Agayi 1:1 - Baibo Busansulushi Bwa Libuku Ili

¹ Mumwaaka wabili wa bwaami bwakwe Dalyasi mwaami wa bene Pesha, bushiku butaanshi mumweenshi wasanu awomwi, Mwaami Lesa wakaamba kwiinda muli ndime neAgayi kuli Selubabelo mwanaakwe Sheyalutyelo uyo wakalinga mweendeleshi wa cishi ca Juda alimwi akuli Joshuwa mwanaakwe Jeosadaki, mupailishi munene.

Agayi 1:1 교차 참조

Esila 2:2

Bamatanjilili babo mbaaba: Selubabelo, Joshuwa, Neemiya, Selaya, Leliya, Modekayi, Bilushani, Misipa, Bigifayi, Leyumu aBaana. Aya ngomeena a shipani sha mikowa ya bene Isilaeli pantu pomwi amwelo wa baabo bakapiluka kuswa kubusha.

Esila 3:8

Mumweenshi wabili mumwaaka wabili kuswa mpobakashikila kuŊanda yakwe Lesa muJelusalemu, Selubabelo mwanaakwe Sheyalutyelo, Jeshuwa mwanaakwe Josadaki abene Isilaelinyinaabo bamwi boonse nkokwaamba ayi bapailishi, bene Lefi alimwi aboonse abo bakaswa mucishi ca busha kuya kuJelusalemu, boonse bakatalika mulimo. Bakabika bene Lefi bakalinga kucite myaaka makumi obilo akwindilila pabutanjilili bwa mulimo wakuyaka alimwi Ŋanda ya Mwaami Lesa.

Esila 3:2

Ono Jeshuwa mwanaakwe Josadaki abapailishinyina, Selubabelo mwanaakwe Sheyalutyelo pantu pomwi abamakwabo, bakatalika kuyaka cipaililo cakwe Lesa wa bene Isilaeli ayi babenge milambu yakutenta, kweelana amilasho ilembetwe muMilawo yakwe Mose muntu wakwe Lesa.

Agayi 2:10

Pabushiku bwamakumi obilo abone mumweenshi wasanu ayone mumwaaka wabili wa bwaami bwakwe Dalyasi, Mwaami Lesa Shinkusu shoonse wakaamba alimwi kuli ndime neAgayi.

Agayi 1:12

Kuswawaawo Selubabelo mwanaakwe Sheyalutyelo, Joshuwa mwanaakwe Jeosadaki mupailishi munene abantu bamwi bakacaalaawo, boonse bakasumina kukonkela mulawo wa Mwaami Lesa, Lesa wabo. Bantu abo bakalinga kuloonda akunyumfwila maswi angu neAgayi mukwiinga Mwaami Lesa, Lesa wabo ngowakantuma.

Neyemiya 7:7

Bamatanjilili babo bakalinga mbaaba: Selubabelo, Joshuwa, Neyemiya, Selaya, Lelaya, Modekayi, Bilushani, Misipeleti, Bigifayi, Neyumu aBaana. Bene Isilaeli abo bakapiluka kuswa mubusha kweelana ashipani shabo mbaaba:

Agayi 1:14

Ono Mwaami Lesa wakasonkomona muuya wakwe Selubabelo mwanaakwe Sheyalutyelo, mweendeleshi wa cishi ca Juda, muuya wakwe Joshuwa mwanaakwe Jeosadaki, mupailishi munene, amuuya wa bantu abo bakalinga bacaalaawo. Aboobo bakatalika kuyakulula Ŋanda ya Mwaami Lesa Shinkusu shoonse, Lesa wabo.

Esila 6:14

Bamaloba ba baJuda bakatolelela kuyaka Ŋanda yakwe Lesa cakuswitilila. Agayi alimwi aSekaliya mwanaakwe Ido abo bakalinga balaluki mbobakabatanjilila. Bakamanisha kuyaka kweelana ambobakaambilwa kuli Lesa wa bene Isilaeli alimwi aSailasi, Dalyasi aAtasakisesi bamaami ba kuPesha.

Agayi 2:20

Pabushiku bweenka ubo bwamakumi obilo anshiiku shone bwa mweenshi, Mwaami Lesa wakaamba alimwi kuli ndime neAgayi ayi,

Agayi 2:4

Sombi yuma webo Selubabelo. Yuma awebo Joshuwa mwanaakwe Jeosadaki, mupailishi munene. Amuyume amwebo nobantu nobene cishi. Amusebense noonse ceebo nebo ndi amwebo.

Neyemiya 12:10

Jeshuwa wakashala Joiyakimu, Joiyakimu wakashala Eliyashibu, Eliyashibu wakashala Joiyada,

Neyemiya 12:1

Mundando wa meena a bapailishi abene Lefi abo bakaboola aSelubabelo mwanaakwe Sheyalutyelo alimwi aJeshuwa mupailishi munene ngooyu. Selaya, Jelemiya, Esila,

Neyemiya 8:9

Kuswawaawo Neyemiya mweendeleshi, Esila mupailishi alimwi mufundishi wa Milawo abene Lefi abo bakalinga kusansulwita bantu, boonse bakaambila bantu abo ayi, “Bushiku bwasunu mbushiku busalalite bwa Mwaami Lesa, Lesa wanu. Aboobo tamweelete kulila bumpute nabi kulila cakoolobesha.” Bakabaambila boobo ceebo bakalinga kulila ndibakanyumfwa shakalinga kubelengwa muMilawo.

Neyemiya 5:14

Anu kuswabo ndindakasalwa kuba mweendeleshi wabo mucishi ca Juda, nkokwaamba ayi kuswa mumwaaka wamakumi obilo kushika mumwaaka wamakumi otatwe amyaaka yobilo wa bwaami bwakwe Atasakisesi, nebo abamakwesu tatukwe kulyaawo shakulya isho sheelete kulya mweendeleshi.

