Bene Efeso 2:12 - Baibo Busansulushi Bwa Libuku Ili

¹² Ono amuyeeye ayi paciindi ico mwakalinga bantu bateshi Klistu. Mwakalinga baswamashi batasalitwe aLesa. Temwakalingaako lubasu kushipangano Lesa nshaakapanga abantu bakwe isho shakalinga kwiimfwi pasheesho Lesa nshaakabashomesha. Mwakalinga kushiitebo mucishi ca panshi kwakubula ancemwakalinga kulangila, kamuteshi aLesa.

Bene Efeso 2:12 교차 참조

Bene Galatiya 4:8

Kale kale Lesa temwakalinga kumwishiiwo, aboobo mwakalinga kusebensela shintu shitabete Lesa.

Bene Kolose 1:21

Kale kale mwebo mwakalinga kulaale aLesa alimwi mwakalinga balwani bakwe ceebo ca shintu shibiibi nshemwakalinga kucita alimwi akuyeeya.

1 Pita 1:3

Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.

1 Bene Tesalonika 4:13

Ono nobamakwesu, tulisuni ayi mwishibe lushinisho pabaabo bakafwa, kwaamba ayi mutanookuungumana mbuli bantu batacite ncebatoolangila.

Bene Efeso 4:18

alimwi miyeeyo yabo icili mumunshinshe. Bantu abo tababeteko lubasu kubuumi ubo Lesa mbwaapa mukwiinga taaku ncebeshi alimwi mukwiinga mbeshicimpamya.

Esekelo 37:26

Ndaakupanga cipangano ca luumuno ambabo. Cilaakuba cipangano calyoonse alyoonse. Ndaakushimpya bulelo bwabo akubafusha alimwi ndaakubika Ŋanda yangu pakati kabo kwalyoonse alyoonse.

1 Bene Tesalonika 4:5

kuteshi mulunkumbwa lwa mubili anga mbantu bakunsengwe bateshi Lesa.

Joni 15:5

“Nebo ndi munyansa, mwebo muli misampi. Uyo woonse ukalilila muli ndime anebo muli nguwe, ulaakucata shisepo shiinji. Ceebo kwakubula ndime taaku nceenga mwaciita.

Bene Ebulu 6:18

Anu shintu shobilo ishi, kushomesha alimwi akulumbila, shilaakucitika cancinencine alimwi Lesa inga taabeciiwo pali nshisho. Aboobo, Lesa wakalinga kutuyumyayumya sotwakacicila kuli nguwe, ayi tuyuminine mukulangila nkwaakatupa.

Bene Loma 9:8

Aboobo ici cilaamba ayi teshi bana bakwe Abulaamu boonse beetwa ayi mbana bakwe Lesa. Sombi bana bakwe Abulaamu abo bakashalwa kweelana akushomesha kwakwe Lesa, mbobeelete kwiitwa ayi mbana bakwe Abulaamu cancinencine.

2 Makani 15:3

Kwaciindi cilaamfu bene Isilaeli balinga kwikala kabateshi Lesa wancinencine alimwi kabatacitewo bapailishi beenga babeeisha nabi milawo.

1 Pita 3:15

Sombi mumyoyo yanu kamulemeka Klistu mukwiinga ngoMwaami wanu. Munoolibambite lyoonse kusansulwita muntu uli woonse weenga wamwiipusha pakulangila nkomucite, sombi kamusansulula cakulibombya alimwi akumulemeka.

Milimo ya Batumwi 28:20

Anu nceceeco ncendamwiitila kwaamba ayi ŋambaanu. Nebo ndyaangitwe ceebo ca wooyo ngobatoolangila bene Isilaeli.”

Milimo ya Batumwi 3:25

Shintu shoonse Lesa nshaakashomesha kwiinda mubalaluki bakulukulu nshanu ceebo muli bamucipangano ico Lesa ncaakacita abamashali banu bakulukulu kweelana ambwaakaambila Abulaamu ayi, ‘Kwiinda mulunyungu lwako ndaakupa coolwe bantu boonse ba mucishi ca panshi.’

