Bene Efeso 5:6 - Baibo Busansulushi Bwa Libuku Ili

⁶ Mutaleeki muntu nabi womwi ayi amucenjeeke kwiinda mumaswi atacite ncito mukwiinga sheenka shintu ishi nsheshilengesha Lesa kuba abukali pabantu abo batamunyumfwili.

Bene Efeso 5:6 교차 참조

Bene Loma 1:18

Lesa wayubulula bukali bwakwe kuswa kwiculu pashibiibi bantu nshebacita alimwi akutamulemeka. Bubi bwabo mbobwalengesha bantu bamwi kuteshiba lushinisho lwapali nguwe.

Mateyo 24:4

Jesu wakabakumbula ayi, “Amucenjele kwaamba ayi kutakabi muntu nabi womwi eshi akamucenjeeke.

Bene Kolose 2:8

Amucenjele kwaamba ayi kutabi muntu nabi womwi, eshi amubooshe mubusha kwiinda mubusongo bwa buntu bwa bubeshi. Mukwiinga busongo ubu bulaswa kutushiyashiya twa bakulukulu alimwi akumishimu ibiibi itokweendelesha mucishi ca panshi, kuteshi kuli Klistu.

1 Joni 4:1

Nomusunikwi, mutanooshoma muntu woonse waamba ayi ulicite Mushimu wakwe Lesa, sombi mulyeelete kubeelesha akubona na ncakwiila mushimu ngobacite ulaswa kuli Lesa. Mulyeelete kucita boobo ceebo balaluki babeshi balibo cishi coonse.

Bene Kolose 3:6

Ceebo ca shintu sha mushobo wooyu, bukali bwakwe Lesa bulaakuba pabantu abo batamunyumfwili.

Maako 13:5

Lyalo Jesu wakabaambila ayi, “Amucenjele kwaamba ayi kutakabi muntu nabi womwi eshi akamucenjeeke.

Mateyo 24:24

Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

1 Pita 2:8

Malembo akwe Lesa alaamba alimwi ayi, “Ili ndyelibwe lyeshi likalengeshe bantu kulisuntula ndyelyeelyo lyeshi likalengeshe bantu kuwa.” Bakalisuntula ceebo tabakwe kunyumfwila maswi akwe Lesa. Ici cakacitika kweelana akuyanda kwakwe.

2 Bene Tesalonika 2:3

Mutasuminishi muntu uli woonse ayi amubeece. Ceebo Bushiku teshi bukashikile bantu kabatana kwaashuka camamanino alimwi Muntu Mubiibi ulya uyo utoolindilabo kunyonyoolwa kaatana kuboneka.

Bene Kolose 2:4

Nceentoomulwiitila boobo nkwaamba ayi kutabi muntu nabi womwi weshi akamuyunge kwiinda mumaswi abucenjeshi.

Maako 13:22

Mukwiinga abo balyaamba ayi, ‘Ndime Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Bene Kolose 2:18

Kutabi muntu nabi womwi weshi amupe mulandu ceebo lakwe ulayeeya ayi ngumunene mukwiinga ulabona shimwi shili anga nsha muciloto. Bantu ba mushobo wooyu balalibombya cakubeca alimwi balisunibo kwaamba ayi bantu kabalambila baanjelo. Balalisumpula pashintu shitacite ncito mukwiinga balakonkela shintu sha buntu.

Kulumbaisha 78:31

Lesa wakabakalalila abuumbi akucaya bantu bakalinga kushimpite. Wakanyonyoola basankwa bene Isilaeli bacikula bwangu.

Bene Ebulu 3:19

Anu tweshiiba ayi bakaalilwa kwinjila mumusena uyo ceebo tabakwe kushoma.

Mika 3:5

Mwaami Lesa waamba ayi, “Mwebo nobalaluki nomulubya bantu bangu, na umwi wamupa cakulya mulaamba shaluumuno. Na taamupi, mulalaluka shankondo.

Jelemiya 29:31

“Tuma makani kubantu boonse bali mubusha akwaamba ayi nebo neMwaami Lesa pali Shemaya mwine Neelamu ndaamba ayi, ‘Ono ceebo cakwaamba ayi Shemaya wakamulalukila nakubi kwaamba ayi nshikwe kumutuma akumulengesha kushoma shabubeshi,

2 Baami 18:20

Sa utooyeeya ayi maswi inga eelana alushibo lwa nkondo alimwi ankusu? Ngani ngootooyeeya ayi inga wakucafwa kubukila bene Asilya?

Jelemiya 27:9

Aboobo mutanoonyumfwila balaluki banu, bamukamwaami, beshikupandulula shiloto nabi beshikwaamba amishimu alimwi abaloshi abo bamwaambila ayi, ‘Teshi mukasebenselewo mwaami wa bene Babiloni.’

Jelemiya 37:9

Ono nebo neMwaami Lesa ntoomucenjesha ayi, ‘Mutalicenjeeki mukuyeeya ayi bene Babiloni teshi bakese tubili mukwiinga balaakwisa cancinencine.

Bene Ebulu 13:9

Mutasumini kwaamba ayi njiisho sheensu shipusenepusene ayi shimukushe munshila iluleme. Ncibotu kwaamba ayi luse lwakwe Lesa luyumye myoyo yesu, kuteshi kukonkela milawo yaamba pashakulya, ceebo milawo iyi taikwe kucafwawo baabo bakalinga kwiikonkela.