7 Mwaami Lesa, Lesa wa bene Isilaeli washomesha cakulumbila ayi, “Taaku nabi comwi ncebakacita nceshi nkalubeeko.
Mwaami Lesa Shinkusu shoonse washomesha cakulumbila ayi, “Ndipatite kulisumpula kwa bene Isilaeli, Maandaabo abo abotu anene ndyaacimitwe. Ncakwiila ndaakwaaba ndabala yabo inene pantu pomwi ashintu shoonse shiliimo mumaansa a balwani babo.”
Mwebo nobantu mwakepila mushibiibi bweenka mbocakalinga kuGibiya. Ono Lesa ulaakwiibaluka bubi bwanu akumupa mulandu ceebo ca shibiibi shanu isho.
Balabenga milambu kuli ndime akulya nyama ya njiyo. Sombi nebo neMwaami Lesa mumilambu iyo nshisangalaliliimo. Ono bulya ntokwiibaluka shibiibi shabo akubapa mulandu ceebo ca nshisho. Ndaakubaboosha kucishi ca Ijipiti.
Sombi tabeshibi ayi micito yabo yoonse ya bubi ndiilabilite. Shibiibi shabo shilabafwekelesha alimwi lyoonse tashinswi pameenso.”
Lyalo balalilishaanya ayi, “Lesa ndushinisho taatubikiteeko amaano. Washinshibata, aboobo teshi akatuboneewo!”
Taaku eshi akanokwiisha mubye nabi kwiisha mukwabo ayi eshibe ndime neMwaami Lesa mukwiinga boonse balaakushiba, kuswa kumuniini kushika akumunene. Ndaakulekelela bubi bwabo alimwi shibiibi shabo teshi nkashiibalukeewo. Nebo neMwaami Lesa ndaamba.”
Mwaami Lesa waamba ayi, “Nobene Juda shibiibi shanu shakalembelwa acakulembesha ca nshimbi. Shakatalwa alibwe likolete pamyoyo yanu alimwi akumakonko oonse a shipaililo shanu.
“Nebo, ee, nebo ndime nshiminganya shibiibi shanu ceebo ca mibo yangu alimwi cakutashiibalukawo tubili.
Cishi cino ncetwikalaamo ngowakatusalila. Sobamulunyungu lwakwe Jakobo, wakatupa cishi ici ncetusuni ceebo ulitusuni.
Uyu ngomumuni wakwaamba ayi baswamashi bakunsengwe balashe akubona lusuno lwanu akwalo kubantu banu baIsilaeli ngooleta bulemu.”
Amwaambilishe nkusu shicite Lesa, uyo weendelesha bene Isilaeli, alimwi ngoocite nkusu shili mwiculu.
Alimwi wakaamba ayi, “Amunyamune mbembela ya Mwaami Lesa mwiculu! Mwaami Lesa ulaakutolelela kulwana abene Amaleki inshiku shoonse!”
“Sa Mwaami Lesa taakwe kwiibaluka akuyeeya tununkila kabotu uto ntomwakalinga kutenta mumandabala a kuJuda amumikwakwa ya muJelusalemu, ee, mwebo, bamashali banu bakulukulu, bamaami, bacinenenene banu alimwi abantu ba mucishi?
Mwaami Lesa Shinkusu shoonse, utoolumbila mukusalala kwakwe ayi, “Ncakwiila ciindi cilaakushikila ndyeshi mukatolwe busha kamukobetwe ndobo. Ee, womwi awomwi ulaakunooya cikwelaanishikwa kundobo tibili akuwakweelaako.
Ulamulekabo ayi ekala cakuliiba, sombi nshila shakwe shoonse ulishibwene.
Lesa watanta pacuuna cakwe ca bwaami, bantu kaboolobesha cakusangalala, mapeenga kaalila, ncakwiila Mwaami Lesa watanta.
Mwaami Lesa, ee, Mwaami Lesa Shinkusu shoonse waŋambila ayi, “Cibiibi cabo teshi cikalekelelweewo kushikila bakafwe. Nebo neMwaami Lesa, Lesa Shinkusu shoonse ndaamba.”
