Bene Ebulu 8:9 - Baibo Busansulushi Bwa Libuku Ili

⁹ Teshi cikabe mbuli ceeco cakalinga pakati ka bamashali babo bakulukulu ndindakabatanjilila kuswa muIjipiti. Tabakwe kutolelela kucita kweelana ambotwakapangana, aboobo, ndakabasuula.

Bene Ebulu 8:9 교차 참조

Jelemiya 31:32

Teshi cikabe mbuli ceeco cakalinga pakati ka bamashali babo bakulukulu ciindi ndindakabatanjilila kuswa muIjipiti. Nakubi kwaamba ayi nebo ndakalinga mbuli ibaabo, balo tabakwe kulama cipangano ici, sobwe.

Bene Galatiya 4:24

Makani aya ali anga ncikoshanyo. Banakashi bobilo aba baleemikanina shipangano shobilo. Umwi ulaswa kuKalundu ka Sinayi, nkokwaamba ayi nguAga alimwi bana bakwe mbasha.

Maako 8:23

Mpomunyaawo Jesu wakacata moofu palyaansa akumukusha mumushi. Lyalo wakamushipila mate mumeenso akumucata pameenso. Mpeeke Jesu wakamwiipusha ayi, “Sa kuli ncewabonaawo?”

Milimo ya Batumwi 13:11

Ono cino ciindi ceenka Mwaami Lesa utookoombolosha akukupa mulandu. Utoopofola, aboobo teshi unoolibonaawo lisuba kwaciindi ceelete.” Paciindi ceenka ico Elimasi wakapofola. Lyalo wakatalika kupulumpunta, kulangoola muntu wakumucatilila kulyaansa akumutanjilila.

Milimo ya Batumwi 9:8

Saulo wakanyamuka, sombi ndyaakashinshibatuka, taaku ncaakalinga kubona. Aboobo, abo mbwaakalingaabo bakamucatililabo kulyaansa akuyaakwe muDamasikasi.

Malaki 2:13

Cintu cimwi ncemucita nkutontosha cipaililo ca Mwaami Lesa aminsonshi. Mulalila buumpute amibila mukwiinga ono Lesa ulasuula milambu yanu alimwi taitambuli cakukondwa.

Amosi 5:22

Nabi mukandetele milambu yakutenta, kubikaawo ashipo shanu sha fulaulo, teshi nkashitambuleewo. Nabi mukandetele milambu ya bwanabwankashi ili buyani, teshi nkeetambuleewo, sobwe.

Esekelo 16:59

Mwaami Lesa Shinkusu shoonse waamba ayi, “Ndaakukucita kweelana amboweelete ceebo wakasuula kushomesha kwako akupwaya cipangano cangu.

Esekelo 16:8

“ ‘Ndindakeendilako lwabili, ndakakulanga akubona ayi wakomena cakweelela kweebwa. Lyalo ndakafungulula cisani cangu nkocibetele kweela akukufweka ayi utanokweenda matakosha. Ndakashomesha cakulumbila kuli ndiwe akupanga cipangano andiwe. Kuswawaawo wakaba waangu. Nebo neMwaami Lesa Shinkusu shoonse ndaamba.

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Lwiimbo lwakwe Solomoni 8:5

Ngani uyo utoosa kuswa kuluyanga ucatene lyaansa alyaansa ausunikwi wakwe? Munshaacisamu ca maapo mondakubusha, ee, mumusena mweenka mowakashalilwa.

Kulumbaisha 105:43

Munshila iyi wakakusha bantu bakwe cakusangalala. Bantu abo mbwaakasala bakeemba akoolobesha cakukondwa.

Kulumbaisha 78:57

Tebakalinga kushomeka mbuli bamashali babo bakulukulu. Tebakalinga kushomeka bweenka mufwi usendeme mbootashomeki.

Kulumbaisha 77:20

Mwakatanjilila bantu banu anga nditanga lya mbelele, Mwakabatanjilila kwiinda muli Mose aAloni.

Jobo 8:20

“Ndushinisho Lesa teshi akakake muntu ushomeka alimwi teshi akacafwewo muntu ucita shibiibi.

Dutolonomi 29:25

Ono kukumbula kulaakuba kwakwaamba ayi, ‘Ceebo bantu aba bakapwaya cipangano ico Mwaami Lesa, Lesa wa bamashali babo bakulukulu ncaakapanga ambabo paciindi ndyaakalinga kubakusha mucishi ca Ijipiti.

Dutolonomi 29:12

Mwebo muli waano sunu ayi musumine cipangano ico Mwaami Lesa, Lesa wanu, ncaatoopanga amwebo mukushomesha cakulumbila,

Dutolonomi 29:1

Maswi aya nga mucipangano ca Mwaami Lesa ico ncaakaambila Mose ayi apange abene Isilaeli mucishi ca Moabu. Uku nkwiilikoobo pacipangano cakwe ambabo paKalundu ka Sinayi.

Kulonga 34:10

Mwaami Lesa wakaambila Mose ayi, “Ono bulya ntoopangana abene Isilaeli. Ndaakucita shintu shinene pameenso abo, isho shitana kucitikwaawo pakati ka mishobo imwi mucishi coonse ca panshi. Bantu boonse balaakubona shintu shikankamika isho nebo neMwaami Lesa nsheenga ndamucitila.

Matalikilo 19:16

Loti wakatonshatonsha. Nacibi boobo Mwaami Lesa wakamufwita nkumbu. Aboobo basankwa balya bakacata Loti, mukaakwe, abana bakwe banakashi pamaansa akubakusha mundabala iyo.

Isaya 41:13

Ceebo nebo ndime Mwaami Lesa, Lesa wanu. Ndime wooyo umucatilila pamaansa anu alulyo akumwaambila ayi, ‘Mutaloondi, ndaakumucafwa.’ ”

Malilo 4:16

Mwaami Lesa mwiine ngowakabapalanganya, taababikiiko amaano, sobwe. Bapailishi taabapiwo bulemu, abalo bamaloba babo taabanyumfwiliwo nkumbu.

Isaya 51:18

Ono kwabula nabi womwi pabana banu wakumutanjilila. Ncakwiila pabaana boonse mbomwakalela tekwakalinga nabi womwi wakamucatililaako palyaansa.

Kulonga 32:8

Baswa kale munshila iyo njendakabalwiita ayi banookonkela. Basungulula golodi akupanga mucende mwaana wa golodi. Bamulambila alimwi akubenga milambu kuli nguwe. Batokwaamba ayi, ‘Nobene Isilaeli, uyu ngolesa wesu, uyo wakatukusha muIjipiti!’ ”

Milimo ya Batumwi 7:36

Mose wakatanjilila bantu aba pakuswa muIjipiti. Wakacita shaankamiko alimwi ashitondesho sha nkusu sha kwiculu muIjipiti, paLweenge Lusalala alimwi amuluyanga myaaka ili makumi one.