Amosi 7:4 - Baibo Busansulushi Bwa Libuku Ili

⁴ Mbulya Mwaami Lesa Shinkusu shoonse mbwaakambonesha mucili anga nciloto. Muciloto ico ndakamubona kaayeeya kupensha bantu bakwe amulilo. Mulilo uyo wakayumya lweenge lunene panshi lya nshi alimwi akutalika kutenta cishi coonse.

Amosi 7:4 교차 참조

Amosi 7:1

Mbulya Mwaami Lesa Shinkusu shoonse mbwaakambonesha mucili anga nciloto. Wakalenga cisoshi paciindi cipansha ca bwiisu ca mwaami ndicakamana kucesekwa alimwi bwiisu ndibwakatalika kusonsa alimwi.

Ciyubululo 4:1

Kuswawaawo, ndakabona mulyango ucalukite kwiculu. Mpomunyaawo ndakanyumfwa liswi anga ndupeenga, lyeenka ndindakanyumfwa kataanshi. Lyakandwiita ayi, “Kosa kokuno kwiculu, nkuboneshe sheshi shikacitike kuswa sheeshi.”

Bene Ebulu 1:7

Ono shabaanjelo bakwe, Lesa wakaamba ayi, “Lesa ulacita baanjelo bakwe kuba anga ngumuuwo alimwi abasebenshi bakwe kuba anga ngumulilo utoonyaka.”

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Mika 1:4

Tulundu tutoosunguluka bweenka bucita bukato kumulilo. Tutoopuumukila mushinyika anga ngamaanshi atookunka kuswa pakalundu.

Amosi 7:7

Mbulya Mwaami Lesa mbwaakambonesha mucili anga nciloto. Muli ncico ndakamubona kaaimfwi kufwaafwi alubumbu ulo lwakayakwa mukusebensesha ntambo. Wakalinga kucite antaambo yakuyakisha mulyaansa lyakwe.

Amosi 5:6

Amuyandoole Mwaami Lesa, lyalo mulaakuba abuumi. Nobene Isilaeli na mubule kucita boobo, ulaakumulobya anga ngumulilo utenta masakasaka kukubilima. Ndabala ya Betelo ilaakupya cakumaninina alimwi taaku aweshi akeeshimyeeko.

Amosi 4:11

“Ndakanyonyoola bamwi pakati kanu bweenka mbondakanyonyoola bene Sodoma abene Gomola. Mwakalingabo anga ndukuni lwayokolwa mumulilo. Sombi mwebo tamukwe kusandukilawo kuli ndime. Nebo neMwaami Lesa ndaamba.

Amosi 1:7

Ndaakutuma mulilo palubumbu lwa ndabala ya Gasa akutenta shiyubilo sha njiyo.

Amosi 1:4

Ndaakutuma mulilo paŋanda ya bwaami yakwe Asayelo akutenta shiyubilo shakwe Benadadi.

Jowelo 2:30

Ndaakucita shaankamiko kwiculu apacishi ca panshi. Kulaakuba bulowa, mulilo alimwi ashikunku wa bwiishi.

Jelemiya 21:12

“Amunyumfwe maswi angu neMwaami Lesa akwaamba ayi, ‘Amoomboloshe bweelete nshiku shoonse. Amufune bantu batokwiipilwa mumaansa a baabo batoobapensha. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Bulaakunyaka anga ngumulilo uyo muntu ngwaatakoonshi kushimya.’ ”

Jelemiya 4:4

Amushomeke kucipangano ncendakapanga amwebo nebo neMwaami Lesa. Nobene Juda abene Jelusalemu, amwaabe myoyo yanu kuli ndime. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Ndushinisho bulaakunyaka cakubula aubushimya.

Isaya 27:4

Nebo nshikalaliteewo pamuunda uyo alimwi nimwalinga myuumfwa ashisonsoonya shitoonshinkilisha, naakwiinga ndeelwana akeembe kangu akwiitenta cakumaninina.

Dutolonomi 32:22

Bukali bwangu bulaakunoonyaka anga ngumulilo kuya mukushika akumusena wa bafu. Ulaakunyonyoola cishi ca panshi ashisepo sha ncico, akukumika lwiimbi lwa tulundu.

Shakubelenga 16:35

Paciindi ico, Mwaami Lesa wakatuma mulilo uyo wakabilima akutenta bali 250 abo bakalinga kupa cipo ca tununkila kabotu pakutenta.

Bene Lefi 10:2

Paciindi ceenka ico, Mwaami Lesa wakatuma mulilo uyo wakabatenta kushikila bafwa peenka apo kunembo lyakwe.

Jowelo 1:19

NoBaami baLesa, ndamulilila! Lumwi lwatenta mafulo anga ngumulilo ukali. Ashalo shisamu shapya abuumbi kulumwi.

Amosi 2:5

Aboobo ndaakutuma mulilo pacishi ca Juda uyo weshi akanyonyoole malinga a ndabala ya Jelusalemu.”

Esekelo 21:3

akucilwiita ayi nebo neMwaami Lesa ndaamba ayi, ‘Ntooyanda kumulwana. Ntookusha mupeeni wangu kuswa mucipokolo mookala ayi ncaisheko bantu bako boonse baluleme abamucita shibi.