Bene Ebulu 11:6 - Baibo Busansulushi Bwa Libuku Ili

⁶ Taaku muntu weenga wakondelesha Lesa kaatacite lushomo. Mukwiinga uyo woonse usuni kusena kuli Lesa ulyeelete kushoma ayi Lesa mpwaali alimwi ayi ulapa shilambu kubantu abo bamuyandoola.

Bene Ebulu 11:6 교차 참조

Tushimpi 8:17

Nebo nebusongo ndisuni bantu abo bansuni. Abo boonse banyandoola cankusu, balancana.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

Luka 12:31

Aboobo amuyandoole Bweene bwakwe Lesa, lyalo Lesa ulaakumupa shintu shoonse ishi.

Kulumbaisha 119:10

Ndeelesha kumusebensela amoyo wangu woonse. Mutandeeki ayi nswe kumilawo yanu.

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

Bene Loma 10:14

Ino inga bantu basenga buyani kuli Lesa ngobatana kushoma? Inga bashoma buyani Lesa kabatana kunyumfwa shapali nguwe? Ino alimwi inga banyumfwa buyani na taaku shikushimikila makani ayo?

Bene Ebulu 3:12

Nobamakwesu, amucenjele kwaamba ayi mutabi muntu nabi womwi mulikoto lyanu, ucite moyo ubiibi alimwi utashomi, weenga wamukusha kuli Lesa muumi.

Kulumbaisha 73:28

Sombi nebo ndikondetwe kuba pafwaafwi aLesa. Mwaami Lesa Shinkusu shoonse waba nceciyubilo cangu. Ncakwiila nebo ndaakushimikila shamicito yakwe yoonse.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

2 Pita 1:5

Paceebo ceeco, amusebense cankusu kwaamba ayi mwiilike bwikaalo bubotu palushomo lwanu alimwi pabwikaalo bubotu, mwiilikewo lushibo.

Bene Ebulu 4:6

Lesa wakabamba ayi bamwi benjile mukookesha uko. Sombi abo bakataanguna kunyumfwa Makani Abotu tabakwe kwinjilaamo ceebo bakakaka kushoma shakaamba Lesa.

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

2 Pita 3:14

Paceebo ceeco nomusunikwi, pakunoolindila kwisa kwa Bushiku ubu, amusebense cankusu kwaamba ayi mukacanike kamuli muluumuno, kamusalalite alimwi kamutacite kampenda pameenso akwe Lesa.

Shakubelenga 14:11

Mpomunyaawo Mwaami Lesa wakaambila Mose ayi, “Ino bantu aba batootola ciindi cilaamfu buyani kabankaka? Ino batootola ciindi cilaamfu buyani kabacikaka kushoma muli ndime, nakubi kwaamba ayi ndacita shaankamiko shiinji pali mbabo?

Joni 8:24

Ncendamulwiitila ayi, ‘Mulaakufwabo mushibiibi shanu.’ Na mubule kushoma ayi ndime wooyo ngoontoolyaamba, ncakwiila mulaakufwabo mushibiibi shanu.”

2 Pita 1:10

Paceebo ceeco nobamakwesu, amwiindilishe kusebensa cankusu ayi mushinishe kwaamba ayi kwiitwa alimwi akusalwa kwanu kwakaswa kuli Lesa. Na mwacita boobo, teshi mukaweewo,

Bene Ebulu 7:19

Mukwiinga Milawo yakwe Mose taikwe kululika muntu nabi womwi. Sombi bulya tulicite kulangila kwiindaawo kubota uko kutusenya kufwaafwi aLesa.

Kulumbaisha 78:32

Nakubi kwaamba ayi shoonse ishi shakacitika, bantu bakatolelela kubisha. Ncakwiila nakubi kwaamba ayi shaankamiko shakacitwa tabakwe kucinka manungo muli nguwe.

Bene Ebulu 4:2

Mukwiinga aswebo twakanyumfwa Makani Abotu bweenka mbuli mbabo. Sombi taaku bubotu mbobakacanaamo mukwiinga bakanyumfwabo, ono tabakwe kushoma.

