Bene Ebulu 9:14 - Baibo Busansulushi Bwa Libuku Ili

¹⁴ Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.

Bene Ebulu 9:14 교차 참조

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

1 Pita 1:19

Wakamulubula kwiinda mubulowa buyandika abuumbi bwakwe Klistu, uyo wakalinga anga ngumwanaambelele utacite kampenda nabi cimeenga.

1 Joni 1:7

Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.

Bene Ebulu 9:12

Klistu ndyaakenjila mutente, akwinjila linkanda lyomwibo ndondoli muMusena Usalalite Wiindaawo, taakwe kutola bulowa bwa mpongo nabi bwa bacende ayi ape kuli Lesa. Sombi lakwe wakatola bulowa bwakwe mwiine akutubambila lupulusho lutamaani.

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.

Bene Ebulu 7:27

Peculu lya waawo taabete mbuli bapailishi banene bamwi tau. Lakwe taceelete kunoocaya banyama nshiku shoonse pacipaililo ceebo ca shibiibi shakwe, kuboolaawo asha bantu. Wakacita boobo linkanda lyomwibo ndondoli, ndyaakalibenga mwiine ayi abe mulambu kuli Lesa.

1 Pita 4:2

Paceebo ceeco, mubuumi bwanu bwa mucishi ca panshi tamweelete kukonkela shiyanda mibili yanu, sombi shiyanda Lesa.

Bene Ebulu 1:3

Muli nguwe mulaboneka kumweka kwa bulemu bwakwe Lesa alimwi ncecikoshanyo ciine ca bube bucite Lesa. Ngoolengesha shintu shoonse mucishi ca panshi kuba bweenka mboshibete kwiinda mumaswi akwe a nkusu. Ndyaakamana kulengesha Lesa kulekelela shibiibi sha bantu, wakaya kwiculu mukwikala kululyo lwakwe Lesa Shinkusu shiindaawo.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Bene Ebulu 6:1

Ono anu atuye kunembo mumakani eelete bamanene mulushomo. Tuteelilwibo kunokwaamba pasheesho nshemwakataanguna kwiiya shapali Klistu. Tatweelete kwiiya alimwi shakusanduka kuswa kushintu shitacite ncito alimwi ambweenga twashoma muli Lesa,

Bene Loma 6:13

Mutasuminishi cipansha ca mubili wanu nabi comwi kububi ayi cibe citabatisho ca shibiibi, sombi amulyaabe kuli Lesa mbuli bantu bakalinga kufwite, sombi Lesa wabapa buumi. Mulyeelete kulyaaba kuli Lesa kwaamba ayi amusebenseshe mukucita shiluleme.

1 Joni 3:5

Kweelana ambomwishi, Klistu wakesa mukukusha shibiibi, alimwi muli nguwe taamu cibiibi nabi comwi.

Bene Loma 6:22

Ono bulya mwakaangululwa kuswa kububi, muli basha bakwe Lesa. Mpindu yanu mbuumi bululeme ubo buletela buumi butamaani.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Bene Ebulu 10:2

Bantu abo balambila Lesa nebakasalashikwa cancinencine kuswa kushibiibi shabo, naakwiinga taboongumani mumyoyo ceebo ca shibiibi shabo alimwi naakwiinga bakacileka akubenga milambu yoonse.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

Bene Efeso 2:5

Nakubi kwaamba ayi twakalinga kufwite mumushimu ceebo ca shibiibi shesu, wakatupa buumi pantu pomwi aKlistu. Mwakapulushikwa kwiinda muluse lwakwe Lesa.

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Bene Loma 11:12

Ceebo cakubisha kwa baJuda, bantu bamucishi ca panshi bakatambula shoolwe. Ceebo cakwaalilwa kwa baJuda, baswamashi bakunsengwe bakatambula shoolwe. Ino cilaakweela kuli na baJuda boonse bakasalwa, bakasenkane abashomi?

Luka 1:74

ulaakutupulusha kuswa kubalwani kwaamba ayi tumusebensele cakubula boowa

1 Pita 2:22

Lakwe taakwe kucitawo cibiibi nabi kubecaawo.

