Bene Ebulu 13:4 - Baibo Busansulushi Bwa Libuku Ili

⁴ Cikwati kamucilemeka noonse alimwi basankwa abamakaabo balyeelete kunooshomeka kuli womwi awomwi mukwiinga Lesa ulaakoombolosha akupa mulandu bafuule alimwi abeshibulale.

Bene Ebulu 13:4 교차 참조

Matalikilo 2:24

Paceebo ceeci musankwa ulaakushiya baishi abanyina akupaankana amukaakwe, lyalo balaba munyefu yomwi.

Bene Galatiya 5:19

Ono milimo ya buntu ilibwenekete patuba, njeeyi, bufuule, kutanoosalalite, kutalitibuka, kucita shintu shitaluleme,

Bene Galatiya 5:21

lunkumbwa, bucakolwa alimwi ashimwi sha mushobo wooyu. Ntoomucenjeshaako ono bweenka mbuli mbondakamucenjeshawo kale ayi abo bacita sha mushobo wooyu teshi bakenjileewo muBweene bwakwe Lesa.

1 Bene Kolinto 6:9

Sa tamwishi kwaamba ayi beshishibiibi boonse teshi bakenjile muBweene bwakwe Lesa? Mutalibeeci, boonse bafuule, balambila shibumbwabumbwa, beshibulale, basankwa boona abasankwanyinaabo,

Bene Efeso 5:5

Mulyeelete kwishiba cancinencine ayi taakuuwo mufuule, uyo ucita shitaluleme, nabi shikukumbwa camunyono shintu sha bamwi (mukwiinga lunkumbwa lwa munyono lulaba ngolesa wabo) weshi akatambuleko Bweene bwakwe Klistu alimwi aLesa.

1 Timoti 3:12

Bacafwi ba coonde balyeelete kuba bantu beebete mwanakashi womwi womwi, beendelesha kabotu bana babo abamumaanda abo.

1 Timoti 3:4

Ulyeelete kweendelesha kabotu bamuŋanda yakwe akulengesha bana bakwe kumunyumfwila akumulemeka munshila shoonse.

1 Bene Kolinto 7:38

Ono aboobo alakwe weenga weeba wacita kabotu, sombi uyo utakwe kweeba, weendaawo kucita kabotu.

Matalikilo 2:21

Lyalo Mwaami Lesa wakalengesha musankwa uyo koona cakufwa. Kaacilete, Lesa wakakusha lipinga lyomwi akuboosheshaawo munyefu pamusena wa ndilyo.

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.

Taitasi 1:6

Mutanjilili ulyeelete kuba muntu utacite kampenda, weebetebo mwanakashi womwi alimwi bana bakwe balyeelete kuba bashomi kuteshi bacite mpuwo yakucita shintu shibiibi nabi kutanyumfwa.

1 Timoti 5:14

Nceceeco nceensunini ayi bamukalubinje banakashi bacanike beebwe, babe abaana akubamba maandaabo kwaamba ayi balwani besu babule pakutubekeshesha.

1 Timoti 4:3

Balo baleeisha ayi kweeba akulya shakulya shimwi ncibiibi. Sombi Lesa wakalenga shakulya kwaamba ayi bashomi abo bakashiba shalushinisho banoolya, na bamana kulumba Lesa.

2 Bene Kolinto 5:10

Ceebo soonse tulyeelete kuya mukwiimikana pameenso akwe Klistu ayi atoomboloshe. Muntu woonse ulaakutambula ncaaelete kweelana ashoonse nshaakacita, shibotu nabi shibiibi mubuumi bwa buntu buno.

1 Bene Kolinto 9:5

Sa tatweelete kweenda abamakeesu bashoma motuya mbuli batumwi bamwi, bamakwabo Jesu alimwi aPita?

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

1 Timoti 3:2

Mutanjilili ulyeelete kuba muntu utacite kampenda, weebetebo mwanakashi womwi, ulibika mpaaelete, ulitibuka, ulemekwa, shikutambula beensu, ukonsha kwiisha bantu.

Isaya 8:3

Mukuya kwanshiku bakaangu bakamita akushala mwaana musankwa. Mpeeke Mwaami Lesa wakaamba ayi, “Mutumbe ayi Maa Shalali Ashi Basi.

2 Baami 22:14

Lyalo Ilikiya, Ayikamu, Akibo, Shafani alimwi aAsaya bakaya mukwiipusha kuli Ulida, mulaluki mwanakashi wakalinga kwikala cipansha cipya ca Jelusalemu. Shalumu mwanaakwe Tikifwa mwishikulu wakwe Ayasi wakalinga ngoibaye. Shalumu wakalinga kulama shisani sha muŊanda yakwe Lesa. Mpeeke bakamulwiita isho shakacitika.

Bene Ebulu 12:16

Mulyeelete kucenjela kwaamba ayi kutabi mufuule nabi womwi mulikoto lyanu, nabi muntu ucobola Lesa mbuli Esau, uyo wakoolisha bunene bwakwe ceebo ca cakulya ca linkanda lyomwibo.

Bene Lefi 18:20

“Utakumani amuka mwiine ceebo inga cakulengesha kutanoosalalite kweelana aMilawo.

Dutolonomi 22:22

“Ono na musankwa umwi wapukilwa kumuka mwiine, boonse bobilo balyeelete kucaikwa. Munshila iyi mulaakukusha bubi ubu pakati kanu.

1 Bene Kolinto 6:18

Bufuule kamubutalamuka. Shibiibi shimwi shoonse shicita muntu tashibishi mubili wakwe, sombi cibiibi ca bufuule cilabisha mubili wakwe mwiine.

1 Bene Tesalonika 4:6

Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.

Bene Lefi 15:18

Na musankwa amwanakashi bakumana, boonse bobilo balyeelete kusamba. Nakubi boobo teshi bakanoosalalite kushikila macolesha.

Jobo 31:12

Cibiibi ico cili anga ngumulilo unyonyoola shoonse, ndushinisho mulilo uyo ukonsha kunyonyoola shoonse nsheencite.