Jelemiya 17:13

Nobaami baLesa mwebo muli lulangilo lwa bene Isilaeli. Boonse abo bamusuula, balaakulenshekwa nsoni. Boonse abo balaakushiminganabo anga ngameena alembwa mubulongo ceebo bakamufutatila mwebo nokantupu ka buumi.

Matalikilo 15:18

Lyalo apo peenka Mwaami Lesa wakapanga cipangano aAbulamu wakaamba ayi, “Ndashomesha kupa bamulunyungu lwako cishi coonse ici kuswa kumanyinsa aIjipiti kushika akuMulonga wa Yufuletisi,

1 Joni 3:3

Uyo woonse ucite lushomo akulangila muli Klistu ulalisalasha mwiine bweenka mbuli Klistu mbwaasalalite.

1 Pita 1:21

Kwiinda muli nguwe mulashoma muli Lesa uyo wakamubusha kuswa kubafu akumupa bulemu buunji. Aboobo lushomo lwanu akulangila kwanu kube muli Lesa.

Bene Ebulu 11:34

bakashimya mililo yakalinga kunyaka abuumbi, bakapulushikwa kukucaikwa amipeeni. Nakubi kwaamba ayi tebakalinga kucite nkusu, bakabaasho. Bakaba bashilumamba bayumu abuumbi, akukoma bashilumamba ba mushishi sha baswamashi.

1 Timoti 1:1

Ndime Paulo mutumwi wakwe Klistu Jesu kwiinda mukuyanda kwakwe Lesa Mupulushi wesu, aKlistu Jesu apo peemfwi kulangila kwesu.

2 Bene Tesalonika 2:16

Ono Mwaami wesu Jesu Klistu aLesa Ishiwesu uyo wakatusuna, kutuyumyayumya mumyoyo akutupa kulangila kutamaani kwiinda muluse lwakwe,

Bene Kolose 1:27

Lakwe wakasuna kwaamba ayi baswamashi bakunsengwe boonse beshibe maswi ayo ancinencine. Ngamaswi abotu abuumbi, abubile bwa bulemu bwakwe ayo akalinga kushisitwe kubantu boonse. Maswi aya ngakwaamba ayi Klistu uli muli ndimwe alimwi ngoomupa kulangila kwa kutambula bulemu bwakwe Lesa.

Bene Kolose 1:5

Ono makani ancinencine, nkokwaamba ayi Makani Abotu, ndyaakashimikilwa kuli ndimwe pakutaanguna, mwakanyumfwa shakulangila shiliimo. Aboobo mulicite lushomo alimwi alusuno ceebo ca sheesho nshemutoolangila, isho Lesa nshaakamubambila kabotu kwiculu.

Joni 10:16

Nkoshili ashimwi mbelele shiteshi sha mucimpati ici. Ndyeelete kushileta ashalo. Ncakwiila ashalo shilaakunyumfwa liswi lyangu alimwi shilaakuba litanga lyomwi amweembeshi womwi.

Joni 4:22

Mwebo nobene Samaliya mulalambila ncemuteshi, sombi swebo tulalambila ncetwishi mukwiinga lupulusho lulaswa kubaJuda.

Luka 1:72

Wakaamba ayi ulaakunyumfwila nkumbu bamashali besu bakulukulu alimwi teshi akalubeeko cipangano cakwe cisalalite.

Osiya 3:4

Munshila njemunya iyo bene Isilaeli balaakwikala ciindi cilaamfu kwakubula bamaami nabi bamatanjilili, milambu nabi mabwe asalalite, shibumbwabumbwa nabi shakusondesha.

