Bene Ebulu 2:8 - Baibo Busansulushi Bwa Libuku Ili

⁸ akumupa bweendeleshi bwa shintu shoonse.” Twanyuumfwa ayi Lesa wakapa muntu bweendeleshi bwa shintu shoonse. Ici cilaamba ayi taaku cintu citabete mubweendeleshi bwakwe. Nakubi boobo abobulya muntu tatumuboniiwo kweendelesha shintu shoonse.

Bene Ebulu 2:8 교차 참조

Joni 13:3

Jesu wakalinga kwishi ayi wakapekwa shintu shoonse mumaansaakwe. Wakalinga kwishi alimwi ayi wakaswa kuli Lesa alimwi ulaakuboolela kuli nguwe.

1 Bene Kolinto 15:27

Ceebo Malembo akwe Lesa alaamba ayi, “Lesa wakalengesha ayi shintu shoonse shibe mpopakulyata myeendo yakwe.” Cilibwenekete patuba ayi maswi aamba ayi, “Shintu shoonse,” taabikiiko aLesa mwiine, uyo ubika shintu shoonse munkusu shakwe Jesu.

Kulumbaisha 8:6

Mwakamupa nkusu shakulela shintu shoonse nshemwakalenga, ncakwiila mwakamupa bweendeleshi bwa shintu shoonse.

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Ciyubululo 1:18

Ndime Wooyo Muumi! Ndakalinga kufwite, sombi ndi muumi ono, alimwi ndaakunoolibo muumi lyoonsebo. Ndicite nkusu palufu alimwi amusena wa bafu.

Bene Ebulu 1:13

Alimwi Lesa taakwe kwaambilawo kale munjelo wakwe nabi womwi ayi, “Kala kulyaansa lyangu lyalulyo, kushikila nkaalule balwani bako kwaamba ayi babe mpopakulyata myeendo yako.”

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Bene Ebulu 2:5

Lesa taakwe kubika baanjelo pabweendeleshi bwa cishi citoosa ico ncetutokwaambaawo.

Joni 3:35

Ishi ulimusuni Mwanaakwe alimwi shintu shoonse wakashibika mumaansaakwe.

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Bene Ebulu 1:2

Sombi munshiku shino shakweelaako, ulaamba kuli ndiswe kwiinda muMwanaakwe. Muli nguwe Lesa wakalenga cishi alimwi ngonguwe ngwaakasala kuba mwine shintu shoonse.