Esila 4:24

Aboobo mulimo wa kuyaka Ŋanda yakwe Lesa alimwi muJelusalemu wakeemikana kushikila mumwaaka wabili mubulelo bwakwe Dalyasi mwaami wa kuPesha.

Esila 4:2

Bakaya mukubona Selubabelo abamanene ba shipani sha mikowa akwaamba ayi, “Atuyake pantu pomwi amwebo mukwiinga bweenka mbuli ndimwe, aswebo tulalambila Lesa weenka ngomulambila alimwi tulabenga milambu kuli nguwe kuswa kuciindi cakwe Esaadoni mwaami wa kuAsilya, uyo wakatuleta kokuno.”

Esila 2:63

Mweendeleshi wakabambila ayi tabeelete kulya shakulya shisalalite kushikila kukabe mupailishi ukonsha kusebensesha Ulimu aTumimu.

Esila 1:8

Sailasi mwaami wa bene Pesha wakatuma Mitiledati shikulama buboni ayi ashileete. Lyalo wakashibala akushipa Sheshibasa mweendeleshi wa cishi ca Juda.

1 Makani 3:19

Pedaya wakashala baana basankwa, Selubabelo alimwi aShimeyi. Selubabelo wakashala baana basankwa, Meshulamu alimwi aAnaniya kubikaawo amwanakashi womwi, Shelomiti.

1 Makani 3:17

Aba mbobamulunyungu lwakwe Jeoiyakini uyo wakatolwa busha kuBabiloni. Jeoiyakini wakashala baana basankwa bosanwe abobilo, nkokwaamba ayi Shiyelutyelo,

2 Baami 14:25

Wakakoma alimwi shishi shoonse shakalinga sha bene Isilaeli kuswa kumwinjililo wa kuAmati kumatwa tibili akuLweenge lwa Mwiinyo kumalenge. Ici nceceeco Mwaami Lesa, Lesa wa bene Isilaeli ncaakashomesha kumusebenshi wakwe mulaluki Jona mwanaakwe Amitayi uyo wakalinga kuswa kuGati Efeli.

1 Baami 14:18

Lyalo bene Isilaeli bakamulila mwaana uyo akumufukila, bweenka bwakaamba Mwaami Lesa kwiinda mumusebenshi wakwe mulaluki Aija.

Luka 3:27

Joda mwanaakwe Jowanani, Jowanani mwanaakwe Leesa, Leesa mwanaakwe Selubabelo, Selubabelo mwanaakwe Shiyalutyelo, Shiyalutyelo mwanaakwe Neli,

Kulonga 4:13

Sombi lakwe Mose wakakumbula ayi, “Sobwe noBaami baLesa, ndakombelela amutume umwi.”

1 Baami 10:15

kutabelengelaako misonko yakalinga kuswa kubasulishi, beshimakwebo, bamaami ba bene Alebya alimwi akubeendeleshi ba shipansha sha cishi ca Isilaeli.

Esila 5:1

Ono balaluki bobilo Agayi alimwi aSekaliya wamulunyungu lwakwe Ido, bakatalika kulaluka kubaJuda abo bakalinga kwikala kucishi ca Juda alimwi akuJelusalemu muliina lyakwe Lesa wa bene Isilaeli uyo wakalinga pali mbabo.

Esila 5:3

Paciindi ici Tatenayi mweendeleshi wa kwitala lya Mulonga wa Yufuletisi, Sheta Bosenayi abacinenenenenyinaabo bakabeendela akubeepusha ayi, “Ngani wamupa nkusu shakuyaka Ŋanda yakwe Lesa iyi alimwi alubumbu ulu?”

Esila 10:18

Mulunyungu lwa bapailishi, bakalinga kweebete banakashi baswamashi mbaaba: Kuswa mubamulunyungu lwakwe Jeshuwa mwanaakwe Josadaki abamakwabo nguMaseiya, Eliyesa, Jalibu alimwi aGedaliya.

Agayi 1:2

Mwaami Lesa Shinkusu shoonse wakaamba ayi, “Bantu aba batokwaamba ayi, ‘Ciindi cino tacishi ciindi cakuyakulula Ŋanda yakwe Lesa.’ ”

Agayi 1:3

Lyalo Mwaami Lesa wakaamba maswi aya kubantu kwiinda muli ndime neAgayi ayi,

Agayi 2:21

“Lwiita Selubabelo mwaami wa bene Juda kwaamba ayi ndaakutenkaanya liculu acishi ca panshi.

Malaki 1:8

“Sa kuleta banyama boofu ayi ngumulambu, teshi kubisha? Sa kubenga banyama balema nabi balwashi, teshi kubisha? Nciinshi nceenga cacitika na mwapa mweendeleshi wanu banyama ba mushobo uyo? Sa inga wakondwa akumupa coolwe?

Agayi 1:15

Bakatalika kuyakulula pabushiku bwamakumi obilo anshiiku shone mumweenshi wasanu awomwi mumwaaka wabili wa bwaami bwakwe Dalyasi.

Sekaliya 1:1

Mumweenshi wasanu ayotatwe mumwaaka wabili wa bwaami bwakwe Dalyasi, maswi a Mwaami Lesa akesa kuli nebo neSekaliya mwanaakwe Belekiya mwishikulu wakwe Ido.

Sekaliya 3:1

Mucili anga nciloto cimwi Mwaami Lesa wakantondesha Joshuwa mupailishi munene kaaimfwi kunembo lya munjelo wa Mwaami Lesa. Kulubasu lwakwe Joshuwa kwakalinga kwiimfwi Satana uyo wakalinga kulibambite kumushinina.