20 Mwaami Lesa uli muŊanda yakwe isalalite aboobo bantu boonse ba mucishi ca panshi aboomunebo tontolo kunembo lyakwe.
Ono noonse amuumune kunembo lya Mwaami Lesa ceebo utooswa mumusena wakwe usalalite.
Amuumune noonse kunembo lya Mwaami Lesa Shinkusu shoonse ceebo bushiku bwa Mwaami Lesa buli pafwaafwi. Mwaami Lesa wabamba bantu ayi babengwe anga ngumulambu, ncakwiila watamba kale abalwani babo ayi bababeenge.
Lesa ulaamba ayi, “Amukale muluumuno akwishiba ayi nebo ndime Lesa, ulemekwa pakati ka mishobo yoonse, alimwi ulemekwa mucishi coonse ca panshi.”
Mwaami Lesa mwaali muŊanda yakwe isalalite. Ncakwiila ulishiite pacuuna cakwe ca kwiculu. Bantu boonse ulibabwene kuli koonse alimwi ulishi shoonse nshebatoocita.
Mumwaaka wakafwitaamo mwaami Usiya, ndakabona Mwaami Lesa kaashite pacuuna cakwe ca bwaami ico cakalinga peculu akusumpulwa. Mungaanjo wakwe wakalinga ulaamfu cakwisula ŋanda yakwe yoonse.
“Ndindakanyumfwa ayi ntooya citula moyo, ndakapaila kuli ndimwe noBaami baLesa, alimwi mwakanyumfwa mupailo wangu muŋanda yanu isalalite.
Amunyumfwe cikani ici mwebo nobamumishobo yoonse. Kutika ocishi ca panshi abaabo boonse bekalaamo. Mwaami Lesa Shinkusu shoonse utoomushinina. Ncakwiila utoomupa mulandu kuswa muŊanda yakwe isalalite.
Ndushinisho Lesa wesu uli kwiculu. Ncakwiila ulacita cili coonse ncaasuni.
Mwaami Lesa waamba ayi, “Liculu ncecuuna cangu ca bwaami, acalo cishi ca panshi mpopakulyata myeendo. Ono ŋanda njeshi munjakile ili buyani? Ee, musena ngweshi nkanokookeshelamo ulaakubeta pali?
Amunyumfwe ciyobeyobe ico cili mundabala inene, amunyumfwe coongo citooswa muŊanda yangu. Ico ncoongo cangu nebo neMwaami Lesa ntooboosha shishole kubalwani bangu boonse kweelana ambobeelete.
Ndakaamba ayi, ‘Ndatandaanishikwa pameenso anu, nakubi boobo, ndaakulangilisha alimwi kuŊanda yanu isalalite.’
Lesa waamba ayi, “Amukutumane mukutike kuli ndime mwebo nobamushishi sha muloombe lwa lweenge! Amulibambile kuleta makani anu kunkuta. Amwise mwaambe nobeene shili kumyoyo. Ee, mwise tubandike akubona ululeme.
Uyu ngumupailo wangu neAbakuku kwiinda mumukumo wa Shigiyonoti.
Sa ndyeelete kwaambila Lesa ayi ntooyanda kwaamba? Na ndacita boobo ingayi ndisunibo kunyonyoolwa.