1 Timoti 1:17

Ono kuMwaami wamuyayaya, utafwi, utaboneki, uyo uli ngoLesa eenkabo, akube bulemu amucinshi lyoonse alyoonse. Ameni.

Bene Galatiya 2:19

Kweelana akukonkela Milawo, nebo ndifwite ceebo Milawo yeenka iyo yakancaya kwaamba ayi nsebensele Lesa amoyo wangu woonse.

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

Bene Loma 11:24

Mwebo nobaswamashi bakunsengwe, muli anga njimisampi ya cisamu ca olifi ca muluundu, iyo Lesa njaakatyola akulengesha ayi isonse pacisamu ca olifi cakushanga, ico citakoonshi kucitika ciine. BaJuda bali anga ncisamu ca olifi cakushanga. Aboobo ncuubu Lesa kuboosha misampi yakatyolwa pacisamu ca njiyo.

Bene Loma 1:20

Kuswabo lyeelyo Lesa ndyaakalenga cishi, bantu balakonsha kwishiba cakutatonsha kwaamba ayi nkusu shakwe tasheeli alimwi ayi ndushinisho nguLesa. Bantu balakonsha kwishiba shintu ishi kwiinda musheesho nshaakalenga. Aboobo taaku mpweenga bayubila mulandu.

Joni 3:34

Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.

Luka 4:18

“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.

Mateyo 20:28

Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”

Danyelo 6:26

“Ndapa mulawo mubwaami bwangu boonse ayi muntu womwi awomwi ulyeelete kuloonda akulemeka Lesa wakwe Danyelo. “Lakwe ngoLesa muumi weshi akabeeko kwalyoonse alyoonse. Bwaami bwakwe teshi bukanyonyoolweewo alimwi bulelo bwakwe teshi bukamaneewo.

Bene Lefi 22:20

Ono na wabenga munyama uli woonse ucite kampenda, Mwaami Lesa teshi akamutambule.

Bene Ebulu 11:21

Ndushomo lwakalengesha ayi Jakobo, kaatana kufwa ape coolwe bana bakwe Josefu boonse. Mpeeke wakayaamina pankoli yakwe akulambila Lesa.

Bene Ebulu 9:9

Shoonse ishi ncikoshanyo ca ciindi cino. Nkokwaamba ayi milambu ya banyama alimwi ashipo shimwi shoonse tashikoonshi kulengesha moyo wa muntu ulambila Lesa kululama cancinencine.

Milimo ya Batumwi 14:15

“Mutoocitilanshi bobulya? Swebo tuli bantubo bweenka mbuli ndimwe. Twakesa mukumushimikila Makani Abotu kwaamba ayi musanduke kuswa kushintu sha mushobo wooyu shitaaku mboshibete, akusandukila kuli Lesa muumi uyo wakalenga liculu, cishi ca panshi alweenge alimwi ashintu shoonse shili muli nshisho.

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

Dutolonomi 17:1

“Kuteelesha kubenga ŋombe nabi mbelele icite kampenda kali koonse kuMwaami Lesa, Lesa wanu ayi ngumulambu, mukwiinga ico Mwaami Lesa ulicipatite.

Bene Ebulu 9:7

Sombi mupailishi munene eenkabo ngowakalinga kwinjila mucipinda ca mukati alimwi ndinkanda lyomwibo pamwaaka. Wakalinga kwinjila abulowa ubo mbwaakalinga kupa kuli Lesa ceebo ca shibiibi shakwe mwiine alimwi asha bantu isho nshebakacita kabateshi.

1 Timoti 3:15

na ndaceelwa kwisa, makani aya eenka akakuboneshe bantu mbobeelete kwikala muŊanda yakwe Lesa, iyo ili ncecoonde cakwe Lesa muumi. Coonde ndyelicinko lya lushinisho alwiimbi lwa ndulo.

