Bene Ebulu 6:18 - Baibo Busansulushi Bwa Libuku Ili

¹⁸ Anu shintu shobilo ishi, kushomesha alimwi akulumbila, shilaakucitika cancinencine alimwi Lesa inga taabeciiwo pali nshisho. Aboobo, Lesa wakalinga kutuyumyayumya sotwakacicila kuli nguwe, ayi tuyuminine mukulangila nkwaakatupa.

Bene Ebulu 6:18 교차 참조

Shakubelenga 23:19

Lesa taabete anga mbantu abo babeshi. Taabete anga ngumuntu upilula miyeeyo yakwe. Coonse nceenga walasha, ulacicita alimwi na waamba, ncaamba cilacitwa.

Taitasi 1:2

Lushinisho ulu luliimfwi pakulangila buumi butamaani ubo Lesa utabeci mbwaakatushomesha kale kale.

1 Samwelo 15:29

Lesa uyo uli mboBulemu bwa cishi ca Isilaeli, taabeci nabi kuyeeya bumbi. Taabete mbuli muntu upilooka mukuyeeya.”

2 Timoti 2:13

Na tatushomeki, lakwe ulatolelela kushomeka, ceebo taakoonshi kulikaka, sobwe.”

Bene Loma 3:4

Napaceyuubo! Lesa ulashomeka nabi bantu boonse mbabeshi. Mbweeke bwaamba Malembo akwe Lesa ayi, “Kulilabo na waamba, bantu balyeelete kwishiba ayi nshalushinisho. Alimwi lyoonse ulyeelete kucanikwa ayi toocite mulandu pakukoombolosha.”

Kulumbaisha 46:1

Lesa nceciyubilo cesu alimwi ngootupa nkusu, ulilibambite kutucafwa lyoonse ndituba mumapensho.

1 Joni 1:10

Na twaamba ayi tatuna kubishaawo, cilyeelenebo akwaamba ayi Lesa ngumubeshi alimwi maswi akwe taamo muli ndiswe.

Joshuwa 20:3

kwaamba ayi na muntu wacaya mubye mumapuso, kuteshi kashanga, walobokela nkuko mukulifuna kumuntu uyo weelete kuboosha cishole.

Isaya 51:12

Mwaami Lesa waamba ayi, “Nebo ee, nebo neenka ndime muumbulushi. Ceebonshi mutooloonda bantubo abo balibo anga mbwiisu,

Bene Ebulu 3:11

Ndakakalala akwaamba cakushinisha ayi, ‘Teshi bakenjileewo mumusena wangu mwakookeshesha.’ ”

1 Timoti 1:1

Ndime Paulo mutumwi wakwe Klistu Jesu kwiinda mukuyanda kwakwe Lesa Mupulushi wesu, aKlistu Jesu apo peemfwi kulangila kwesu.

Bene Loma 3:25

Lesa wakamwaaba ayi acaikwe kwaamba ayi lufu lwakwe lube nshila yakulekelelamo shibiibi sha bantu bashoma Jesu. Ici ncitondesho ca bululami bwakwe. Kale kale Lesa wakalinga kulangabo shibiibi sha bantu ceebo ca nkumbu shakwe shakulekelela.

Sekaliya 9:12

“Amuboole mwebo nomuli mucishi ca busha, ee, mwebo nomucite kulangila. Amupiluke kucishi uko nkomutacite cakulisukama. Bulya ndashomesha ayi ndaakumubooshesha shoolwe shobilo palipensho lyomwi alyomwi ilyo ndyemwakeendaamo.

Isaya 64:7

Taaku nabi womwi umupaila nabi ulwanisha kwaamba ayi mumucaafwe. Mwalishisa kuswa kuli ndiswe akutusuula ceebo ca shibiibi shesu.

Isaya 56:4

Mwaami Lesa waamba ayi, “Kubasankwa bakacaikwa lushalo balama bushiku bwakookesha bwa Cibelu, abo basala kucita sheesho shisangalasha alimwi batolelela kulama cipangano cangu,

Tushimpi 4:13

Uyumininebo kwiisha, kutakufutatila, sombi ukakulaame kabotu ceebo mbobuumi bwako.

Kulumbaisha 110:4

Mwaami Lesa wakashomesha cakulumbila alimwi teshi akayeeyewo bumbi. Wakaamba ayi, “Ulaakunoolibo mupailishi lyoonse, bupailishi ubo buli mbuli bwakalinga kucite Melikisedeki.”

1 Baami 2:28

Joabu, uyo wakalinga kulubasu lwakwe Adonija kuteshi kuli Abusalomu, ndyaakanyumfwa shakacitika, wakacicila kuTente ya Cipangano akucata mumakonko a cipaililo aboneka anga ngameeca.

1 Joni 5:10

Uyo woonse ushoma Mwanaakwe Lesa ulicite bukamboni ubu muli nguwe. Sombi uyo utashomi Lesa, ulapa Lesa bubeshi mukwiinga taakwe kushoma bukamboni Lesa mbwaakapa paMwanaakwe.

1 Timoti 6:12

Ulyeelete kulwana nkondo ibotu ya lushomo kwaamba ayi ukatambule buumi butamaani. Ceebo ici ncaakakwiitila Lesa bulya bushiku ndiwakaamba kabotu shalushomo lwako pameenso a bakamboni baanji.

