Amosi 4:2 - Baibo Busansulushi Bwa Libuku Ili

² Mwaami Lesa Shinkusu shoonse, utoolumbila mukusalala kwakwe ayi, “Ncakwiila ciindi cilaakushikila ndyeshi mukatolwe busha kamukobetwe ndobo. Ee, womwi awomwi ulaakunooya cikwelaanishikwa kundobo tibili akuwakweelaako.

Amosi 4:2 교차 참조

Jelemiya 16:16

Mwaami Lesa waamba ayi, “Sombi bulya ntootuma beshikucaya nswi baanji kuya mukubacata. Kuswawaawo ndaakutuma bapalu baanji abo beshi bakese mukubafwima mumalundu oonse, mutulundu toonse alimwi amushimfwengo shili mumyaandami.

Kulumbaisha 89:35

“Ntooshomesha cakulumbila ceebo ca liina lyangu lisalalite ayi nabi cikabe buyani teshi nkabeceewo kuli Defedi.

Amosi 6:8

Mwaami Lesa Shinkusu shoonse washomesha cakulumbila ayi, “Ndipatite kulisumpula kwa bene Isilaeli, Maandaabo abo abotu anene ndyaacimitwe. Ncakwiila ndaakwaaba ndabala yabo inene pantu pomwi ashintu shoonse shiliimo mumaansa a balwani babo.”

Isaya 37:29

Ono ceebo cakwaamba ayi wancobola alimwi ndanyuumfwa shakubula bulemu kwako, ntoobika ndobo munshono yako alimwi anshimbi yangu mukanwa mwako. Lyalo ndaakukulengesha kuboola kumishaanu anshila yeenka njewakesitaamo.’ ”

Esekelo 29:4

Ono ndaakubika ndobo mumicendwa yako, akulengesha nswi sha mumulonga wako kucatilila kumaamba ako. Ndaakukukwela kuswa muMulonga wa Nailo answi shoonse kashicatilite kumaamba ako.

Esekelo 38:4

Ndaakukusandulula, nkakukobe ndobo mumicendwa yako akukutola mubusha pantu pomwi alikoto lyako linene lya bashilumamba. Ndaakutola maaki ako, bashilumamba beshikulwanina pamaaki bacite ashilwanisho shabo, likoto lya bashilumamba baanji bacite mayawo anene aaniini, boonse kabanyamwite mipeeni mumaansa.

Amosi 8:7

Mwaami Lesa, Lesa wa bene Isilaeli washomesha cakulumbila ayi, “Taaku nabi comwi ncebakacita nceshi nkalubeeko.

Kulumbaisha 89:36

Lunyungu lwakwe lulanooliikobo kwalyoonse alyoonse. Cuuna ca bwaami bwakwe cilaakukalilila pameenso angu, kulilabo lisuba kalicibala.

Esekelo 34:16

“ ‘Ndaakuyandoola shisowekete akuboosha shakaswa mulitanga. Ndakwaanga shilonda sha sheesho shakalicisa, kuyumya shilefukite, sombi shiinite ashicite nkusu ndaakushinyonyoola. Ndakweembela mbelele shangu cabululami.