Bene Efeso 4:25 - Baibo Busansulushi Bwa Libuku Ili

²⁵ Anu amucileeke kubeca! Muntu woonse ulyeelete kwaamba shalushinisho kumwine Klistunyina ceebo soonse tuli shipansha sha mubili wakwe Klistu.

Bene Efeso 4:25 교차 참조

Bene Kolose 3:9

Mutanoobecana mukwiinga mwashiya buumi bwanu bwakale kale amicito ya mbubo

Sekaliya 8:16

Ono shintu nshemweelete kucita nsheeshi. Kamwaamba calushinisho kumuntu womwi awomwi. Kamoombolosha cakutanyengelela munkuta kwaamba ayi kube luumuno.

Tushimpi 12:22

Mwaami Lesa ulipatite milomo ibeca, sombi ulasangalalila mubantu baamba shalushinisho.

Bene Loma 12:5

Mbweeke ubo, nakubi kwaamba ayi tuli baanji, tuli mubili womwi muli Klistu. Aboobo twakacatanishikwa pantu pomwi bweenka mbuli shipansha sha mubili womwi.

Bene Efeso 4:15

Sombi swebo tulyeelete kwaamba shalushinisho muli Lesa mulusuno, kwaamba ayi tube bweenka mbuli Klistu mushintu shoonse, lakwe uli ngomutwi wa coonde.

Tushimpi 12:17

Kamboni ushomeka ulaamba shalushinisho, sombi kamboni mubeshi ulaambabo shakubeca.

Tushimpi 8:7

Nebo ndaambabo shalushinisho mukwiinga bubeshi ndibupatite abuumbi.

Tushimpi 12:19

Lushinisho lulakalilila lyoonse alyoonse, sombi bubeshi bulafwambaana kwishibwa.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Taitasi 1:2

Lushinisho ulu luliimfwi pakulangila buumi butamaani ubo Lesa utabeci mbwaakatushomesha kale kale.

1 Timoti 4:2

Kwiisha uko kulaakwisa kwiinda mubabeshi abo baamba nshebataciti, bacite miyeeyo italuleme, sombi ili anga yakatentwa ceela cilungula.

Bene Lefi 19:11

“Mutanokwiipa, kubeca nabi kuba shikucenjeeka.

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.

1 Timoti 1:10

beshishikololo, basankwa boona abasankwanyinaabo, beshikuula akuulisha basha, babeshi, babeca munkuta alimwi abaabo bacita sheesho shipusene akwiisha kwalushinisho.

2 Bene Kolinto 7:14

Ndakamutondesha mboonkondetwe pali ndimwe alimwi amwebo tamukwe kunensha nsoni. Tatukwe kumubecaawo kale alimwi mbweeke ubo kumulumbaisha nkondakacita kuli Taitasi kwalitondesha ayi nkwalushinisho.

Taitasi 1:12

Umwi mulaluki wabo beene wakaamba ayi, “Lyoonsebo bene Kileti mbabeshi, mbabiibi anga mbanyama, mbalyabi alimwi mbatolo.”

1 Bene Kolinto 10:17

Ono ceebo cakwaamba ayi shinkwa ngomwibo, soonse natufuuli, tuli mubili womwi ceebo tulabaana shinkwa womwi.

Joni 8:44

Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

Sekaliya 8:19

“Kulikasha kulya uko kuba mumweenshi wane, wasanu, wasanu ayobilo amweenshi walikumi kulaakuba kusekelela kwakusangalala akukondwa kwa bene Juda. Paceebo ceeci amusune lushinisho aluumuno.”

Osiya 4:2

Mulibo kushingana, bubeshi alimwi abucayi, kwiipa alimwi abulale. Shibiibi shafula, kucayana kwaba ndolwiimbo.

Isaya 63:8

Mwaami Lesa wakaamba ayi, “Aba mbantu bangu, bana bangu abo batakoonshi kumbeca.” Nceceeco ncaakabeta Mupulushi wabo.

Isaya 9:15

Basankwa bamanene alimwi balemekwa ngomutwi, mucila mbalaluki beeisha shakubeca.

Tushimpi 21:6

Buboni bwakucanina munshila yakutashomeka bulafwambaana kushimingana, sombi tabuciti boobo kabutana kukutola mukoose ka lufu.

Tushimpi 6:17

Meenso acimeko, mulomo ubeca, Maansa atila bulowa bwa bantu batacite mulandu,

Kulumbaisha 119:29

Amunkaashe kweenda munshila shibiibi. Mumfwite luse kwiinda mukunjiisha milawo yanu.

Kulumbaisha 52:3

Mulakondwa kubisha kwiinda kucita shibotu, alimwi akubeca kwiinda kwaamba shalushinisho.

Bene Efeso 5:30

ico cili ngumubili wakwe alimwi swebo tuli shipansha sha mubili wakwe.

1 Baami 13:18

Lyalo mulaluki mucembele wa kuBetelo wakamulwiita ayi, “Anebo ndi mulaluki bweenka mbuli ndiwe. Mwaami Lesa wantumina munjelo uyo wesa mukundwiita ayi nkutole kumisheesu akuya mukukubamba kabotu.” Nakubi boobo mulaluki mucembele ulya wakalinga kubecabo.

Kulonga 23:7

Mutabekeshi muntu shikani, nabi kupingula ayi muntu utacite mulandu acaikwe, mukwiinga ndaakupa mulandu muntu woonse ucita cibiibi ca mushobo wooyu.

Kulumbaisha 15:2

Ncakwiila ngooyo weenda cakubula kampenda, uyo ucita shintu shiluleme lyoonse akwaamba lushinisho luswa kumoyo wakwe.

Tushimpi 24:28

Utapi bukamboni bwakubeca pamubyo. Ee, utasebenseshi mulomo wako kwaamba shakubeca.

Bene Efeso 4:22

Paceebo ceeco, amushiye bwikaalo bwanu bukulukulu, ubo bwakalinga kumunyonyoola ceebo bwakalinga kumucenjeeka ayi mucite shintu shitaluleme.

Bene Efeso 4:31

Aboobo mucileeke mfundilishi, kupatana alimwi akukalala. Tamweelete kukalooka nabi kutukana nabi kuba amiyeeyo ya lupato ya mishobo yoonse.

Bene Kolose 3:8

Sombi bulya mucileeke shoonse ishi, mbuli kukalala, kukalooka alimwi amiyeeyo ya lupato. Tamweelete kutukana nabi kusebensesha myaambo ibiibi.

Bene Ebulu 12:1

Ono mukwiinga aswebo tuli abakamboni baanji batushingulukite, atukushe shoonse shitukasha kucita nshetweelete alimwi ashibiibi shoonse isho nshetucita lyoonse. Lyalo tucice cankusu lubilo ulu ndotucite.

Jemusi 1:21

Aboobo amushiye shibiibi shoonse nshemushibite abubi ubo buli mumyoyo yanu. Amutambule cakulibombya maswi ayo Lesa ngaakashanga muli ndimwe, ayo akonsha kumupulusha.

1 Pita 2:1

Aboobo amucileeke bubi boonse, bubeshi, kwaamba nshemutaciti, munyono alimwi amusebaanyo wa mushobo woonse.

Boomboloshi 16:11

Samusoni wakamukumbula ayi, “Na ndaangwa ntambo shipya shitana kusebensaawo, inga ndabula nkusu akubabo bweenka mbuli bantu bamwi boonse.”