Abakuku 2:15 - Baibo Busansulushi Bwa Libuku Ili

¹⁵ Mapensho kuli ndimwe nomulengesha babyaanu kunwa shikola, ee, kuli ndimwe nomulengesha babyaanu kutalantanta ayi mubabonene matakosha abo.

Abakuku 2:15 교차 참조

Jelemiya 51:7

Babiloni wakalinga anga ninkomeshi ya golodi mumaansaangu akulengesha cishi coonse ca panshi kukolwa. Mishobo ya bantu yoonse yakanwa waini wakwe. Aboobo paciindi cino ilicinkukite.

Matalikilo 9:22

Amu ishi Kenani, ndyaakabona matakosha a baishi wakaya mukulwiita bamakwabo bobilo pansengwe.

Ciyubululo 18:3

Mukwiinga mishobo yoonse yakanwa waini ukali wa bufuule bwakwe. Bamaami boonse ba mucishi ca panshi bakoonaakwe kale, abalo beshimakwebo boonse ba mucishi ca panshi bakabila abuumbi ceebo ca lunkumbwa lwakwe lunene.”

Ciyubululo 17:6

Mpeeke ndakabona kwaamba ayi mwanakashi uyu wakalinga kukoletwe bulowa bwa bashomi alimwi bwa baabo bakacaikwa ceebo ca kushoma muli Jesu. Ndindakabona boobo, ndakakankamana abuumbi.

Ciyubululo 17:2

Bamaami ba mucishi ca panshi bakoonaakwe alimwi bantu ba mucishi bakakolwa waini wa bufuule bwakwe ubo.”

Osiya 7:5

Bushiku bwakusekelela bwa mwaami, bantu abo bakalengesha mwaami abacinenenene bakwe kukolwa. Mpeeke mwaami wakalinjishabo mulikoto lya baabo bakalinga kumupingite.

Jelemiya 25:15

Mwaami Lesa, Lesa wa bene Isilaeli wakandwiita ayi, “Bwesa nkomeshi iyi iyo iswite waini wa bukali bwangu akunwisha bantu ba mishobo yoonse iyo njendakakutumaako.

2 Samwelo 11:13

Mpomunyaawo Defedi wakeeta Uliya ayi ese alyaakwe cakulya ca macolesha. Lyalo wakamukolesha bwalwa. Sombi abwalo bushiku ubo Uliya taakwe kuya kuŋanda yakwe, wakoona pampasa yakwe pakati ka basebenshi ba mwaami wakwe.

Kulonga 32:25

Mose wakabona ayi Aloni wakabaleka bantu ayi bacite bubi akulilensha nsoni pameenso a balwani babo.

Isaya 5:22

Mapensho kubaabo baambwa busankwa pawaini! Ee, abo batacite boowa na caamba kusenkanya shakunwa shikali!

Isaya 28:7

Abalo balaluki abapailishi balakolwa waini abuumbi cakutalantanta. Ncakwiila balapuwookapuwookabo uku akooku ceebo ca bwalwa. Ceebo cakukolwa, balaluki balaalilwa kunyumfwisha shili anga nshiloto isho Lesa nshaabatumina. Pamilandu ileta bantu kuli mbabo balaalilwa kupa bupingushi ceebo cabucakolwa.

Abakuku 2:14

Sombi mucishi ca panshi coonse bantu balaakunooswitebo lushibo lwa bulemu bwa Mwaami Lesa bweenka lweenge mboluswite maanshi.

Abakuku 2:16

Ono mwebo nweenka mulaakulenshekwa nsoni mumusena wa bulemu. Ncakwiila mwebo nobeene mulaakukolwa akutalantanta. Mwaami Lesa ulaakumulengesha kunwa nkomeshi ya bukali bwakwe, lyalo bulemu bwanu bulaakusandulwa kuba musebaanyo.

Isaya 28:8

Matebulu oonse aliswitebo malushi. Taaku pacaala pataapu matombe.