Bene Efeso 5:19 - Baibo Busansulushi Bwa Libuku Ili

¹⁹ Mulyeelete kwaamba kuli womwi awomwi mumaswi a kulumbaisha, nyimbo sha kulemeka alimwi ashimwi sha kulumbaisha Lesa. Kamwiimbila Mwaami cakukondwa amoyo woonse.

Bene Efeso 5:19 교차 참조

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

1 Bene Kolinto 14:26

Ncentokwaamba nobamakwesu nceeci. Ndimubungana ayi mulambile, womwi inga kaacite lwiimbo, umwi cakwiisha, umwi kaacite maswi akamuyubulwita Lesa, umwi maswi mumilaka yeensu aumwi kaacite busansulushi bwa milaka yeensu iyo. Ono shoonse shilyeelete kusebenseshekwa kwaamba ayi shicafwe coonde kukula mulushomo.

Kulumbaisha 95:2

Atuye pameenso akwe akulumba, atwiimbe nyimbo shakulumbaisha akulisha shilimba.

Milimo ya Batumwi 16:25

Ingayi pakati ka mashiku Paulo aSailasi bakalinga kupaila akwiimba nyimbo shakulemeka Lesa. Abalo bakailinyinaabo bakalinga kukutika mbuli mbobakalinga kwiimba.

Kulumbaisha 147:7

Amwiimbile Mwaami Lesa nyiimbo shakumulumbaisha, amwiimbile Lesa wesu akalumbu.

Jemusi 5:13

Na umwi pakati kanu uli mumapensho, aapaile kuli Lesa. Na kuli usangalete aimbe nyimbo shakulumbaisha.

Kulumbaisha 62:8

Mwebo nobantu amucinke manungo muli nguwe ciindi coonse, Amumulwiite mapensho anu oonse, ceebo Lesa eenka nceciyubilo cesu.

Isaya 65:14

Basebenshi bangu balaakunoosangalala ceebo cakukondwa kweshi kukanooli mumyoyo yabo. Mwebo mulaakunoolila cakooloma ceebo cabuumba bweshi bukanooli mumyoyo yanu. Ncakwiila mulaakunoolila mibila ceebo ca kutyongooka kwa muuya wanu.

Kulumbaisha 86:12

NoBaami baLesa nobaLesa bangu, ndaakumulumbaisha amoyo wangu woonse. Ndaakwaambilisha bulemu bwanu kwamuyayaya.

Mateyo 26:30

Ndibakamana kwiimba lwiimbo lwakulumbaisha Lesa, bakaya kuKalundu ka Olifi.

Mateyo 15:8

‘Aba bantu balandemekabo pamulomo sombi myoyo yabo ili kulaale anebo.

1 Bene Kolinto 14:15

Ono ndyeelete kucita buyani? Ndanoopaila amuuya wangu, ono alimwi ndanoopaila amaano angu. Ndanokwiimba amuuya wangu, ono sombi ndanokwiimba amaano angu.

Ciyubululo 5:9

Bakalinga kwiimba lwiimbo lupya ayi, “Webo ndiwe weelete kubwesa libuku akulamatula bakalamatila ba keshibilo. Mukwiinga wakalinga wacaikwa alimwi kwiinda mulufu lwako ndowakalibenga, wakoolila Lesa bantu mumikowa yoonse, milaka yoonse, shishi shoonse alimwi amishobo yoonse.