Bene Ebulu 7:26 - Baibo Busansulushi Bwa Libuku Ili

²⁶ Jesu anu ngoMupailishi Munene utucafwa munshila shoonse shiyandika. Ulisalalite alimwi taacite kampenda nabi bubi muli nguwe. Wakapusanishikwa abamucita shibi alimwi wakasumpulwa kwiinda shoonse sha kwiculu.

Bene Ebulu 7:26 교차 참조

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

1 Joni 2:2

Lakwe ngomulambu Lesa mwaalekelelela shibiibi shesu alimwi teshibo sheesu sheenka, sombi ashibiibi sha bantu boonse.

Bene Ebulu 8:1

Makani eene eene ngakwaamba ayi tulicite Mupailishi Munene wa mbuli wooyu, uyo ushiite kululyo lwa cuuna ca bwaami cakwe Lesa Wiindaawo kwiculu.

1 Pita 2:22

Lakwe taakwe kucitawo cibiibi nabi kubecaawo.

1 Joni 3:5

Kweelana ambomwishi, Klistu wakesa mukukusha shibiibi, alimwi muli nguwe taamu cibiibi nabi comwi.

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.

Bene Ebulu 9:14

Ncakwiila bulowa bwakwe Klistu bwalo buleendaawo nkusu. Bulakonsha kutucitila shiindaawo. Kwiinda muMushimu utamaani, wakalibenga kuli Lesa anga ngumulambu utacite kampenda. Bulowa bwakwe bulasalasha myoyo yesu kumicito itacite ncito, kwaamba ayi tusebensele Lesa muumi.

Bene Ebulu 1:3

Muli nguwe mulaboneka kumweka kwa bulemu bwakwe Lesa alimwi ncecikoshanyo ciine ca bube bucite Lesa. Ngoolengesha shintu shoonse mucishi ca panshi kuba bweenka mboshibete kwiinda mumaswi akwe a nkusu. Ndyaakamana kulengesha Lesa kulekelela shibiibi sha bantu, wakaya kwiculu mukwikala kululyo lwakwe Lesa Shinkusu shiindaawo.

Luka 23:47

Mpomunyaawo munene wa bashilumamba mwaanda ndyaakabona boobo, wakalumbaisha Lesa akwaamba ayi, “Ncakwiila uyu muntu wakalinga kululeme!”

Luka 23:41

sombi swebo tulyeelete kupopwa mukwiinga tutootambula cilambu ceelete pashintu nshetwalinga kucita. Ono lakwe uyu taaku cibiibi ncaakacita.”

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.

1 Pita 1:19

Wakamulubula kwiinda mubulowa buyandika abuumbi bwakwe Klistu, uyo wakalinga anga ngumwanaambelele utacite kampenda nabi cimeenga.

Bene Ebulu 7:11

Milawo yakapekwa bene Isilaeli yakapekwa kweendelana abupailishi bwa bene Lefi. Ono bapailishi bamulunyungu lwakwe Lefi nebakasebensela Lesa kweelana ambocakalinga kuyandika, naakwiinga takuyandiki mupailishi umwi upusene ambabo, wa wooyo uswa mumushobo wa bupailishi bwakalinga kucite Melikisedeki, kuteshi Aloni.

Bene Ebulu 2:10

Cakalinga kweelete kuli Lesa, uyo wakalenga akulama shintu shoonse, ayi kwiinda mumapensho, abike Jesu pamusena wakuleta bana bakwe baanji ayi babe anguwe mubulemu bwakwe. Ceebo nguJesu ubatanjilila kulupulusho.

Milimo ya Batumwi 4:27

Ndushinisho Elodi aPontyasi Pilato bakabungana mundabala inene ino, pantu pomwi abaswamashi bakunsengwe alimwi abene Isilaeli, ayi babukile Jesu, Musebenshi wanu usalalite, uyo ngomwakalengesha ayi abe Usalitwe wanu.

Milimo ya Batumwi 3:14

Jesu wakalinga muntu usalalite alimwi ululeme. Sombi mwebo mwakamukaka akusenga Pilato ayi amwaangulwite mucayi.

Joni 14:30

Teshi ntolelele kwaamba amwebo mukwiinga mwaami wa mucishi ca panshi utoosa. Taacite nkusu pali ndime,

Joni 8:29

Uyo wakantuma uli anebo, taakwe kunshiya neenka mukwiinga lyoonse ndacita shimukondelesha.”

Luka 24:46

Wakabaambila ayi, “Mbulya mbocilembetwe muMalembo ayi Usalitwe wakwe Lesa ulyeelete kupenshekwa akubuka kuswa kubafu pabushiku bwatatu.

Luka 24:26

Sa tecalinga kweelete ayi Usalitwe apenshekwe mushobo uyo kwaamba ayi enjile mubulemu bwakwe?”

Luka 23:22

Pilato wakabaambila lyatatu ayi, “Ono amundwiite, ncibiibinshi ncaacita? Nebo ndacana kwaamba ayi taaku cibiibi ncaakacita nceenga wafwitaawo. Paceebo ceeco ntoomukwipabo mwaangulule.”

Luka 1:35

Munjelo wakakumbula ayi, “Mushimu Usalashi ulaakwisa pali ndiwe ankusu shakwe Lesa wiindaawo shilaakukufwekelela. Aboobo mwaana usalalite eshi akashalwe, ulaakunokwiitwa ayi Mwanaakwe Lesa.

Maako 16:19

Mwaami Jesu ndyaakamana kwaambaabo, wakatolwa kwiculu akuya mukwikala kululyo lwakwe Lesa.

Mateyo 27:18

Mukwiinga Pilato wakalinga kwishi ayi bakatola Jesu kuli nguwe ceebo bakamufwita munyono.

Isaya 53:9

Cuumbwe cakwe cakabambana asha bamucita shibi alimwi ashuumbwe sha babile. Nakubi kwaamba ayi lakwe taakwe kucitawo cibiibi nabi kubecaawo.”

Kulumbaisha 68:18

Ndimwakatanta kalundu mwakatolelela abakacatwa munkondo. Mwakatambula shipo kuswa kubantu, nabi kuswa kubaabo baashu kwaamba ayi mwebo noBaami baLesa mwikale kooko.

Kulonga 28:36

“Ukapange keela kapampamene ka golodi wiine wiine, akulembaawo ayi, ‘Wakabengwa kuMwaami Lesa.’

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.

Shakubelenga 29:26

“Pabushiku bwasanu, bakabenge bacende bosanwe abone, mbelele shisankwa shobilo alimwi abana ba mbelele basankwa bali likumi abone bacite mwaaka womwi. Shoonse ishi tasheelete kuba akampenda.

Bene Ebulu 2:17

Nkokwaamba ayi wakaba mbuli bamakwabo munshila shoonse, kwaamba ayi abe Mupailishi wabo Munene, ushomeka alimwi shinkumbu, mukusebensela Lesa ayi shibiibi sha bantu shilekelelwe.

Bene Ebulu 3:1

Nobamakwesu, nomwakeetwa kuli Lesa kwaamba ayi mube abuumi bwa kwiculu. Amuyeeye Jesu, Mutumwi alimwi Mupailishi Munene wa lushomo ndotushimikila.

Esekelo 44:27

Ono bushiku mbweenga wenjila mulubansa lwa mukati wa Ŋanda yangu kuya mukusebensela mumo, ulyeelete kubenga mulambu wakulekelelwa shibiibi. Nebo neMwaami Lesa Shinkusu shoonse ndaamba.