Tushimpi 11:18

Bamucita shibi taaku mpindu njebapekwaawo, sombi bacita shiluleme balapekwa shilambu.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Shakubelenga 20:12

Sombi Mwaami Lesa wakakalalila Mose aAloni akwaamba ayi, “Mukwiinga tamukwe kunshoma cakundemeka ayi ndisalalite pameenso abene Isilaeli, anu teshi mukabatanjilile kuya mucishi ncendakalasha kubapa.”

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Bene Ebulu 11:26

Wakabona ayi kupenshekwa ceebo ca Usalitwe wakwe Lesa nkubotu kwiinda kuba abubile boonse bwa muIjipiti mukwiinga wakalinga kulangilabo cilambu ca kunembo.

Maako 16:17

Abo bashoma balaakuba ashitondesho ishi: Balaakunookusha bashikaswa muliina lyangu, balaakunokwaamba milaka imwi ipusenepusene.

Isaya 55:3

“Amuteye matwi kuli ndime akupilukila kuli ndime. Amunkutike kwaamba ayi mube abuumi. Lyalo ndaakupangana amwebo cipangano calyoonse alyoonse. Ndaakumutondesha lusuno lwangu lutamaani kweelana ambondakashomesha Defedi.

Isaya 7:9

Cishi ca Isilaeli taciindiwo nkusu paSamaliya ndabala inene iindaawo ya ncico. Ayalo ndabala ya Samaliya tayiindiwo nkusu pamwaami Peka mwanaakwe Lemaliya. Ono na awebo ubule kuyuma mulushomo, ncakwiila teshi ukakomewo, sobwe.’ ”

Kulumbaisha 58:11

Lyalo bantu balaakwaamba ayi, “Anu ncakwiila nkocili cilambu ca baluleme. Ndushinisho nkwaali Lesa woombolosha nsengwe yoonse.”

Luka 6:35

Sombi mwebo mutaciti boobo, amusune balwani banu alimwi akucita shibotu kuli mbabo. Amukweleteshe kutamba ayi bakamuboosheshe. Lyalo mulaakuba acilambu cinene kwiculu. Mulaakuba bana bakwe Lesa wa kwiculu Wiindaawo uyo ucita shibotu kubaabo bataluumbi ababiibi.

Kulumbaisha 106:24

Mpomunyaawo bakanyansha cishi ico cibotu abuumbi, mukwiinga tabakwe kushoma kushomesha kwakwe Lesa.

Jobo 21:14

Nakubi boobo balaambila Lesa ayi, ‘Tuleke sobeene. Tatucite ciindi cakwishiba nshila shako.

Kulumbaisha 78:22

Shakacitika mukwiinga tabakwe kumushoma nabi kucinka manungo mulupulusho lwakwe.

Lute 2:12

Mwaami Lesa aakupe coolwe pasheesho shoonse nshewakacita. Mwaami Lesa, Lesa wa bene Isilaeli uyo ngowesa mukulishisaako aakupe cilambu cinene!”

Mateyo 6:16

“Ono ciindi ncemulikasha kulya, mutanokuungumana, bucita bantu baamba nshebataciti. Mukwiinga balo balalyuungumika pameenso ayi bantu boonse babone ayi batoolikasha kulya. Ntoomulwiita calushinisho ayi balo abo batambula kale shilambu shabo.

Mateyo 6:5

“Ono pakupaila kuli Lesa, tamweelete kuba mbuli bantu baamba nshebataciti ceebo balo balisuni kwiimikana akupaila mushoonde shabo alimwi amupetukila nshila ayi bababoone. Ntoomwaambila calushinisho ayi abo balo batambula kale shilambu shabo.

Jelemiya 2:31

Mwebo nobamulishalane lino, amuyeeye a Mwaami Lesa akwaamba ayi, ‘Sa ndaba anga nduyanga kuli ndimwe nobene Isilaeli? Sa ndaba anga ncishi ca munshinshe ushiya mbi?’ Ino ono ceebonshi nobantu bangu mutokwaamba ayi, ‘Tulyaangulukite kucita cili coonse ncetusuni, teshi tukaboolewo tubili kuli ndiwe.’

Mateyo 5:12

Amusangalale akukondwa mukwiinga cilambu canu ncinene kwiculu. Mbweeke ubo bantu mbobakapensha balaluki bakalingaako kale kale.

Mateyo 11:26

Ncakwiila Ta, mwebo mwakacita kweelana akuyanda kwanu.