Esekelo 13:9

Ndaakupa mulandu balaluki beshikubona shili anga nshiloto shabubeshi alimwi akulaluka shintu shakucenjeeka. Teshi bakanoobaako bantu bangu na babungana ayi bapange miyeeyo nabi kulembwa pamundando wa meena a bamumushobo wa bene Isilaeli. Teshi bakapilukewo tubili mucishi ca Isilaeli. Lyalo ndyeshi mukeshibe ayi nebo ndi Mwaami Lesa.’

Jelemiya 14:8

Mwebo Nokulangila kwa bene Isilaeli, noBapulushi babo muciindi ca mapensho, ceebonshi mwaba anga ngumweensu mucishi cino, ncakwiila anga ngushikweenda uyo woonabo bushiku bomwi?

Isaya 45:20

Mwaami Lesa waamba ayi, “Amuyoboloke akwisa. Ee, amuyoboloke mwebo nomwakalobokela pakati ka mishobo imwi. Batacite lushibo mbaabo banyamuna balesa ba shisamu, ee, abo bapaila kubalesa batakoonshi kubapulusha.

Isaya 44:6

Ono Mwaami Lesa, Mwaami wa bene Isilaeli, ee, Mupulushi wabo, ngweeke ngoMwaami Lesa Shinkusu shoonse, waamba ayi, “Ndime mutaanshi alimwi awakweelaako. Taaku Lesa aumwi kulekabo ndime.

Esila 4:3

Sombi Selubabelo, Jeshuwa abamwi boonse bamanene ba shipani sha mikowa ya bene Isilaeli bakabakumbula ayi, “Tamucitemo lubasu mukuyakila Lesa wesu Ŋanda. Tulaakuyakila Mwaami Lesa, Lesa wa bene Isilaeli sobene bweenka Sailasi mwaami wa kuPesha mbwaakatwaambila.”

Shakubelenga 18:19

“Nkokwaamba ayi shipo shoonse shisalalite isho bene Isilaeli nsheshi banoondetela lyoonse ndashipa ndiwe, bana bako basankwa alimwi abanakashi ayi ncecipansha canu lyoonse. Ici ncecipangano kuli ndiwe alimwi abamulunyungu lwako lyoonsebo.”

Isaya 61:5

Beshi bakanoomweembelelako mbelele ampongo mbaswamashi. Ee, beshi bakanoomulimina myuunda imwi aya minyansa mbanaabenebo.

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Esekelo 47:22

ceebo cilaakuba caanu kwalyoonse alyoonse. Baswamashi bashiite pakati kanu abo bacite baana bakashalilwa kokuno, abalo balyeelete kupekwa cipansha ca cishi mwaakunokwaabaanya. Mulyeelete kubacitabo anga abalo mbene Isilaeli beene beene. Mwaakunokuuma cisolo pakwaabana cishi, abalo balyeelete kuumaako ayi bapekweko shipansha sha cishi pantu pomwi abene Isilaeli beene beene.

Milimo ya Batumwi 2:39

Mukwiinga Lesa nshaakashomesha, wakashomesha ndimwe abana banu alimwi abaabo boonse bali kulaale, abo Mwaami Lesa mbwaaita.”

Bene Efeso 2:19

Paceebo ceeco mwebo nobaswamashi bakunsengwe tamubete baswamashi nabi beensu, sobwe. Mwebo ono muli baneshi pantu pomwi abantu bakwe Lesa alimwi muli bana bakwe Lesa.

Bene Ebulu 8:6

Sombi kuswawaawo, Lesa wakapa Jesu mulimo wa bupailishi unene kwiinda pawaabo, bweenka mbuli cipangano cili pakati kakwe Lesa alimwi abantu bashoma muli nguwe mbocibete cibotu kwiinda cikulukulu mukwiinga nshaakashomesha Lesa pali ncico shileendaawo kubota.

Kulonga 12:45

Taaku muntu mweensu nabi musebenshi ulipilwa weelete kulyaako.