1 Bene Tesalonika 1:9

Bantu boonse aba balaamba mbuli mbomwakatutambula kabotu nditwakamufwakashisha uko, ambomwakacileka kulambila shibumbwabumbwa kwaamba ayi mulambile akusebenselabo Lesa wancinencine, muumi.

Milimo ya Batumwi 1:2

kushikila bushiku ndyaakatolwa kwiculu. Sombi kaatana kutolwa kwiculu, kwiinda munkusu sha Mushimu Usalashi, Jesu wakalwiita batumwi abo mbwaakasala nshebakalinga kweelete kucita.

Luka 12:28

Ono na Lesa ulafwalika boobo bwiisu ubo bucita sunu mpobuli, sombi ciilo bwapya, sa mwebo inga taamufwaliki kwiindaawo? Kuceya lushomo ndomucite mwebo nobantu!

Luka 12:24

Amuyeeye bacikwangala, tabashangi, tabatebuli, tabacite ŋanda shakusungilaamo shintu nabi matala. Sombi Lesa ulabasanina. Sa tamwishi kwaamba ayi mulayandika abuumbi kuli Lesa kwiinda bayuni?

Mateyo 12:28

Teshi Bilusebulu, sombi nguMushimu Usalashi wakwe Lesa uyo umpa nkusu shakukusha bashikaswa. Nkokwaamba ayi Bweene bwakwe Lesa bwesa kuli ndimwe.

Mateyo 7:11

Ono na mwebo, nobantu nobashishibi kamwishi kupa bana banu shintu shibotu, ino lakwe Ishiwanu wa kwiculu inga waalilwa buyani kupa baabo bamusenga?

2 Samwelo 4:11

Ino citokweela kuli pali ndimwe nobakapondobo, nomwakaya mukucaya muntu muŋanda yakwe, pabulo bwakwe alimwi utacite mulandu? Ee, ndyeelete kuboosha cishole cakucaya Ishibosheti, kwiinda mukumulobya amwebo ayi mutakabonekiwo tubili pacishi ca panshi!”

Dutolonomi 33:27

Lesa ngoomufuna lyoonse, maansaakwe amuyayaya ngaamulama. Ulatanda balwani kunembo lyanu, akumwaambila ayi mubanyonyoole.

Shakubelenga 28:11

“Pabushiku butaanshi bwa mweenshi uli woonse balyeelete kubenga mulambu wakutenta kuli ndime neMwaami Lesa, nkokwaamba ayi bacende baana bobilo, mbelele isankwa, bana ba mbelele basankwa bosanwe abobilo bacite mwaaka womwi, shoonse kashitacite kampenda.

Bene Loma 1:4

Sombi Mushimu Usalashi wakatondesha cankusu ayi ngoMwanaakwe Lesa kwiinda mukumubusha kuswa kubafu. Uyu nguMwaami wesu Jesu Klistu.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Dutolonomi 15:21

Sombi na kwaboneka kampenda kucifubwa comwi, nkokwaamba ayi ncilema myeendo nabi ayi tacilashi, ingayi cifubwa ico taceelete kubengwa kuMwaami Lesa, Lesa wanu ayi ngumulambu.

Shakubelenga 28:3

Mulambu wa cakulya weelete kubengwa kuli ndime neMwaami Lesa ngooyu. Bana ba mbelele bobilo basankwa bacite mwaaka womwi alimwi batacite kampenda ayi ngumulambu wakutenta pabushiku abushiku.

Isaya 53:9

Cuumbwe cakwe cakabambana asha bamucita shibi alimwi ashuumbwe sha babile. Nakubi kwaamba ayi lakwe taakwe kucitawo cibiibi nabi kubecaawo.”

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Jobo 15:16

ino mbuyani kumuntu ulensha nsoni alimwi shikubisha? Ndushinisho kumuntu kubisha kulibo anga nkunwa maanshi!

2 Baami 19:16

Ono noBaami baLesa, amubone shoonse shitoocitika kuli ndiswe. NobaLesa boomi, amukutike shintu shoonse Senakelibu nshaatokwaamba mukumucobola.

