Amosi 5:9 - Baibo Busansulushi Bwa Libuku Ili

⁹ Lakwe ulaleta kunyonyoola pabeshinkusu anga nkalumba akulengesha ndabala icite malinga kunyonyoolwa.

Amosi 5:9 교차 참조

Bene Ebulu 11:34

bakashimya mililo yakalinga kunyaka abuumbi, bakapulushikwa kukucaikwa amipeeni. Nakubi kwaamba ayi tebakalinga kucite nkusu, bakabaasho. Bakaba bashilumamba bayumu abuumbi, akukoma bashilumamba ba mushishi sha baswamashi.

Mika 5:11

Ndaakunyonyoola mandabala oonse a mucishi canu akupwayoola malinga anu oonse.

Jelemiya 37:10

Ncakwiila nabi mukakome likoto lyoonse lya bashilumamba bene Babiloni akushiyawobo balicisite mumatente, beenka abo balaakwisa mukutenta ndabala inene ino cakumaninina.’ ”

2 Baami 13:25

Lyalo mwaami Jeowashi mwaami wa bene Isilaeli wakakoma Benadadi mankanda otatwe. Wakaboosha mandabala ayo akalinga abweswa amwaami Benadadi muciindi ca bwaami bwakwe Jeowasi, baishi Jeowashi.

2 Baami 13:17

Ono mwaami mukukonkela bwakamulwiita mulaluki, wakacalula mbwelyo iyo yakalinga kulanga kulubasu lwa Silya. Mpeeke Elisha wakamwaambila ayi, “Waala mufwi!” Mwaami ndyaakawaala mufwi uyo, mulaluki wakaamba ayi, “Webo ndiwe mufwi wa Mwaami Lesa, ngweshi akakomesheko cishi ca Silya. Ulaakulwana bene Silya muAfeki kushikila ukabakoome.”

Isaya 29:5

Nakubi boobo makoto makoto abalwani bako alaakubabo anga ndusuko luyabo amuuwo. Ee, balwani banu batacite nkumbu balaakubabo mbuungu butooya cuululuka. Ncakwiila muciindi ciniinibo alimwi cakuteengashila

Amosi 2:14

Beshilubilo teshi bakakonshewo kuloboka. Bashinkusu teshi bakasebenseshe nkusu shabo. Ncakwiila abalo bashilumamba bacibwene kulwana teshi bakafunewo buumi bwabo beene.