Bene Ebulu 10:11 - Baibo Busansulushi Bwa Libuku Ili

¹¹ Mupailishi wa baJuda woonse wakalinga kwiimikana akucita mulimo wakwe wa bupailishi inshiku shoonse alimwi wakalinga kubenga milambu yomwi ayomwi mankanda aanji. Sombi milambu teyakalinga kucikonsha kukusha shibiibi sha bantu, sobwe.

Bene Ebulu 10:11 교차 참조

Bene Ebulu 10:4

Mukwiinga bulowa bwa bacende alimwi abwa mpongo tabukushi shibiibi sha bantu.

Bene Ebulu 5:1

Mupailishi munene uli woonse ulasalwa pakati ka bantu bene mishaabo akubikwa ayi anobeemikanina kuli Lesa. Mulimo wakwe ngwakupa shipo sha banyama alimwi ashipo shimwi shoonse kuli Lesa kwaamba ayi shibiibi sha bantu shilekelelwe.

Shakubelenga 28:3

Mulambu wa cakulya weelete kubengwa kuli ndime neMwaami Lesa ngooyu. Bana ba mbelele bobilo basankwa bacite mwaaka womwi alimwi batacite kampenda ayi ngumulambu wakutenta pabushiku abushiku.

Bene Ebulu 7:27

Peculu lya waawo taabete mbuli bapailishi banene bamwi tau. Lakwe taceelete kunoocaya banyama nshiku shoonse pacipaililo ceebo ca shibiibi shakwe, kuboolaawo asha bantu. Wakacita boobo linkanda lyomwibo ndondoli, ndyaakalibenga mwiine ayi abe mulambu kuli Lesa.

Isaya 1:11

Mwaami Lesa waamba ayi, “Anu mutooyeeya ayi milwi milwi ya milambu njemupa nciinshi kuli ndime? Milambu yakutenta yancima, ee, milambu ya mbelele shisankwa aya mafuta a shifubwa shakeenishikwa yancima. Bulowa bwa bacende, mbelele alimwi abwa mpongo bwacileka kunsangalasha.

Bene Ebulu 10:1

Milawo ya baJuda teshi nsheshoolwe shancinencine, sombi ileemikaninabo shoolwe isho shitoosa. Milambu ya mushobo womwi ilabengwa mwaaka amwaaka. Sombi Milawo taikoonshi kusalasha bantu besa kuli Lesa kwiinda mumilambu iyo.

Danyelo 12:11

“Kuswa paciindi ico kubenga milambu ya bushiku abushiku yaakukashikwa kushikila paciindi Cintu cilya Ciloondesha ndyeshi cikeemikwe, palaakwiinda nshiku shili 1,290

Danyelo 11:31

Bashilumamba bakwe bamwi beshi bakanoocite shilwanisho balaakuya mukulengesha Ŋanda yakwe Lesa kutanoosalalite. Balaakukasha akubenga milambu ya bushiku abushiku. Mpeeke balaakwiimika Cintu cilya Ciloondesha.

Danyelo 9:27

Muleli uyo ulaakuba acipangano ciyumu abantu baanji kwamyaaka ili 7. Musa wa ciindi ico waakwiinda, ulaakukasha kubenga milambu akupa shipo. Mpeeke ulaakubika Cintu cilya Ciloondesha pakansunswa ka ciluli ca Ŋanda yakwe Lesa alimwi cilaakunooli waawo kushikila uyo wakacibikaawo akanyonyoolwe kweelana akubamba kwakwe Lesa.”

Danyelo 9:21

Ndindakalinga kucipaila, munjelo Gabuliyelo, uyo ngondakalinga ndabonaawo kale mucili anga nciloto, wakesa kuli ndime kaauluka. Ico cakalinga ciindi cakubenga mulambu wa macolesha.

Danyelo 8:11

Lyakalisumpula cakunyansha aMuleli wa likoto lya kwiculu. Lyakakasha milambu ya bushiku abushiku iyo yakalinga kubengwa kuMuleli uyo akubisha Ŋanda yakwe.

Esekelo 45:4

Cilaakuba cipansha cisalalite mucishi, musena uyo wakabikwa palubasu ayi ngwa bapailishi abo basebensela ndime neMwaami Lesa muŊanda yangu. Kumusena uyo nkweshi kukabe maandaabo alimwi amusena usalala wa Ŋanda yangu.

Shakubelenga 29:6

Anu ishi shoonse nshakwiilikabo pamulambu wakutenta ubengwa pabushiku butaanshi bwa mweenshi, pantu pomwi acipo ca shili anga ngamaila ca nguwo. Shilyeelete kwiilika apamulambu wakutenta wa pabushiku abushiku pantu pomwi acipo ca fulaulo aca cakunwa ca nguwo, bweema bunsangalasha neMwaami Lesa.

Shakubelenga 28:24

Munshila yeenka iyo balyeelete kubenga mulambu wa cakulya lyoonse kwanshiku shosanwe ashobilo, bweema bunsangalasha neMwaami Lesa. Bacite boobo mukwiilika pamulambu wakutenta wa bushiku abushiku acipo ca nguwo ca cakunwa.

Kulonga 29:36

Pabushiku bomwi abomwi, ulyeelete kubenga mucende womwi ayi ngumulambu wakulekelela shibiibi. Mulambu uyo ulaakusalasha cipaililo. Pesule, ukacinanike mafuta a olifi ayi ucisalashe.

Mika 6:6

Ino nebo nciinshi nceshi ntole kuMwaami Lesa, Lesa wakwiculu pakuya mukufukama akulambila kunembo lyakwe? Sa ntole milambu yakutenta ya boombe bacite mwaaka womwi?

Bene Ebulu 8:2

Ngowooyo usebensela Lesa muMusena Usalalite Wiindaawo, nkokwaamba ayi mutente yancinencine Mwaami Lesa njaakayaka, kuteshi muntu tau.

Bene Ebulu 8:4

Naalinga mucishi ca panshi, naakwiinga teshi mupailishi napaceyi mukwiinga mpobali kale bapailishi abo bapa shipo isho shaambwa muMilawo ya baJuda.