Bene Efeso 3:10 - Baibo Busansulushi Bwa Libuku Ili

¹⁰ Wakalinga kusuni ayi kwiinda mucoonde, baanjelo abo beendelesha alimwi bacite nkusu mwiculu, beshibe busongo bwakwe Lesa mushintu shoonse.

Bene Efeso 3:10 교차 참조

1 Pita 1:12

Lesa wakayubulula kubalaluki abo ayi milimo yabo teyakalinga yakulicafwa beene, sombi mwebo. Nshebakaamba, nshesheeshi ono shakalwiitwa ndimwe kwiinda mubaabo bakamushimikila Makani Abotu. Bakacita boobo kwiinda munkusu sha Mushimu Usalashi uyo Lesa ngwaakatuma kuswa kwiculu. Ishi nsheshintu abaanjelo nshebakumbwa abuumbi kwishiba.

Bene Efeso 6:12

Mukwiinga tatutoolwana abantu, sombi tutoolwana ankusu sha mishimu ibiibi ya mwiculu, iyo yeendelesha alimwi icite nkusu, mishimu iyo yeendelesha bantu munshiku shino shili anga ngumunshinshe.

1 Bene Kolinto 2:7

Busongo mbotwaamba mbwakwe Lesa ubo bwakalinga kushisitwe. Lesa wakabubambilabo limwi kaatana kulenga cishi kwaamba ayi aswebo tukabe abulemu bwakwe Lesa.

Bene Loma 11:33

Ma, Lesa ulicite nkumbu abuumbi! Ngumusongo bumbi alimwi lushibo lwakwe talwaambiki! Taaku weenga wasansulula miyeeyo yakwe nabi kunyumfwishisha nshila shakwe.

Bene Efeso 1:21

Klistu wakabikwa pamusena wa bulemu kwiinda beendeleshi boonse ba kwiculu, bamatanjilili, beshinkusu alimwi abamaami. Ulicite liina lya bulemu ankusu kwiinda pameena oonse muciindi cino nabi muciindi citoosa.

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

1 Bene Kolinto 1:24

Nakubi boobo kubaabo Lesa mbwaakeeta, baJuda nabi baswamashi bakunsengwe, balishi kwaamba ayi Klistu nshenkusu alimwi abusongo bwakwe Lesa.

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.

Bene Kolose 1:16

Mukwiinga kwiinda muli nguwe, Lesa wakalenga shintu shoonse, sha kwiculu alimwi asha mucishi ca panshi, shiboneka ashitaboneki, nkusu sha baanjelo, bamaami, beendeleshi alimwi abamaloba. Lesa wakalenga shoonse kwiinda muli nguwe akwaamba ayi akanoosheendelesha.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

Bene Efeso 1:8

luse luunji ulo ndwaakacitila ndiswe soonse. Kwiinda mubusongo alushibo lwakwe,

Bene Loma 8:38

Ceebo ndishinishite kwaamba ayi taaku nceenga catupansaanya alusuno lwakwe Lesa pali ndiswe. Lufu nabi buumi, baanjelo nabi beendeleshi ba kwiculu, shintu sha cecino ciindi nabi shintu sheshi shikaboneke,

Kulumbaisha 104:24

NoBaami baLesa, mwakalenga shintu shiinji! Ncakwiila shoonsebo mwakashilenga amaano! Ee, cishi ciliswitebo shilengwa shanu.

Esekelo 3:12

Mpomunyaawo Mushimu wakwe Lesa wakanyamuna. Lyalo ndakanyumfwa liswi kwisule lyangu ilyo lyakalinga kunyumfwika anga ngumuuwo utoompuupila. Liswi ilyo lyakaamba ayi, “Abulumbaishikwe bulemu bwa Mwaami Lesa mumusena ngweekalaamo!”

Kulumbaisha 103:20

Amulumbaishe Mwaami Lesa nobaanjelo bakwe beshinkusu, mwebo nomukonkela milawo yakwe akunyumfwila maswi ngaamwaambila.

Bene Efeso 1:23

Coonde ngomubili wakwe Klistu, nkokukumanisha kwa wooyo ukumanisha shintu shoonse pali poonse.

Bene Kolose 2:10

alimwi muli nguwe, mwebo mulicite buumi bwancinencine. Lakwe uleendaawo pabamaami alimwi abeendeleshi boonse.

Bene Kolose 2:15

Pamucilingano mpomunya, Lesa wakamanisha nkusu sha bamaami abeendeleshi boonse kwiinda muli Klistu. Wakabakoma patuba ndyaakabatondesha nkusu shakwe.