7 Sombi womwi awomwi mulikoto lyesu wakatambula cipo ceelete kuswa kuli Klistu kweelana akuyanda kwakwe mwiine.
Mukwiinga wa cipo Lesa ncaakampa kwiinda muluse lwakwe, ntoomwaambila ayi mutanoolitukumuna, sombi muliceeshe mumiyeeyo yanu akulibika mpomweelete kweelana alushomo Lesa ndwaakamupa.
Lesa wakamupa shipo shipusenepusene alimwi muntu womwi awomwi ulyeelete kuba mbuli shikulama buboni mubotu. Ulyeelete kusebensesha ico ncaakatambula mukucafwa bamwi.
Ncakwiila mwakanyumfwa ayi Lesa wakampa mulimo wa butumwi kwiinda muluse lwakwe kwaamba ayi ncafwe ndimwe.
Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.
Umwi wakamupa shuulu shosanwe sha maali, wabili shuulu shobilo alakwe umwi cuulu comwi. Wakabaabila kweelana ambweenga basebenshesha womwi awomwi. Kuswawaawo, wakanyamuka waya.
Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.
Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.
Alakwe Lesa wakalinga kuyumya bukamboni bwabo kwiinda mukucita shaankamiko shipusenepusene ashitondesho sha nkusu sha kwiculu alimwi akwiinda mukubapa shipo sha Mushimu Usalashi kweelana akuyanda kwakwe.
