu shoonse nshaasuni.

Bene Ebulu 4:1

Aboobo ceebo cakwaamba ayi kushomesha Lesa nkwaakaamba kwakwinjila mukookesha mpokucili. Anu atucenjele kwaamba ayi kutabi nabi womwi eshi akaalilwe kwinjila.

Bene Ebulu 12:1

Ono mukwiinga aswebo tuli abakamboni baanji batushingulukite, atukushe shoonse shitukasha kucita nshetweelete alimwi ashibiibi shoonse isho nshetucita lyoonse. Lyalo tucice cankusu lubilo ulu ndotucite.

Bene Filipi 4:1

Ono mwebo nobamakwesu, nomusunikwi alimwi ndamuyeeya abuumbi. Mwebo mulansangalasha. Paceebo ceeco ndatangala cankusu ceebo ca ndimwe. Anu ubo nobamakwesu mbomweelete kuyuma muMwaami.

Bene Loma 2:7

Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.

1 Bene Tesalonika 1:3

Ceebo tuleebaluka pameenso akwe Lesa Ishiwesu, nshemwakacita ceebo cakushoma muli Jesu, mbomwakasebensa cankusu ceebo cakumusuna alimwi ambomutoolangila Jesu Mwaami wesu cakutaboola pesule.

Bene Filipi 1:29

Mwebo mwakapekwa coolwe cakusebensela Klistu, kuteshi kushomabo muli nguwe, sombi amukumupengela.

Kulumbaisha 119:120

Mubili wangu ulatutuma ceebo cakuloonda ndimwe. Ndicite boowa ceebo ca koombolosha kwanu.

Kulumbaisha 2:11

Amusebensele Mwaami Lesa cakumuloonda. Cakututuma, muliceeshe kunembo lyakwe,

2 Bene Kolinto 7:15

Lusuno lwakwe pali ndimwe lutooya cikomenenaako ndyaibaluka mbuli noonse mbomwakalinga kulibambite kucita nshaakalinga kumwaambila alimwi ambomwakamutambula cakuliceesha abulemu.

1 Bene Kolinto 2:3

Ndindakesa shindakalinga kuciteewo nkusu, aboobo ndakalinga kututumabo kuboowa.

Bene Efeso 6:5

Amwebo nobasha, mulyeelete kunyumfwila bamaami banu ba mucishi ca panshi cakubalemeka akubaloonda. Mulyeelete kucita nshebamulwiita amoyo womwi bweenka mbweenga mwasebensela Klistu.

Isaya 66:5

Ono amukutike maswi a Mwaami Lesa mwebo nomulemeka maswi akwe ayo. Waamba ayi, “Bamakwabanu abo bamupatite ceebo cakushomeka kuli ndime, baamba ayi, ‘Mwaami Lesa wabo aatondeshe nkusu shakwe kwaamba ayi tumuboone kamusangalala.’ Ono balo beenka abo balaakulenshekwa nsoni.

Tushimpi 10:16

Cilambu ca muntu ululeme mbuumi, sombi mpindu ya bamucita shibi nkupekwa mulandu.

Mateyo 11:12

Kuswa kuciindi cakwe Joni Mubombeki, kushikila sunu, Bweene bwa kwiculu bwashika cankusu, abalo beshishitaala batokweelesha kubutola mushitaala.

Esila 10:3

Anu atupange cipangano aLesa kwaamba ayi tutandaanye banakashi boonse abo pantu pomwi abana babo kweelana akuyanda kwanu a kwa baabo bamwi balemeka Milawo yakwe Lesa. Tutoocita kweelana aMilawo yakwe Lesa.

Bene Filipi 1:5

mukwiinga wa lubasu ulu ndomucite mukushimikila Makani Abotu, kuswa bushiku mbomwakaatambula kushikila asunu.

Milimo ya Batumwi 9:6

Ono nyamuka uye mundabala iyi, mweshi uye ulwiitwe nsheweelete kucita.”

Bene Filipi 2:19

Na Mwaami mwiine wayanda, ntooyeeya kufwambaana kutuma Timoti kuli ndimwe kwaamba ayi moyo wangu ukale pakunyumfwa makani atooswa kumishaanu uko.

1 Bene Kolinto 4:14

Nshintoolembela ayi mulenshe nsoni, sombi kwaamba ayi mucenjesheeko mbuli bana bangu mboonsunishi.

Bene Filipi 4:15

Mwebo nobene Filipi, mulishi kabotu kwaamba ayi nebo ndindakaswa kuMakedoniya munshiku shitaanshi shakushimikila Makani Abotu, tepakalinga coonde nabi comwi cakancafwa pasheesho nshindakalinga kweelete kulipila akutambula. Ncakwiila ndimwebo nweenka.

Milimo ya Batumwi 16:29

Lyalo shikulindilila uyo wakaambila umwi ayi amuletele lilampi. Mpeeke wakeendililabo kwinjila akuliwaala muliimfwa lyakwe Paulo aSailasi kaatutumabo.

Bene Filipi 1:6

Ndishinishite kwaamba ayi Lesa wakatalika ncito ibotu muli ndimwe ulaakutolelela akwiimanishisha paBushiku ubo aakuboola Klistu Jesu.