Amosi 9:10 - Baibo Busansulushi Bwa Libuku Ili

¹⁰ Bamucita shibi boonse pabantu bangu balaakucaikwa kunkondo, ncakwiila boonse abo baamba ayi, ‘Mapensho teshi akatusene pafwaafwi nabi kutucana.’ ”

Amosi 9:10 교차 참조

Amosi 6:3

Mwebo mulakaka ayi bushiku bwa mapensho bulaakwisa. Sombi nshemucita shilalengeshabo bushiku ubo kwisa cakufwambaana.

Isaya 33:14

Bamucita shibi muSiyoni baloonda, ee, batalemeki Lesa batootutumabo kuboowa. Batokwaamba ayi, “Anu ngani pakati kesu weenga wapuluka mumulilo ulya unyonyoola? Anu ngani pakati kesu weenga kaacili muumi mumulilo utamaani?”

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Malaki 3:15

Ono cicitika ncakwaamba ayi balisumpula mbobacite shoolwe. Ndushinisho, bamucita shibi tabeelibo mukusumpuka, sombi balasunka kukomenya moyo kwakwe Lesa kwiinda mukucita shibiibi, nakubi boobo tabapekwi mulandu.”

Amosi 6:1

Mapensho kuli ndimwe nomushiite kwakubula cakulisukama muSiyoni, alimwi amwebo nomushiite muluumuno paKalundu ka Samaliya, nobacinenenene ba mushobo unene wa bene Isilaeli, uko bantu nkobacicila mukusenga lucafwo.

Jelemiya 18:18

Mpomunyaawo balo bakaamba ayi, “Kamwisa, tulifuuyefuye akubona mbweenga twacita Jelemiya. Bapailishi beshi banootwiisha milawo, basongo beshi bakanootupandako maano alimwi abalaluki beshi bakanootulwiitako maswi a Mwaami Lesa nkobali. Aboobo amwise, tumubekeshe milandu akutakutika sheesho nsheshi anokwaamba.”

Isaya 56:12

Bacakolwa abo balaamba ayi, ‘Katiya tubweseewo bwalwa abumwi! Atubunwe boonse ubu kushikila tubumaane! Bushiku bwacilo bulaakubota bweenka mbuli bwasunu bunene bunene akwiindaawo.’ ”

Isaya 5:19

Balaamba ayi, “Lesa aafwambaane kucita ncaatooyeeya kwaamba ayi tuciboone. Ee, Usalalite wa bene Isilaeli aafwambaane kucita miyeeyo yakwe kwaamba ayi twiishiibe.”

Shikushimikila 8:11

Na beshimilandu bacelwa kupekwa milandu, bantu baanji balatalika kuyeeya kucita shintu shibiibi.

Kulumbaisha 10:11

Lyalo balalilishaanya ayi, “Lesa ndushinisho taatubikiteeko amaano. Washinshibata, aboobo teshi akatuboneewo!”

Esekelo 20:38

Abo boonse baashu batanyumfwili ndaakubakusha pakati kanu. Nakubi kwaamba ayi ndaakubakusha mucishi mobekala, sombi teshi bakenjileemo mucishi ca Isilaeli. Lyalo ndyeshi mukeshibe ayi ndi Mwaami Lesa.’

Jelemiya 23:17

Balaambila bantu banyansha ayi, ‘Mwaami Lesa waamba ayi mulaakunooshiite muluumuno.’ Balaambila baabo bakonkela bushicimpamya bwa myoyo yabo ayi, ‘Taaku cibiibi ceshi cikamubonekeleewo.’

Amosi 9:8

Nebo, neMwaami Lesa Shinkusu shoonse meenso angu ali pabulelo bushishibiibi bwa bene Isilaeli. Ndaakubunyonyoola kwaamba ayi bulobe pacishi ca panshi. Sombi teshi nkanyonyoole cakumaninina bamulunyungu lwakwe Jakobo. Nebo neMwaami Lesa ndaamba.

Sekaliya 1:6

Ndakapa bamashali banu bakulukulu milawo amilasho kwiinda mubasebenshi bangu balaluki, sombi balo bakeekaka akupekwa mulandu. Kuswawaawo bakasanduka kuswa kushibiibi shabo akusumina ayi nebo neMwaami Lesa Shinkusu shoonse ndakabapa mulandu kweelana akubisha kwabo bweenka mbondakayeeya kucita.’ ”

Jelemiya 29:32

ncakwiila ndaakumupa mulandu pantu pomwi abamulunyungu lwakwe. Taaku shikamukowa nabibo womwi weshi akacaale alimwi teshi akabonewo shintu shibotu nsheshi nkacitile bantu bangu ceebo wakaambila bantu kubukila ndime neMwaami Lesa. Nebo neMwaami Lesa ndaamba.’ ”

Mika 3:11

Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”