Bene Loma 15:5

Ntoosenga Lesa ulengesha bantu ayi banookalika myoyo akuba bayumu mulushomo kwaamba ayi amucaafwe ayi munoonyumfwana kwiinda mukukonkela citondesho cakwe Klistu Jesu.

Bene Ebulu 11:7

Ndushomo lwakalengesha ayi Nowa anyumfwile sheesho Lesa nshaakamucenjesha, pashintu shakalinga kweelete kucitika kunembo kaatana kushibona. Wakacita kweelana abwakaamba Lesa kwiinda mukupanga bwaato, umo lakwe, bakaakwe alimwi abana bakwe mobakapulukila. Kwiinda munshila iyi Nowa wakabonesha bantu ba mucishi ca panshi ayi bakalinga kulubite, aboobo Lesa wakabanda Nowa ayi uliluleme kwiinda mukushoma nguwe.

1 Bene Tesalonika 1:10

Peculu lya waawo mutoolindilila Mwanaakwe kuswa kwiculu wiitwa ayi Jesu, uyo Lesa ngwaakabusha kuswa kubafu. Jesu uyo ngootufuna kuswa kubukali bwakwe Lesa.

Bene Kolose 1:27

Lakwe wakasuna kwaamba ayi baswamashi bakunsengwe boonse beshibe maswi ayo ancinencine. Ngamaswi abotu abuumbi, abubile bwa bulemu bwakwe ayo akalinga kushisitwe kubantu boonse. Maswi aya ngakwaamba ayi Klistu uli muli ndimwe alimwi ngoomupa kulangila kwa kutambula bulemu bwakwe Lesa.

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.

Luka 2:25

Ono muJelusalemu mwakalinga muntu wakalinga kwiitwa ayi Simyoni. Wakalinga muntu usalalite ulemeka Lesa alimwi wakalinga kulangila kupulushikwa kwa bene Isilaeli. Mushimu Usalashi wakalinga pali nguwe.

Mateyo 24:35

Liculu alimwi acishi ca panshi shilaakumana, sombi maswi angu teshi akamaneewo, sobwe.

Isaya 27:5

Ono na balwani ba bantu bangu balisuni ayi noobatabilila, bataangune kusuminishanya luumuno anebo. Ncakwiila abasuminishanye luumuno anebo.”

Matalikilo 19:22

Kweendesha! Cica! Nshikoonshi kucita cintu nabi comwi kootana kushika kulya.” Ono mukwiinga Loti wakaamba ayi ndabala ilya njiniini, yakeetikwa ayi Sowa.

Bene Ebulu 7:21

Sombi Jesu wakaba mupailishi kwiinda mukulumbila, Lesa ndyaakaamba kuli nguwe ayi, “Nebo neMwaami ndalumbila alimwi teshi nkayeeyewo bumbi ayi, ‘Ulaakunoolibo mupailishi lyoonse.’ ”

Bene Ebulu 3:6

Sombi Klistu mukuba Mwanaakwe Lesa, ulashomeka mukweendelesha bantu bakwe Lesa boonse. Nkokwaamba ayi swebo tuli bantu bakwe Lesa na twatolelela kutaloonda alimwi akulisumpwita mushintu ishi nshetutoolangila.

Bene Kolose 1:5

Ono makani ancinencine, nkokwaamba ayi Makani Abotu, ndyaakashimikilwa kuli ndimwe pakutaanguna, mwakanyumfwa shakulangila shiliimo. Aboobo mulicite lushomo alimwi alusuno ceebo ca sheesho nshemutoolangila, isho Lesa nshaakamubambila kabotu kwiculu.

Bene Filipi 2:1

Na muli kuyuminishikwa muli Klistu, na muli lucafwo mulusuno lwakwe, na muli bwanabwankashi muMushimu Usalashi alimwi kunyumfwilana nkumbu,

Mateyo 3:7

Ono Joni ndyaakabona baFalisi abaSaduki baanji kabesa kuli nguwe mukubombekwa, wakabaambila ayi, “Nobana ba nsoka mwebo! Ngani wamucenjesha kuloonda bukali bwakwe Lesa butoosa?

Tushimpi 3:18

Busongo buli anga cisamu cipa buumi kubaabo babukakatila alimwi bulapa coolwe kubantu babucatisha.

Kulumbaisha 62:8

Mwebo nobantu amucinke manungo muli nguwe ciindi coonse, Amumulwiite mapensho anu oonse, ceebo Lesa eenka nceciyubilo cesu.

Bene Loma 5:5

Akwalo kulangila uku takutulenshi nsoni ceebo Lesa ulitusuni abuumbi kwiinda muMushimu Usalashi uyo ngwaakatupa.

Bene Ebulu 6:17

Lesa wakayanda kubonesha baabo beshi bakatambule sheesho nshaakashomesha ayi ulaakucita kweelana akubamba kwakwe. Nceceeco ncaakalumbilila akukonkomesha mukushomesha kwakwe.

Bene Ebulu 7:19

Mukwiinga Milawo yakwe Mose taikwe kululika muntu nabi womwi. Sombi bulya tulicite kulangila kwiindaawo kubota uko kutusenya kufwaafwi aLesa.