Bene Ebulu 11:25 - Baibo Busansulushi Bwa Libuku Ili

²⁵ Wakasuna kupenshekwa pantu pomwi abantu bakwe Lesa kwiinda kusangalalila mububi kwaciindi ciniini.

Bene Ebulu 11:25 교차 참조

Kulumbaisha 84:10

Kwikala bushiku bomwi muŊanda yanu, kuleenda kwikala kumwi nshiku shili cuulu. Inga cambotela kuba shikulindilila mulyango wa Ŋanda yanu, kwiinda kwikala mumaanda a bamucita shibi.

2 Bene Kolinto 5:17

Aboobo na muntu waba muli Klistu ulaba abuumi bupya. Shikulukulu shamana, nkokwaamba ayi shoonse shaba shipya.

Jobo 36:21

Cenjela kwaamba ayi utasandukili kushibiibi. Mapensho akupolela kwaamba ayi uswe muli nshisho.

Ciyubululo 18:7

Mumupeenshe akumulensha nsoni abuumbi bweenka mbuli bulemu mbwaakalinga kulipa akutangala kwakwe. Mukwiinga mumoyo wakwe ulaamba ayi, ‘Nebo ndi mwaami mwanakashi, ndishiite pacuuna cangu! Nshiishi mukalubinje mwanakashi alimwi taaku bushiku mbweshi nkoongumane!’

Jobo 20:5

kusangalala kwa mucita shibi nkwaciindi ciniinibo. Kukondwa kwa muntu utashomi Lesa nkuce.

1 Pita 2:10

Kale kale temwakalinga bantu bakwe Lesa, sombi ono muli bantu bakwe. Kale kale temwakalinga kwishi nkumbu shakwe Lesa, sombi ono mwatambula nkumbu shakwe.

Jemusi 5:5

Pacishi ca panshi pano mwekala buumi bwakuliiba akulikondelesha. Mwalya mwaina kulibambila bushiku bwakucaikwa.

Jemusi 1:20

Ceebo bukali bwa muntu tabukoonshi kuleta shiluleme isho nshaasuni Lesa, sobwe.

Bene Ebulu 11:37

Bamwi bakalinga kucaikwa kwiinda mukuumwa mabwe, bamwi bakalinga kupasulwa pakati, abalo bamwi bakalinga kucaikwa amipeeni. Bamwi bakalinga kweenda kabafwete shipaya sha mbelele nabi sha mpongo, bakalinga bakandu akupenshekwa alimwi akushupikwa.

Bene Ebulu 10:32

Amuyeeye cakamucitikila munshiku shakeenda. Munshiku isho Lesa ndyaakamumunikilabo, mwakapenshekwa abuumbi, nakubi boobo mwakatolelela cankusu.

Bene Ebulu 4:9

Paceebo ceeco, mpokucili kookesha kwa bantu bakwe Lesa bweenka mbuli Lesa mbwaakookesha pabushiku bwasanu ashobilo.

2 Timoti 1:8

Ono utanoonyumfwa nsoni kuba kamboni wa Mwaami wesu nabi kunyumfwa nsoni ceebo ca ndime nekaili mukwiinga wakwe Klistu. Sombi kopengela pantu pomwi anebo ceebo ca Makani Abotu kweelana ankusu shikupa Lesa.

Bene Kolose 1:24

Ono bulya ndisangalete kwaamba ayi ndamupengela. Ceebo mumapensho angu aya, ntoocafwa kumanisha mapensho akwe Klistu akacaala akupengela mubili wakwe, uli ncecoonde.

Bene Loma 5:3

Teshi ceeco ceenka, tulasangalala amumapensho ceebo tulishi kwaamba ayi mapensho ngaaisha muntu kutaboola pesule.

Luka 16:25

“Sombi Abulaamu wakaamba ayi, ‘Omwanaangu ibaluka ayi webo ndiwakalinga muumi wakalinga wapekwa shintu shoonse shibotu, alakwe Lasalo shintu shibiibi. Sombi bulya alakwe utookondwa kuno awebo uli mumapensho anene.

Mateyo 13:21

Sombi maswi taanjili cankusu mumyoyo yabo, aboobo taakaali ciindi. Makatasho nabi mapensho na abapolela ceebo ca maswi akwe Lesa, balatentuka kufwambaana.

Isaya 21:4

Moyo wangu utookulunkunta, ntootutumabo kuboowa. Ndalinga kulilila ayi nshike bwangu mumuntungulya, sombi muntungulya wandetelabo boowa.

Kulumbaisha 47:9

Baleli boonse ba mishobo imwi yoonse balabungana pantu pomwi abantu bakwe Lesa, Lesa wakwe Abulaamu, mukwiinga bamaami boonse ba pacishi ca panshi cino mbakwe Lesa. Ncakwiila lakwe ngooindaawo kulemekwa.

Danyelo 3:18

Nabi wabula kucita boobo, nobaami mulyeelete kwishiba ayi teshi tukasebenselewo balesa banu nabi kulambila cibumbwabumbwa ca golodi ncemwakeemika.”

Milimo ya Batumwi 7:34

Ncakwiila ndaboona mbuli mbobatoopenshekwa bantu bangu muIjipiti. Paceebo ceeco, ndaanyumfwa matongooshi abo, ono ndesa mukubapulusha. Kwesa ono, nkutume kuIjipiti.’