1 Samwelo 17:26

Mpeeke Defedi wakeepusha basankwa bakalinga pafwaafwi ayi, “Ino musankwa weshi akacaaye mwine Filisiti ulya akukusha malwesa ngwaatoolamba bene Isilaeli, ulaakucitilwa buyani? Alimwi lakwe ngumwine Filisiti buyani, utapalwitwe, weenga kaanyansha likoto lya bashilumamba bakwe Lesa muumi?”

Dutolonomi 5:26

Sa kuliiwo muntu wakacaala kaali muumi na wamana kunyumfwa Lesa muumi kaamba kuli nguwe mumulilo?

Shakubelenga 28:9

“Ono pabushiku bwakookesha bwa Cibelu balyeelete kubenga bana ba mbelele bobilo basankwa bacite mwaaka womwi alimwi batacite kampenda, makilogilamu obilo a fulaulo upelekete usenkene amafuta a olifi ayi ncipo ca fulaulo pantu pomwi acipo ca cakunwa.

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Dutolonomi 31:27

Nebo ndishi bwaashu abushicimpamya mbobacite. Balo bakalinga kwaashukila Mwaami Lesa nebo kaancili muumi, ono cilaakweela kuli na nkafwe!

Kulonga 12:5

Mulakonsha kusala mwanaambelele nabi mwanaampongo, sombi ulyeelete kuba mucende wa mwaaka womwi alimwi utacite kampenda.

Kulumbaisha 51:2

Amunsaanshe kulubisha kwangu koonse, akunsalasha kuswa kushibiibi shangu.

Esekelo 45:18

Mwaami Lesa Shinkusu shoonse wakaamba ayi, “Pabushiku bwakutaanguna mumweenshi wakutaanguna mulyeelete kubenga mucende mwaana utacite kampenda ayi ngumulambu wakusalasha Ŋanda yangu.

Mateyo 16:16

Simoni Pita wakakumbula ayi, “Ndimwe Usalitwe ulya, Mwanaakwe Lesa muumi.”

Milimo ya Batumwi 15:9

Taakwe kuboneshaawo bupusano pakati pali ndiswe ambabo mukwiinga wakasalasha myoyo yabo abalo ceebo bakashoma.

1 Bene Kolinto 15:45

Ceebo Malembo akwe Lesa alaamba ayi, “Adamu muntu mutaanshi wakalengwa ayi abe muumi.” Sombi Adamu mucaalishi nguMushimu upa buumi.

Bene Ebulu 3:12

Nobamakwesu, amucenjele kwaamba ayi mutabi muntu nabi womwi mulikoto lyanu, ucite moyo ubiibi alimwi utashomi, weenga wamukusha kuli Lesa muumi.

Bene Ebulu 7:16

Lakwe taakwe kuba mupailishi kwiinda mumilawo yaamba palunyungu mwaakashalwa, sombi wakaba mupailishi kwiinda munkusu sha buumi bwakwe butamaani.

Bene Ebulu 9:26

mukwiinga ubo naakalinga kupenshekwa lyoonse, kuswa kumalengelo a cishi. Sombi wakabonekabo linkanda lyomwi kwiimikanina boonse mulishalane lino lya mamanino, kwaamba ayi akushe shibiibi kwiinda mukulibenga kwakwe.

Bene Ebulu 10:10

Ceebo Jesu Klistu wakacita ceeco Lesa ncaakalinga kusuni ayi acite, twakasalashikwa kwiinda mukubenga mubili wakwe linkanda lyomwibo ndondoli kwiimikanina bantu boonse.

Bene Ebulu 10:12

Sombi Klistu lakwe wakalibengabo linkanda lyomwi ayi abe mulambu wakukusha shibiibi. Mulambu uyu ulicite nkusu lyoonse. Ndyaakamana kulibenga, wakaya mukwikala kululyo lwakwe Lesa.

Bene Ebulu 13:12

Nceceeco Jesu alakwe ncaakafwita pansengwe lya ndabala inene, kwaamba ayi asalashe bantu kuswa kushibiibi shabo kwiinda mubulowa bwakwe mwiine.