11 Ncakwiila baleenda akuya cakufwambaana anga ngumuuwo. Bashilumamba aba balabona nkusu shabo anga ngolesa wabo.”
Sombi ndibakatalika kulisumpula, kuba beshicimpamya alimwi beshilunkutwe bakakushikwa pacuuna ca bwaami akuswa pamusena wa bulemu.
Isilaeli wakalinga kusalalite kuMwaami Lesa. Wakalinga mbuli shisepo shitaanshi kutebulwa. Abo boonse bakamucisa ndakabapa mulandu aboobo mapensho akabashikila.’ ” Mwaami Lesa waamba.
Balalambila atoombe twabo akubenga milambu kuli ntuto mukwiinga kwiinda mutoombe babila alimwi balalya kabotu.
Bapambi abantu bamwi bakalasha Lesa balekalabo muluumuno. Sombi balo mbantu bacinka manungo munkusu shabo beene ayi ngolesa wabo.
Muleli uyo ulalisumpula ayi, “Shoonse ishi ndakashicita kwiinda munkusu shangu, mubusongo bwangu alimwi amukucenjela kwangu. Ncakwiila ndamanisha manyinsa pakati ka mishobo akubwesa buboni mbobakalinga kusungite. Bamaami babo ndakabalwana akubalyatoola anga ngumucende.
Mwaami Lesa waamba ayi, “Baambile ayi, ‘Mituntu ya bantu ilaakunoolibo anga ngamatombe apantantaala muluundu. Ee, ilaakunoobonekabo anga ngamaila aceswabo kwakutaabunjika kwisule lya shikucesa.’ ”
Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”
