10 Mukwiinga Abulaamu wakalinga kulangila ndabala inene amaanda acite lwiimbi lutamaani, iyo Lesa mwiine njaakayeeya mbweshi ikabe alimwi akuyaka.
Mukwiinga pano pacishi ca panshi tatucite ndabala inene njeenga twekalililaamo, sombi tutoolangila ndabala inene itoosa.
Swebo ncakwiila kumisheesu kwiine kwiine nkwiculu alimwi tulalangila Mupulushi wesu Mwaami Jesu Klistu kuswa nkomunya uko.
Sombi mwebo mwesa kuKalundu ka Siyoni alimwi akundabala inene yakwe Lesa muumi, njeJelusalemu ya kwiculu umo muli baanjelo bali shuulu ashuulu.
Mubili ngotucite bulya uli anga ninkunka. Ono tulishi kwaamba ayi nkunka iyi yaakunyonyoolwa, tulaakwikala muŋanda yakatubambila Lesa kwiculu, ŋanda iyo teekwe kuyakwa amuntu alimwi njamuyayaya.
Ncakwiila, ŋanda yoonse ilayakwa aumwi muntu, sombi Lesa ngomuyaki wa shintu shoonse.
Muŋanda ya baTa muli misena iinji yakwikalaamo, necatalinga boobo naakwiinga ndamulwiita. Ntooya kuli baTa mukumubambila misena.
Ndakabona andabala inene isalalite ya Jelusalemu keeswa kwiculu kuli Lesa. Yakalinga kubambitwe, anga ngumwanakashi utokweebwa uyo walibambila kuya kuli ibaye.
Alimwi ceebo tulatambula bweene ubo butatenkaanishikwi, tulyeelete kulumba Lesa, kumulambila munshila imukondelesha alimwi akumulemeka abuumbi.
Anu tutoobakumbula ayinshi beshinkombe bene Filisiti? Tutoobaambila ayi, “Mwaami Lesa weemika ndabala ya Siyoni kwaamba bantu bakwe batoopenga bakapulukile nkuko.”
Sombi cishi ncebakalinga kulangila cakalinga kwiindaawo kubota, cishi ca kwiculu. Aboobo, Lesa taanyumfwi nsoni pakumwiita ayi Lesa wabo ceebo ngowakabayakila andabala inene.
